Zëdhënësi i Forcave të Mbrojtjes së Izraelit, Effie Defrin, thotë se Irani nisi “rreth 100 dronë drejt territorit izraelit”, të cilët ai thotë se po punojnë për t’i kapur.
Defrin shton se shefi i shtabit të ushtrisë iraniane, komandanti i Korpusit të Gardës së Revolucionit Islamik (IRGC) të Iranit dhe komandanti i komandës së emergjencës së Iranit u vranë në sulmet e së premtes, shkruan BBC.
Në Izrael është shpallur gjendje e jashtëzakonshme.
Sulmi me raketa i kryer nga Izraeli ndaj objektivave në Iran, i koduar si Operacioni “Rising Lion”, ka shkaktuar një goditje të rëndë ndaj udhëheqjes ushtarake dhe programit bërthamor iranian.
Sipas mediave shtetërore iraniane, mes viktimave janë disa prej figurave më të larta të mbrojtjes dhe shkencës bërthamore të vendit.
Të vrarë në sulm janë konfirmuar:
Hossein Salami, komandant i përgjithshëm i Gardës Revolucionare Islamike
Gholamali Rashid, komandant i Shtabit Qendror Khatam-al Anbiya
Fereydoon Abbasi, shkencëtar bërthamor dhe ish-kreu i Organizatës për Energjinë Atomike të Iranit
Mohammad Mahdi Tehranchi, shkencëtar i përfshirë në programin e armëve bërthamore
Mohammad Bagheri, Shef i Shtabit të Forcave të Armatosura të Iranit
Gjithashtu, Ali Shamkhani, këshilltar i lartë i Udhëheqësit Suprem, Ajatollah Ali Khamenei, raportohet se është plagosur rëndë dhe ndodhet në gjendje kritike.
Izraeli ka deklaruar se qëllimi i sulmit ishte frenimi i përparimeve në programin bërthamor të Iranit dhe paralajmëroi për “veprime të tjera të nevojshme” nëse kërcënimi vazhdon. Nga ana tjetër, Irani ka thirrur Këshillin e Sigurimit Kombëtar për një përgjigje të koordinuar dhe ka akuzuar Izraelin për “akt agresioni flagrant”.
Presidenti amerikan Donald Trump ka folur për Fox News në lidhje me sulmin izraelit ndaj Iranit, duke konfirmuar se ka qenë në dijeni të operacionit ushtarak të njohur si “Rising Lion”, por ka theksuar se SHBA nuk ka marrë pjesë në asnjë mënyrë në të, shkruan Gazeta Sinjali.
“Ishte një vendim i Izraelit. Ne nuk kemi qenë pjesë e operacionit, por ishim të informuar paraprakisht,” deklaroi Trump. Ai përsëriti qëndrimin e tij të kahershëm se Irani nuk duhet të pajiset me armë bërthamore dhe shtoi se diplomacia mbetet rruga më e mirë për të shmangur përshkallëzimin.
“Irani nuk mund të ketë një bombë bërthamore dhe ne shpresojmë të rikthehemi në tryezën e bisedimeve. Do të shohim,” u shpreh ai.
Në një moment të intervistës, Trump konfirmoi se disa figura të larta iraniane janë vrarë në sulmin izraelit. “Ka disa figura udhëheqëse që nuk do të kthehen më,” tha ai, duke lënë të kuptohet rëndësinë strategjike të goditjes.
Ai gjithashtu njoftoi se administrata e tij kishte informuar një “aleat të rëndësishëm në Lindjen e Mesme” përpara sulmit, pa zbuluar emrin e vendit, duke nënkuptuar koordinim të ngushtë rajonal në sfondin e krizës.
Ka vedkur ish-ushtari i UÇK-së, Driton Hajrizi, i cili pas luftës në Kosovë shërbeu edhe në TMK e në FSK.
Lajmin për vdekjen e tij e ka bërë të ditur kreu i OVL-UÇK-së, Hysni Gucati.
“Me dhimbje të madhe mora lajmin për ndarjen nga jeta të bashkëluftëtarit dhe mikut tim, Driton Hajrizi. Dritoni ishte pjesë e Ushtrisë Çlirimtare të Kosovës, më pas shërbeu me nder në TMK dhe FSK. Gjatë gjithë jetës së tij, ai u dallua për vlerat e larta njerëzore, përkushtimin dhe atdhedashurinë.
Humbja e tij na ka prekur të gjithëve thellë.
