AAK-ja kërkon që pensionet e veteranëve të jenë sa paga minimale

Grupi Parlamentar i Aleancës për Ardhmërinë e Kosovës (AAK) ka shprehur mbështetje të plotë për kërkesat e Organizatës së Veteranëve të Luftës së UÇK-së, duke i cilësuar ato si legjitime dhe të domosdoshme për trajtim institucional.

Në një deklaratë zyrtare, AAK-ja ka theksuar se kërkesat e paraqitura nga veteranët në komunikimin e 20 shkurtit duhet të adresohen pa vonesa dhe me prioritet nga institucionet e vendit.

“Lufta Çlirimtare dhe sakrifica e atyre që kontribuuan për lirinë dhe pavarësinë përbëjnë një themel të panegociueshëm të shtetësisë dhe rendit demokratik. Çdo përpjekje institucionale duhet të jetë në përputhje me këtë realitet historik dhe moral”, thuhet në deklaratë.

Grupi Parlamentar i AAK-së ka renditur tri kërkesa kryesore që mbështet

– Miratimin e Ligjit për mbrojtjen e vlerave të luftës së UÇK-së;

– Vendosjen e pensioneve të veteranëve në nivelin e pagës minimale;

– Zbatimin e plotë dhe pa vonesa të ligjit ekzistues.

AAK-ja bën të ditur se do të angazhohet për trajtimin prioritar të këtyre çështjeve në Kuvend, duke ftuar njëkohësisht të gjitha forcat politike për mbështetje të përbashkët.

Krasniqi: Pushteti nuk blihet me poste, LDK nuk bën pazare

Ish-deputetja e LDK-së, Rrezarta Krasniqi, ka reaguar përmes një postimi në Facebook lidhur me zhvillimet politike dhe negociatat për formimin e institucioneve.

Ajo ka kritikuar idenë e shkëmbimit të posteve për marrëveshje politike, duke e quajtur “llogaritje të gabuar” çdo ofertë që, sipas saj, synon heshtjen ndaj kapjes së institucioneve.

Krasniqi ka theksuar se LDK nuk është ndërtuar mbi pazare politike, por mbi parime dhe qëndrime institucionale.

“Katër ministri dhe një karrige zëvendëskryeministri si çmim për heshtje ndaj kapjes së Presidencë. Llogaritje e gabuar. Pushteti nuk blihet me poste, e aq më pak heshtja ndaj degradimit të institucioneve. LDK nuk është ndërtuar mbi pazare, por mbi parime. Dhe kur rrezikohet rendi institucional, përgjigjja jonë nuk është kompromisi, është qëndrimi konsistent për institucione kushtetuese. Shteti nuk fuqizohet me pazare ditore”, ka shkruar ajo.

Nesër seancë e jashtëzakonshme e Kuvendit

Kuvendi i Kosovës nesër do të mbajë seancë të jashtëzakonshme plenare. Pikë e vetme e rendit të ditës është çmimi dhe faturimi i energjisë elektrike për konsumatorët.

Vendoset: Kuvendi mblidhet të enjten dhe të premten

Kryesia e Kuvendit të Kosovës ka mbajtur sot një mbledhje, ku është vendosur për seancat e radhës.

Sipas njoftimit të Kuvendit, një seancë do të mbahet të enjten, ndërsa të premten dy të tjera, shkruan Reporteri.net.

Në seancën e së enjtes, që do të mbahet me fillim nga ora 10:00, do të trajtohen pikat e miratuara me shmangie nga afatet procedurale.

Të premten, Kuvendi do të mblidhet fillimusht në orën 10:00, për një seancë në nderim të ish-kongresistit amerikan, mikut të madh të Kosovës, Eliot Engel.

Më pas, nga ora 11:00, do të mbahet seanca plenare.

