Diaspora “shpërthen” për VV-në, rezultatet e para befasojnë rivalët

Komisioni Qedor i Zgjedhjeve ka nisur publikimin e rezultateve të votave nga votimi në përfaqësitë diplomatike.

Janë numëruar 2 nga 47 vendvotime nga përfaqësitë diplomatike, që përbëjnë 4.26% të totalit të procesit të votimit në këtë kategori, shkruan Gazeta Online Reporteri.net.

Sipas rezultateve të para, Lëvizja Vetëvendosje prin bindshëm me 84.00% të votave, duke siguruar 1,024 vota.

Pas saj renditet Partia Demokratike e Kosovës (PDK) me 7.55% ose 92 vota, ndërsa Lidhja Demokratike e Kosovës (LDK) ka marrë 5.41% apo 66 vota.

Aleanca për Ardhmërinë e Kosovës (AAK) renditet e fundit me 1.89% ose 23 vota.