Veton Surroi: Deputetët që e çojnë vendin në zgjedhje, do ta mbajnë barrën e përgjegjësisë

Publicisti Veton Surroi ka thënë se deputetët që e çojnë vendin në zgjedhje të parakohshme përmes kundërshtimit të zgjedhjes së presidentit, do të mbajnë barrën e përgjegjësisë për këtë çështje.

Në një shkrim në Facebook duke renditur disa sugjerime rreth krizës aktuale, Surroi ka thënë se të gjithë deputetët duhet të shfrytëzojnë deri në fund të afatit mekanizmat ligjorë dhe kushtetues në dispozicion.

Ai ka thënë se deputetët e kanë obligim ta zgjedhin presidentin e vendit, shkruan KOHA.