“Në mbledhjen e sotme Kryesia miratoi Rregulloren për procedurat, masat teknike dhe organizative për sigurinë e të dhënave personale në Kuvendin e Republikës së Kosovës, rekomandimin e Komisionit për Buxhet lidhur me Kornizën Afatmesme të Shpenzimeve të Kuvendit të Republikës së Kosovës për periudhën 2027-2029, si dhe shqyrtoi çështje të tjera nga fushëveprimtaria e saj”, thuhet në njoftim./Reporteri.net

Ekzekutohen pagesat për skemat sociale në vend, ja kush përfitoi

Janë realizuar pagesat për disa nga skemat kryesore sociale në vend, shkruan Gazeta Demos.

Kështu ka njoftuar Ministria për Punë, Familje dhe Vlerat e Luftës Çlirimtare, skemë kjo që përfshinë veteranët, pensionet e parakohshme dhe pensionet familjare.

Sipas njoftimit zyrtar, nga kjo pagesë kanë përfituar gjithsej 39,034 veteranë të UÇK-së, përfshirë edhe kategoritë si familjet e veteranëve pas vdekjes dhe ata të punësuar në sektorin privat.

Ndërkohë, në kuadër të skemës së pensioneve të parakohshme për ndërmarrjen “Trepça Sh.A.”, janë përfshirë 813 përfitues, ndërsa nga pensionet familjare kanë përfituar 2,409 qytetarë.

Albin Kurti: Kosova po shkon drejt zgjedhjeve

Kryeministri i Kosovës, Albin Kurti, pas takimit me kryetarin e Lidhja Demokratike e Kosovës, Lumir Abdixhiku, ka deklaruar se bisedimet ndërmjet palëve kanë rezultuar të pasuksesshme.

Kurti tha se asnjë nga ofertat e paraqitura nga Lëvizja Vetëvendosje nuk është pranuar nga Abdixhiku, duke shtuar se vendi po shkon drejt zgjedhjeve të reja, të cilat sipas tij janë të panevojshme dhe me kosto të lartë për shtetin.

“Në këtë mënyrë Kosova po shkon drejt zgjedhjeve të reja, të panevojshme, që i humbin kohë shtetit dhe mjete buxhetit të Kosovës. Së paku 1 milion euro kushtojnë zgjedhjet e reja dhe nuk do të sjellin zgjidhje sepse nuk do ta kemi numrin prej 80 deputetëve për ta bërë kuorumin. Është dashur të përpiqemi më shumë dhe nuk është dashur të refuzohet oferta jonë për qeverisje”, ka deklaruar Kurti.

Këto janë të gjitha vendimet që mori sot Qeveria

Qeveria e Kosovës ka mbajtur sot mbledhjen e rregullt, në të cilën ka miratuar një varg projektligjesh dhe vendimesh me rëndësi në fusha të ndryshme, nga ekonomia dhe tregtia, te siguria dhe integrimet evropiane.

Në mesin e vendimeve kryesore është miratimi i Projektligjit për ratifikimin e Marrëveshjes për Tregti të Lirë ndërmjet Kosovës dhe shteteve të EFTA-s (Islanda, Lihtenshtajni, Norvegjia dhe Zvicra), e cila synon liberalizimin e tregtisë së mallrave dhe shërbimeve dhe përmirësimin e qasjes në treg për investime.

Po ashtu, Qeveria ka miratuar disa projektligje për ratifikimin e marrëveshjeve financiare me Bashkimin Evropian në kuadër të programeve IPA 2019 dhe IPA 2020, si dhe një sërë protokollesh shtesë në kuadër të CEFTA-s që lidhen me tregtinë në shërbime, lehtësimin e tregtisë dhe zgjidhjen e mosmarrëveshjeve.

Në fushën e reformës së administratës publike, është miratuar projektligji për ndryshimin dhe plotësimin e ligjeve që lidhen me racionalizimin dhe vendosjen e vijave të llogaridhënies së agjencive ekzekutive.

Ndër projektligjet e tjera të miratuara janë edhe ai për inovacion dhe ndërmarrësi, për Inspektoratin Qendror të Trashëgimisë Kulturore, si dhe për Agjencinë e Menaxhimit të Emergjencave.

