A po shkon vendi përsëri në zgjedhje të reja?

Eugen Cakolli nga Instituti Demokratik i Kosovës (KDI), ka paralajmëruar për një skenar ekstrem në rast të vonesave në trajtimin e ankesave nga PZAP, duke theksuar se vendi mund të përballet me krizë kushtetuese, shkruan Gazeta Infokus.

Në një deklaratë për Infokus, Cakolli tha se nëse ka vonesa në vendimmarrje, ekziston rreziku real Kuvendi të mos konstituohet dhe të mos kemi as qeveri të zgjedhur deri me 5 mars e që është afati i fundit për ta zgjedhur presidenten, e që sipas tij i bie që vendi të shkojë në zgjedhje të reja.

Sipas tij, një situatë e tillë do të krijonte paqartësi serioze institucionale dhe do ta fuste vendin në një ngërç të thellë kushtetues.

”Nëse do të kenë vonesa me ankesat apo vendimmarrjet e PZAP-ës ekziston rreziku real që është absolutisht skenari më ekstrem që të mos kemi Kuvend të konstituar as qeveri të zgjedhur deri me 5 mars që është afati i fundit për ta zgjedhur presidenten dhe që i bie paradoksalisht të shkojmë në zgjedhje të reja pa përbyllur plotësisht një cikël zgjedhor në veçse ndodhemi, e kjo do të ishte krizë kushtetuese se nuk do të dihej kush mund të ishte ushtrues detyre presidenti si pikë e parë meqenëse kushtetuesja e përcakton që vetëm kryetari i Kuvendit e që ne nuk e kemi një të tillë sepse z.Basha i takon një legjislature tjetër dhe nuk mund të jetë ushtrues detyre të presidentit”, ka deklaruar Cakolli në Infokus.