Pusho i qetë, Driton. Do të të kujtojmë gjithmonë me respekt e mall.
Ngushëllime familjes Hajrizi dhe të gjithë atyre që patën fatin ta njohin Dritonin!”, ka shkruar ai.
Kryeministri izraelit, Benjamin Netanyahu, ka konfirmuar se Izraeli ka goditur objektivat bërthamore në Iran, duke bërë të ditur se oeracioni do të vazhdojë për shumë ditë.
“Çaste më parë, Izraeli nisi operacionin Rising Lion, një operacion ushtarak i synuar për të zbrapsur kërcënimin iranian për vetë mbijetesën e Izraelit”, tha Netanyahu në një fjalim televiziv, raporton CNN, transmeton Klankosova.tv.
“Ky operacion do të vazhdojë për aq ditë sa duhet për të hequr këtë kërcënim”, tha i pari i qeverisë izraelite.
Sipas tij, Irani kishte një program për të zhvilluar armë bërthamore, duke paraqitur një rrezik të qartë dhe të pranishëm për vetë mbijetesën e Izraelit.
“Ne goditëm në krye të programit të armatimit bërthamor të Iranit.”
Netanyahu shtoi se me anë të këtij operacioni, duke mbrojtur veten, Izraeli gjithashtu mbron edhe të tjerët, shkruan CNN, transmeton Klankosova.tv
“Ne mbrojmë fqinjët tanë arabë. Ata gjithashtu kanë vuajtur nga fushata e kaosit dhe masakrës së Iranit”, deklaroi kryeqeveritari izraelit.
Nga ana tjetër, Qeveria e Iranit nuk ka komentuar ende për sulmet
Izraeli ka nisur një fushatë të paprecedentë sulmesh ajrore mbi territorin iranian, në një operacion të koduar “Luanin që Ngrihet” (Operation Rising Lion), duke goditur objektiva strategjike që përfshijnë uzina bërthamore, baza ushtarake dhe ndërtesa të lidhura me Gardën Revolucionare Iraniane.
Sipas mediave shtetërore iraniane, mes të vrarëve janë komandanti i Gardës Revolucionare, Hossein Salami, si dhe dy shkencëtarë të njohur në fushën bërthamore: Fereydoun Abbasi-Davani dhe Mohammad Mehdi Tehranchi.
Goditjet kanë përfshirë zonën e Natanz-it, ku ndodhet një nga reaktorët kryesorë të pasurimit të uraniumit, si dhe laboratorë të dyshuar për zhvillimin e teknologjisë bërthamore në Teheran, Khondab, dhe Isfahan.
Ministri i Mbrojtjes i Izraelit e ka përshkruar operacionin si një “masë parandaluese jetike”, duke akuzuar Iranin për përshpejtimin e zhvillimit të armëve bërthamore që “rrezikojnë vetë ekzistencën e shtetit izraelit”.
Ndërkohë, Irani ka paralajmëruar një hakmarrje të ashpër dhe të gjerë, ndërsa qytetet e mëdha si Teherani, Qom dhe Isfahani janë futur në gjendje të jashtëzakonshme. Aeroportet janë mbyllur, dhe në disa rajone është pezulluar qarkullimi ajror civil dhe ushtarak.
Reagimet ndërkombëtare janë të përziera: Shtetet e Bashkuara kanë njoftuar se nuk kanë qenë të përfshira në sulme, por kanë shprehur shqetësim për përshkallëzimin e mundshëm të konfliktit. Ndërkohë, çmimet e naftës në bursat botërore janë rritur mbi 6%, pas frikës për destabilizim në rajon.
Shumë qytetarë po përballen me probleme kardiake, në veçanti shqetësues është numri i pacientëve të ri në moshë
E sipas drejtorit të Kardiologjisë, Faik Shatri, për këtë po ndikojnë shumë faktor.
“Mesazhi im është i qartë: mos e neglizhoni asnjë simptomë! Diagnostikimi dhe trajtimi i hershëm shpëton jetë. Kardiologjia është më efikase kur intervenohet në kohë. Rritja e problemeve kardiake te të rinjtë lidhet me stilin e jetesës sedentare, stresin e lartë, duhanin, ushqimin jo të shëndetshëm dhe mungesën e aktivitetit fizik”, ka thënë Shatri në një prononcim për IndeksOnline.
Shatri gjatë bisedës tregon se cilat ndryshime do të bënte në Klinikën që udhëheq.