Qeveria ka marrë edhe vendime në fushën e sigurisë dhe politikës së jashtme, duke shpallur Organizatën e Trupave të Gardës Revolucionare Islamike (IRGC) si organizatë terroriste në territorin e Kosovës.

Gjithashtu, është miratuar vendimi për themelimin e trupave institucionale për anëtarësim në Bashkimin Evropian.

Në kuadër të vendimeve financiare, Qeveria ka ndarë mbi 20 mijë euro për kontributin vjetor në Qendrën Rajonale për Migrim, Azil dhe Refugjatë, si dhe 100 mijë euro për organizimin e ngjarjes ndërkombëtare “Future Industry Minds 2026” në Gjermani.

Ndër vendimet e tjera, është emëruar Shaban Neziri si kryesues i Bordit të Drejtorëve të “Telekomit të Kosovës”, si dhe janë miratuar kërkesat për dhënien me qira të hapësirave në Terminalin Doganor në Han të Elezit për veprimtari gastronomike.

Po ashtu, është miratuar nisma për lidhjen e marrëveshjes së grantit për zhvillimin e sektorit të energjisë, si dhe koncept-dokumenti për kontrollin e tregtisë me mallra strategjike.

Në fushën rajonale dhe ndërkombëtare, është miratuar edhe projektligji për ratifikimin e marrëveshjes me Shqipërinë për organizimin e Lojërave Mesdhetare “Prishtina 2030”.

Kurti tregon ofertën që i bëri LDK-së, i ofroi Abdixhikut këtë pozitë

Sot është mbajtur takimi mes kryeministrit Albin Kurti dhe Lumir Abdixhiku për çështje të presidentit, shkruan Gazeta Demos.

Kurti ka thënë që zgjedhjet nuk janë të nevojshme, kështu duke theksuar se ai i kërkoi Lumir Abdixhikut të jetë zëvendës i tij si dhe si LDK ta kenë Ministrinë e Punëve të Jashtme dhe tri ministri të tjera.

”Porsa e përfunduam një takim me Lumir Abdixhikun, të cilin e falënderoj për bashkëpunimin mirëpo në të njëjtën kohë më duhet të konstatoj se bisedimet rezultuam të pasuksesshme, sepse të gjitha ofertat që ne kemi bërë nuk u pranuan nga kreu i LDK-së. Fillimisht ne ofruam që LDK-ja në bashkëqeverisje me VV-në dhe me partnerët që i kemi ne në mazhorancën prej 66 deputetëve ta ketë zëvendëskryministrin dhe Ministrinë e Punëve të Jashtme dhe tri ministri të tjera, unë kam kërkuar që z[vendëskryeministër i imi të jetë Lumir Abdixhiku dhe në këtë mënyrë të fillojmë një kapitull të ri mes LVV-së dhe LDK-së”, tha Kurti pas takimit.

Nuk ka marrëveshje, Abdixhiku: Kurti insistioi që Presidenti t’i takojë Vetëvendosjes

Lumir Abdixhiku i LDK-së lajmëroi se nuk pati marrëveshje me Albin Kurtin për çështjen e presidentit.

Ai tha se Kurti insistoi që Vetëvendosja të ketë presidentit.

Tash, ai tha sa, nuk do t’i marrin më kohë popullit të Kosovës me takime të tilla.

“Nuk ka pasur propozim tjetër nga Kurti, përveç që propozimi të jetë i Vetëvendosjes.”

Abdixhiku tha se “u dakorduam që nuk të takohemi me me Kurtin, s’ka më kuptim.”

“LDK e konsideron prej këtij momenti të përmbyllur këtë çështje.”

Këtë javë pritet ekzekutimi i këtyre pagesave

Ministria e Financave, Punës dhe Transfereve ua rikujton të gjithë përfituesit.

Pagesat e skemave do të ekzekutohen si në vijim:

Me datë 25 të çdo muaji do të ekzekutohen pagesat për lehonat e punësuara dhe të pa puna, si dhe shtesat për fëmijë.