Aleanca siguron 7 mandate në Kuvend, emrat që arritën të bëhen deputetë

Në ditën e dhjetë pas mbajtjes së zgjedhjeve të parakohshme parlamentare, Komisioni Qendror i Zgjedhjeve (KQZ) ka përmbyllur procesin e numërimit të të gjitha fletëvotimeve.

Të enjten në mëngjes do të nisë rinumërimi i fletëvotimeve nga 185 vendvotime, nga gjithsej 2 mijë e 498 të tilla.

Bazuar në rezultatet e publikuara nga KQZ-ja, Aleanca ka siguruar shtatë ulëse në legjislaturën e 11-të të Kuvendit të Kosovës.

Ardian Gjini, Ramush Haradinaj, Daut Haradinaj, Besnik Tahiri, Time Kadrijaj, Albana Bytyqi dhe Teuta Haxhiu janë kandidatët e këtij subjekti politik që kanë fituar mandatet e deputetëve.

Pas përfundimit të numërimit të votave, KQZ ka njoftuar se e drejta për ankesë lidhur me administrimin në Qendrat Komunale të Numërimit dhe në Qendrën e Numërimit dhe Rezultateve është një e drejtë që palët kanë mundur ta shfrytëzojnë në vazhdimësi, brenda 48 orëve nga ndodhja e shkeljes së supozuar.

Zëdhënësi i KQZ-së, Valmir Elezi, ka deklaruar se për administrimin e numërimit në ditën e fundit, sipas Ligjit për Zgjedhjet e Përgjithshme, ankesat mund të dorëzohen me shkrim në Panelin Zgjedhor për Ankesa dhe Parashtresa brenda 48 orëve nga ndodhja e shkeljes së supozuar.

“Në rast se brenda 48 orëve nuk do të ketë ankesa lidhur me administrimin e numërimit në ditën e fundit, KQZ është e gatshme për të proceduar me shpalljen e rezultateve përfundimtare, ndërsa nëse do të ketë ankesa, atëherë KQZ do të presë vendimmarrjen e institucioneve përkatëse dhe do të zbatojë vendimet nëse ato e obligojnë KQZ-në dhe vetëm pastaj mund të shpall rezultatet përfundimtare”, deklaroi ai.

Mërgim Lushtaku: Grupi më i fortë i VV-së janë trashëgimtarët e UDB-së

Deputeti i zgjedhur i Kuvendit të Kosovës, Mërgim Lushtaku foli rreth deklaratave të fundit të Dejona Mihalit.

“është qesharak , shtë fyes ky postim… Nuk ia kemi borxh fyerjet Dejona Mihailit”, tha Lushtaku.

Sipas Lushtakut ” Grupi më i fortë i VV-së janë trashëgimtarët e UDB-së”.

Përfundon numërimi i votave, këta do të jenë 120 deputetët e rinj të Kuvendit

Numërimi i votave nga zgjedhjet e 7 qershorit ka përfunduar sot, 10 ditë pas ditës së votimeve.

Sipas rezultateve të përmbledhura të KQZ’së, VV ka marrë 47.13%, PDK 19.44 %, LDK 16.69% dhe AAK 6.74%, shkruan Reporteri.net.

VV do ketë 53 deputetë, PDK 22, LDK 18 dhe AAK 7, Lista Serbe 9, KDTP 2, ZSPO 1, Vakat 1, IRDK 1, NDS 1, SDU 1, PSA 1 dhe PDK 1 deputet.

120 Deputetët e zgjedhur nga votimet e 9 qershorit, nga secila parti janë:

LVV:

1.[1] ALBIN KURTI 324,331 Vota
2.[2] GLAUK KONJUFCA 264,330 Vota
3.[5] ALBULENA HAXHIU 165,126 Vota
4.[6] HEKURAN MURATI 137,810 Vota
5.[3] DONIKA GËRVALLA- SCHËARZ 131,841 Vota
6.[7] XHELAL SVEÇLA 109,263 Vota
7.[16] EJUP MAQEDONCI 89,308 Vota
8.[4] AVNI DEHARI 89,182 Vota
9.[9] HAJRULLA ÇEKU 89,016 Vota
10.[8] MIMOZA KUSARI LILA 82,850 Vota
11.[10] SHQIPE MEHMETI SELIMI 59,057 Vota

