Përdorimi i paracetamolit gjatë shtatzënisë shkakton autizëm? Zbulohet raportini ri

Një raport i ri, që pritet të publikohet brenda këtij muaji nga autoritetet shëndetësore amerikane, mund të ndezë debate të reja rreth sigurisë së medikamenteve gjatë shtatzënisë.

Sipas Wall Street Journal, dokumenti në përgatitje lidh përdorimin e qetësuesit pa recetë Tylenol (paracetamol/acetaminofen) nga gratë shtatzëna me rritjen e rrezikut për zhvillimin e autizmit tek fëmijët.

Raporti gjithashtu nënvizon se mungesa e acidit folik gjatë shtatzënisë mund të përbëjë një faktor tjetër rreziku për autizmin, ndërsa forma aktive biologjike e tij, acidi folinik (leukovorina), mund të ndihmojë në reduktimin e simptomave të autizmit, sipas burimeve të cituara nga gazeta.

Këto zbulime të mundshme vijnë në një kohë të ndjeshme për Sekretarin e Shëndetësisë dhe Shërbimeve Njerëzore, Robert F. Kennedy Jr., i cili u paraqit këtë javë para Komitetit të Financave të Senatit, në Capitol Hill, më 4 shtator.

Kennedy është përballur me kritika për shkurtimet buxhetore prej gati 500 milionë dollarësh, që kanë prekur veçanërisht projektet e reja mbi teknologjinë mRNA.

Tylenoli (acetaminofen/paracetamol) është një nga medikamentet më të përdorura në botë për lehtësimin e dhimbjeve dhe uljen e temperaturës, përfshirë edhe nga gratë shtatzëna. Ndërsa disa studime kanë sugjeruar një lidhje të mundshme me zhvillimin e çrregullimeve neurozhvillimore, Kolegji Amerikan i Obstetërve dhe Gjinekologëve (ACOG) vazhdon të mbështesë përdorimin e tij gjatë shtatzënisë, por me rekomandimin që çdo përdorim të bëhet vetëm me konsultë mjekësore.

Nuk është ende e qartë nëse raporti do të përfshijë ndonjë referencë ndaj vaksinave, një çështje për të cilën Kennedy Jr. ka qenë një kritik i zëshëm prej vitesh, duke pretenduar më parë – pa prova të pranuara shkencërisht – se vaksinat lidhen me autizmin, një qëndrim që ka shkaktuar polemika të shumta.

Raporti pritet të publikohet deri në fund të shtatorit, dhe pritet të ketë ndikim të konsiderueshëm në politikat e shëndetit publik dhe diskutimet mbi medikamentet që konsiderohen të sigurta gjatë shtatzënisë.

Xhaka: Sikur të luanim si në pjesën e parë, rezultati do të ishte 6:0 ose 7:0

Granit Xhaka ka folur menjëherë pas ndeshjes mes Zvicrës dhe Kosovës.

Xhaka shkëlqeu dhe udhëhoqi Zvicrën në fitoren 4:0.

“Mund të them që ishte një pjesë e parë më e mira për kohë të gjatë. Por pjesa e dytë nuk ishte e mirë. Nuk kemi bërë gjërat që kemi planifikuar. Ata që më njohin e dinë që jam vetëkritik dhe kritik ndaj ekipit. Dhe nuk mund të jemi të kënaqur me pjesën e dytë. Nëse do të luanim si në pjesën e parë do të mund të fitonim 6:0 ose 7:0. Është mëkat që përfundoi vetëm 4:0, ndonëse ishte rezultat i merituar. Zhvillimi tani duhet të jetë që duhet të dominojmë për 60, 70 apo 90 minuta në ndeshje, jo vetëm 45. Kemi shumë lojtarë të rinj të cilëve ndoshta u duhet ende kohë për të luajtur me konsistencë për 90 minuta. Por ne kemi dashur tri pikë dhe i morëm me komoditet”, ka thënë Xhaka.