“Do të shtoja menjëherë një sallë të tretë të kateterizimit me ekip të plotë profesional. Kjo do të na mundësonte të përgjysmonim listën e pritjes dhe të ofronim trajtim shumë më efikas. Gjithashtu, do të forcoja sistemin informatik dhe zinxhirin e referimit për të optimizuar qarkullimin dhe trajtimin e pacientëve”, vlerëson ai.
Shatri tregon se me cilat klinika jashtë vendit kanë bashkëpunim, për rastet më të rënda.
“Bashkëpunimi me qendra ndërkombëtare si ato në Luksemburg, Itali, Gjermani dhe Bullgari është intensifikuar gjatë vitit të fundit. Janë realizuar ndërhyrje strukturore në zemër, procedura të elektrofiziologjisë dhe implantime të pajisjeve. Kemi mbajtur workshop-e të përbashkëta dhe synimi është që këto ndërhyrje të avancuara të ofrohen në të ardhmen e afërt edhe në Kosovë, në mënyrë të pavarur”, thekson ai.
I pari i kësaj klinike, po ashtu tregon planet për zgjerim të kapaciteteve apo investimeve të reja në tekonologji.
“Po. Jemi në fazën e parë të projektit për ndërtimin e sallës së tretë të kateterizimit në Prishtinë, në bashkëpunim me LuxDev, i cili ka bërë donacionin përkatës. Gjithashtu jemi në proces rinovimi të disa hapësirave të Klinikës. Është planifikuar edhe një strategji afatmesme për periudhën 2026–2030, që përfshin investime në teknologji të avancuar dhe trajnime për stafi”, përfundon ai.
Me pikëllim të thellë, familja Halilaj njofton se pas një sëmundje të rëndë ka ndërruar jetë Hoxhë Afrim Halilaj, në moshën 47-vjeçare.
Që nga paslufta, Hoxhë Afrimi shërbeu me përkushtim si imam, duke u dalluar për drejtësinë, urtësinë dhe dashurinë që e kishte për komunitetin dhe secilin që e njohu. Humbja e tij përbën një dhembje të madhe për familjen dhe për gjithë ata që e çmuan dhe e respektuan.
Varrimi i të ndjerit do të bëhet të premten, më 13 qershor 2025, në orën 15:00, në varrezat e fshatit Gur i Kuq të Rahovecit
Një grua 34-vjeçare dhe djali i saj trevjeçar humbën jetën pasi u mbytën në një pishinë rezidenciale në lagjen Lachine të Montrealit, mbrëmjen e së martës.
Media kanadeze, Ctw News shkruan se shërbimet e urgjencës morën një telefonatë në 911 në orën 21:35 lidhur me incidentin që ndodhi në rrugën 20e Avenue, pranë rrugës Provost.
“Ata gjetën dy persona pa ndjenja”, tha zëdhënësja e policisë së Montrealit, Caroline Chèvrefils, ndersa shtoi se “dy viktimat, për fat të keq, u shpallën të vdekur në vendngjarje.”
“Ishte një aksident,” konfirmoi Chèvrefils.
Kryebashkiakja e zonës Lachine, Maja Vodanovic, shkroi në Facebook, ku tregoi se gjithçka kishte nisur nga një top.
“Ishte një top që ra në pishinën, gjë që shkaktoi një sërë ngjarjesh që çuan në mbytjen e fëmijës 3-vjeçar dhe nënës së tij 34-vjeçare, e cila u përpoq ta shpëtonte por për fat të keq nuk dinte not”. shkroi ajo në Facebook.
Një person ka humbur jetën në Kotorr të Skenderajt pasi i njëjti është rrokullisur me traktor derisa ishte duke punuar në pyll.
Lajmin e ka konfirmuar zëdhënësja e policisë për rajonin e Mitrovicës, Fexhrije Pllana, e cila tha se bëhet fjalë për një person të moshës rreth 55 vjeçare.
“Sot me datën 12.06.2025 rreth orës 19:00 është raportuar se në fshatin Kotorr të Skenderajt, një person i moshës madhore derisa kishte qenë duke punuar në pyll është rrokollisur me traktor”.
“Njësitë relevante kanë dalë ne vendngjarje ku mjeku kujdestar ka konstatuar se personi në fjalë i moshës rreth 55 vjeçare është pa shenja jete”, thuhet tutje në konfirmim.