12.[11] ANDIN HOTI 56,425 Vota
13.[12] ARBEN VITIA 52,998 Vota
14.[68] ILIR KËRÇELI 52,974 Vota
15.[13] SARANDA BOGUJEVCI 40,207 Vota
16.[89] OSMAN MUSLIU 37,159 Vota
17.[27] NEZIR KRAKI 35,818 Vota
18.[102] ALBAN BAJRAMI 32,600 Vota
19.[15] ARTON KONUSHEVCI 32,384 Vota
20.[29] EDONA LLALLOSHI 31,780 Vota
21.[48] MEFAIL BAJQINOVCI 31,669 Vota
22.[28] ARDIAN GOLA 29,780 Vota

23.[59] ARMEND BALOKU 26,071 Vota
24.[20] ARMEND MUJA 26,048 Vota
25.[26] ARBËRESHË KRYEZIU HYSENI 25,688 Vota
26.[34] ARBËR REXHAJ 25,009 Vota
27.[42] RUFKI SUMA 24,647 Vota
28.[23] FITORE PACOLLI DALIPI 24,308 Vota
29.[17] BLERIM GASHI 24,293 Vota
30.[19] ARTANE RIZVANOLLI BERISHA 23,956 Vota
31.[43] ADRIANA MATOSHI 23,779 Vota
32.[81] AGIM BAHTIRI 22,772 Vota
33.[32] ARJETA FEJZA 22,444 Vota

34.[30] TAULANT KELMENDI 21,330 Vota
35.[14] ARBËRIE NAGAVCI 20,885 Vota
36.[58] KRENARE ÇERKINI 20,637 Vota
37.[22] DIMAL BASHA 19,975 Vota
38.[51] LIZA GASHI 19,896 Vota
39.[55] LABINOTË DEMI MURTEZI 19,023 Vota
40.[25] ARTAN ABRASHI 18,648 Vota
41.[33] ADNAN RRUSTEMI 18,373 Vota
42.[40] ADELINA GRAINCA 17,442 Vota
43.[56] VALON RAMADANI 17,402 Vota
44.[110] SALIH ZYBA 16,636 Vota

45.[37] ENVER HALITI 15,986 Vota
46.[18] FATMIRE KOLLÇAKU 15,894 Vota
47.[100] VALON HOTI 15,856 Vota
48.[72] VALON PECI 15,727 Vota
49.[71] DRITA PAJAZITI 15,652 Vota
50.[38] JETON RAKA 15,620 Vota
51.[41] SYLEJMAN MEHOLLI 15,365 Vota
52.[62] VIGAN QORROLLI 15,120 Vota
53.[98] FJOLLA UJKANI 15,115 Vota

PDK:

1.[1] BEDRI HAMZA 126,936 Vota
2.[4] PËRPARIM GRUDA 78,919 Vota
3.[5] ARIAN TAHIRI 68,178 Vota
4.[2] URAN ISMAILI 63,361 Vota
5.[3] VLORA ÇITAKU 43,974 Vota
6.[9] SALA JASHARI 41,808 Vota
7.[12] GANIMETE MUSLIU 33,165 Vota
8.[10] ENVER HOXHAJ 30,854 Vota
9.[8] ARBEN MUSTAFA 30,279 Vota
10.[7] RRAHMAN RAMA 29,176 Vota
11.[16] MERGIM LUSHTAKU 28,115 Vota

12.[17] ELMI REÇICA 23,909 Vota
13.[6] BESA KABASHI RAMAJ 23,605 Vota
14.[11] JAKUP NURA 22,951 Vota
15.[22] EMAN RRAHMANI 22,809 Vota
16.[20] ALTIN KRASNIQI 22,649 Vota
17.[75] ARTAN BEHRAMI 21,590 Vota
18.[19] FADIL DEMAKU 21,368 Vota
19.[13] BLERTA DELIU KODRA 20,749 Vota
20.[15] RRUSTEM MUSTAFA 20,640 Vota
23.[21] ELIZA HOXHA 20,039 Vota
26.[18] ARIANA MUSLIU SHOSHI 18,621 Vota

LDK:

1.[1] VJOSA OSMANI SADRIU 92,234 Vota
2.[2] LUMIR ABDIXHIKU 83,892 Vota
3.[4] DOARSA KICA XHELILI 66,077 Vota
4.[12] HYKMETE BAJRAMI 53,780 Vota
5.[11] AVDULLAH HOTI 49,957 Vota
6.[8] UKË RUGOVA 42,083 Vota
7.[3] KUJTIM SHALA 41,078 Vota
8.[10] ANTON QUNI 33,964 Vota
9.[5] LUTFI HAZIRI 30,031 Vota