Plumbi qorr godet 62-vjeçarin në oborrin e shtëpisë në Vushtrri, policia në kërkim të autorit

Një ngjarje e rëndë ka ndodhur mbrëmë në fshatin Maxhunaj të Vushtrrisë, ku një burrë ka mbetur i plagosur nga një e shtënë me armë zjarri.

Sinjali mëson se viktima është Sh. Maxhuni, 62-vjeçar i cili ka deklaruar se rreth orës 20:25, përderisa po qëndronte në oborrin e shtëpisë së tij, ka dëgjuar një krismë dhe menjëherë ka ndjerë një goditje në këmbën e djathtë, sipër gjurit.

Ai ka treguar se nuk ka pasur probleme me askënd dhe se nuk dyshon në ndonjë person të caktuar. Deri më tani, Policia nuk ka identifikuar autorin e ngjarjes.

I plagosuri është dërguar për tretman mjekësor në emergjencën e Vushtrrisë, ku sipas mjekëve është në gjendje stabile dhe jashtë rrezikut për jetë.

Me urdhër të Prokurorit kujdestar, rasti është iniciuar si vepër penale “Shkaktim i rrezikut të përgjithshëm”, ndërsa hetimet për zbardhjen e rastit po vazhdojnë.

Dikur shumë i njohur, kështu duket sot këngëtari Mentor Kurtishi

Mentor Kurtishi dikur ishte një prej emrave më të njohur të muzikës, i njohur për këngët e tij melankolike që prekën zemrat e publikut.

Hitet e tij të dashurisë e bënë të pëlqyer në skenë dhe një nga zërat më të kërkuar të kohës.

Por si po e përjeton ai këtë transformim të karrierës së tij? Një pyetje që ngjall kuriozitetin e shumë fansave të tij.

Sot, vite më pas, Mentori vazhdon të jetë aktiv në muzikë, por tashmë më shumë i pranishëm në dasma dhe mbrëmje familjare.

Kjo ka sjellë një ndryshim të dukshëm në mënyrën se si ai e përjeton artin e tij.

Edhe pse koha ka kaluar, ai duket se ka ruajtur stilin e tij të njëjtë dhe nuk ka ndryshuar shumë nga periudha e famës së madhe. Kjo tregon për një artist që e ka të qartë identitetin e tij dhe e respekton atë.

Mentor Kurtishi ka pasur një ndikim të madh në muzikën shqiptare, duke sjellë një frymë të re dhe emocione të thella përmes këngëve të tij. Ndërsa ai vazhdon të performojë, është interesante të shohim se si publiku e pranon këtë transformim.

Kryeziu: Masa e përkohshme e Kushtetueses i ka efektet e pariparueshme

Ish-gjyqtari i Gjykatës Kushtetuese, Kadri Kryeziu, ka theksuar se vendimi i sotëm për vendosjen e masës së përkohshme ndaj Kuvendit të Kosovës ka impakt negativ.

Në emisionin “Edicioni Special” në Klan Kosova, ai ka deklaruar se dëmi nga ky vendim i fundit i Kushtetueses për vendin do të jetë i pariparueshëm.

“Unë këto i kam trajtuar në mënyrë shumë profesionale dhe të specializuar. Mund të them se masa e përkohshme, e cila është vendosur sot nga Gjykata Kushtetuese, prodhon efektet e pariparueshme për institucionet dhe për shoqërinë e Kosovës”.

“Kështu që, në këtë kontekst, unë konsideroj që gjyqtarët nuk kanë marrë parasysh interesin e madh kombëtar dhe shtetëror, dhe janë ngutur që të bëjnë një masë të përkohshme, efektet e së cilës janë të pariparueshme, jo vetëm për këtë legjislaturë, por edhe për legjislaturat tjera që vijnë me radhë në Parlamentin e Kosovës”, ka thënë Kryeziu.