10.[17] ARMEND ZEMAJ 29,561 Vota
11.[14] BESIAN MUSTAFA 27,773 Vota
12.[24] JANINA YMERI 27,481 Vota
13.[23] ERMAL SADIKU 27,254 Vota
14.[6] JEHONA LUSHAKU SADRIU 25,783 Vota
15.[28] ARBEN GASHI 20,822 Vota
16.[7] ALBENA RESHITAJ 19,610 Vota
17.[22] FADIL HADERGJONAJ 19,321 Vota
18.[110] PARIS GURI 16,262 Vota

AAK:

1.[1] ARDIAN GJINI 44,780 Vota
2.[11] RAMUSH HARADINAJ 40,581 Vota
3.[50] DAUT HARADINAJ 31,047 Vota
4.[2] BESNIK TAHIRI 27,269 Vota
7.[3] TIME KADRIJAJ 18,955 Vota
10.[6] ALBANA BYTYQI 10,424 Vota

Lista Srpska:

1.[1] ZLATAN ELEK 23,166 Vota
2.[2] IGOR SIMIĆ 20,623 Vota
3.[5] SRDJAN POPOVIĆ 19,620 Vota
4.[4] SLAVKO SIMIĆ 18,527 Vota
5.[6] JOVANA RADOSAVLJEVIĆ 15,716 Vota
6.[3] LJILJANA STEFANOVIĆ 13,894 Vota
7.[7] MILAN JOKSIMOVIĆ 13,595 Vota
8.[8] BRANISLAV NIKOLIĆ 13,052 Vota
11.[9] TANJA VUJOVIĆ 9,240 Vota

KDTP:

1.[1] FİKRİM DAMKA 2,561 Vota
2.[3] FATMA TAÇİ 2,447 Vota

ZA SLOBODU PRAVDU I OPSTANAK:

1.[1] NENAD RAŠIĆ 4,216 Vota

Koalicja VAKAT:

[1] RASIM DEMIRI 1,934 Vota

IRDK:

1.[1] ELBERT KRASNIQI 2,214 Vota

NOVA DEMOKRATSKA STRANKA:

Rama godet VV-në e Kurtin: Çdo ditë kam me ju tregu pse jeni e keqja më e madhe vendit

Kryetari i Prishtinës, Përparim Rama, me një postim në Facebook alarmon se vendi po shkon drejt autokracisë, “dhe kjo nuk duhet t’i ndodhë këtij shteti”, deklaron Rama.

Rama thotë se “synimi është i qartë. Të heshtet çdo zë kritik, derisa në fund të mbetet vetëm një e “vërtetë”, ajo që e thotë Albin Kurti”.

“Prandaj, ka nisur linçimi i gazetarëve. Prandaj tentohet diskreditimi i tyre, që të mos u besojë kur raportojnë skandalet e qeverisë dhe të partisë!”, vijon ai.

Tutje Rama thotë, “dhe pasi ta kapin gjyqësorin dhe mediat, Albin Kurti ka me dalë me na kallxu edhe çka me bo në shtëpitë tona. Kur u kritikua për rritjen e çmimit të rrymës, na tha: “Mos u nxeni shumë, mlohnu me qebe”. Nesër ka me na kallxu edhe nxemjen a me lshu në 1-sh, 2-sh apo 3-sh!!”.

Ai pyet, “a ka ofendim më të madh për këtë popull sesa të përfaqësohet nga çifti i Dejona Mihajlit?”. Duke shtuar se është duke përgatitur padi për shpifje ndaj Mihalit.

“Unë jam këtu dhe çdo ditë kam me tregu pse ju jeni e keqja ma e madhe qe i ka ndodh këtij vendi. Unë jam këtu, ku i kam varret e të parëve të mi dhe ku rriten fëmijët e mi”, shprehet Rama.

Postimi i plotë i Përparim Ramës:

A ka ofendim më të madh për këtë popull sesa të përfaqësohet nga çifti i Dejona Mihajlit? A ka fatkeqësi më të madhe sesa partnerit tonë më të madh strategjik, SHBA-së, t’i përgjigjet në emër të popullit të Kosovës, çifti i Dejona Mihajlit? A ka ofendim më të madh për këtë popull sesa për luftën e UÇK-së, të flas çifti i Dejona Mihajlit?

Per gjuhën e saj që e shpërfaq nivelin e saj jam duke përgatitur padi. Padi për shpifje. Është mësu ajo me u fsheh pas brigadave të Facebook-ut dhe mijëra profileve false, duke përçarë shqiptarët, duke i ofendu nënat tona, gratë, fëmijët, luftën, kontributin, atdheun dhe gjithçka që është e shenjtë.