 

 

Kryeziu ka sqaruar se cili është efekti kryesor më i pariparueshëm që ai e sheh: “Një përfaqësues i minoritetit serb mund të vendosë se kur të konstituohet parlamenti dhe kur të mos konstituohet parlamenti. Kjo quhet, në aspektin diplomatik dhe politik, ‘veto’, që nënkupton se një minoritet me një udhëzim administrativ ka mundësi çdo herë të bojkotojë ose të mos marrë pjesë në parlament, dhe në bazë të kësaj nuk mund të konstituohet Kuvendi i Kosovës pa qenë një minoritet serb.”

Remzie Osmani bëhet gjyshe, vjen në jetë nipi, i vendos emër të veçantë

Fillon ndeshja Zvicër – Kosovë, linku për ta shikuar LIVE

Ka filluar ndeshja mes Zvicrës dhe Kosovës, e vlefshme për kualifikueset e Kampionatit Botëror.

Stadiumi “St. Jakob-Park” është i mbushur me tifozë, ku nuk mungon përkrahja e madhe për Kosovën, nga shqiptarët që jetojnë në Zvicër.

Ndeshjen live mund ta ndiqni në Radio Televezionin e Kosovës,e po ashtu edhe përmes linkut të mëposhtëm:/IndeksOnline/

Shiko SHQIP!

Ky është 43-vjeçari që humbi jetën në aksidentin në Malishevë

Një aksident i rëndë trafiku ka ndodhur sot rreth orës 15:50 në fshatin Astrazub të Malishevës, ku humbën jetën dy persona ndërsa u lënduan edhe dy të tjerë.

Burimet e IndeksOnline kanë bërë të ditur se personi që humbi jetën është, Masar Krasniqi .

Ndërsa viktima tjetër një femër mga familja Popaj.

Rasti është konfirmuar edhe nga zëdhënësi i policisë për rajonin e Gjakovës, Sheremet Elezi.

“Sot rreth orës 15:50, në fshatin Astrazub të Malishevës është raportuar një aksident trafiku në mes të dy automjeteve.

Në vendin e ngjarjes menjëherë kanë dalë njësitet e nevojshme policore dhe ekipi i ndihmës së shpejtë, ku nga personeli mjekësor është konstatuar vdekja e dy personave të rritur (një femër dhe një mashkull), ndërsa dy persona të tjerë janë dërguar për trajtim mjekësor.

Në konsultim me Prokurorin e Shtetit, trupat e viktimave dërgohen për ekzaminim mjeko-ligjor” deklaroi Elezi.

Zvicër – Kosovë, shiko këtu ndeshjën

LINK 1

LINK 2

Kurtit nuk i pëlqen pyetja pse vajza e tij nuk shkollohet në Kosovë, i kthehet keq gazetares

Kryeministrit në detyrë, Albin Kurti nuk ka pëlqyer fare që ia bënë gazetarët gjatë përurimit të një çerdheje në Orllan të Podujevës

Ai u pyet aty se pse s’po e shkollon edhe vajzën e tij në Kosovë derisa po lavdëronte punën e tij në arsim.

“Në vazhdimësi po përkrahni projekte në arsim, a s’janë këto të mjaftueshme që edhe vajza juaj të shkollohet në Kosovë?”, ishte pyetja e gazetares së Klan Kosovës.

“Unë po ju falënderoj shumë që po i ndiqni këto investime që po i bëjmë ne këtu, dhe natyrisht që unë kujdesem për të gjithë fëmijët e Kosovës dhe po bëjmë atë që s’ka bërë asnjë qeveri para neve. Madje, të gjitha qeveritë marrë së bashku nuk mund të krahasohen me numrin e çerdheve që kemi hapur ne. Katër çerdhe për 18 vjet në njërën anë dhe në anën tjetër i kemi për vetëm katër vjet 65 çerdhe ose të ndërtuara ose në ndërtim e sipër”, tha Kurti.

Ndërkaq, ai iu hakmor asaj menjëherë.

“Sa i përket televizionit tuaj, besoj që ju duhet t’u thoni pronarëve që t’ia ktheni 62.6 milionë euro Telekomit të Kosovës”.