Tash ka me u përballë me Prokurorinë, atë institucion që ende nuk keni arritë me e kapë!

Ju rikujtoj se nëse mendoni se me kërcënime e shantazhe keni me m’ndalë, harrojeni!

Unë jam këtu dhe çdo ditë kam me tregu pse ju jeni e keqja ma e madhe qe i ka ndodh këtij vendi. Unë jam këtu, ku i kam varret e të parëve të mi dhe ku rriten fëmijët e mi.

Kush jeni ju, kujt i shërbeni dhe pse jeni këtu, këtë ka me e kuptu shumë shpejt populli i Kosovës!

Të dashur qytetarë,

Po hyjmë në fazën më të rrezikshme si shoqëri: normalizimin e një mentaliteti totalitar, ku çdo zë kritik duhet të heshtet, të diskreditohet dhe, në fund, të burgoset.

Vetëvendosje, prej vitesh dhe në mënyrë të orkestruar, ka punuar për ta zhvlerësuar çdo vlerë të luftës çlirimtare, çdo hero dhe çdo familje dëshmori. Çdo njeri që ka dhënë për lirinë dhe shtetësinë e Kosovës është sulmuar në mënyrën më të ulët. Janë fyer nënat e dëshmorëve, janë fyer heronjtë dhe qytetarët. Sepse për ta ky popull duhet të zhvishet nga çdo vlerë, që në fund në skenë të mbetet vetëm një emër, Albin Kurti.

Historia e njerëzimit na mëson se autokratët fillimisht i zhvlerësojnë kundërshtarët, pastaj i përndjekin dhe në fund i burgosin. Gjyqësori i lirë është pengesa e fundit mes qytetarit dhe pushtetit absolut, prandaj është institucioni që me ngulm po tentojnë ta nënshtrojnë.

Me një strategji të orkestruar mirë, i janë vërsulur edhe medieve. Skandali në Komisionin e Pavarur të Medieve, nuk është rastësi, por pasqyrë e mendësisë dhe e nivelit të njerëzve që VV delegon në institucione. Synimi është i qartë. Të heshtet çdo zë kritik, derisa në fund të mbetet vetëm një e “vërtetë”, ajo që e thotë Albin Kurti.

Prandaj, ka nisur linçimi i gazetarëve. Prandaj tentohet diskreditimi i tyre, që të mos u besojë kur raportojnë skandalet e qeverisë dhe të partisë!

Me të njëjtën metodë sulmohen edhe analistët, shumë prej tyre dikur miq e bashkëpunëtorë të tij, të cilët besuan se bashkimin kombëtar me Shqipnin e ka pas pernime! Ata e dinë më së miri kush është Albin Kurti dhe në fatkeqësinë e kujt ka kalkuluar ai?!

Dhe pasi ta kapin gjyqësorin dhe mediat, Albin Kurti ka me dalë me na kallxu edhe çka me bo në shtëpitë tona. Kur u kritikua për rritjen e çmimit të rrymës, na tha: “Mos u nxeni shumë, mlohnu me qebe”. Nesër ka me na kallxu edhe nxemjen a me lshu në 1-sh, 2-sh apo 3-sh!!

Në cilin sistem ndodh kjo? Është koha e fundit që secili ta kuptojë se po ecim drejt AUTOKRACISË. Dhe kjo nuk duhet ti ndodh këtij shteti!

A arriti të zë një ulëse në kuvend Adelina Thaçi?

Haziri foli për marrëveshje me VV, s’vonon përgjigja e Hotit

Deputeti i zgjedhur i LDK’së, Avdullah Hoti, ka bërë një reagim pasi nënkryetari i kësaj partie, Lutfi Haziri, kërkoi marrëveshje me VV’në.

Hoti e ka cilësuar këtë si eksperiment, teksa ka dalë kundër kësaj ideje, shkruan Reporteri.net.

Ai ka thënë se zgjedhjet treguan se LDK duhet të rikthehet fuqishëm të elektorali i saj tradicional.

“Rezultati ka dhënë një mesazh të qartë: LDK duhet të rikthehet fuqishëm te elektorati i saj tradicional, te vlerat e saj dhe te vizioni që e ka ndërtuar këtë parti. Duhet të luftojmë çdo mentalitet që dobëson aleancat tona historike dhe cenon rrugën euroatlantike të Kosovës.

LDK nuk është pronë e askujt dhe nuk mund të jetë peng i interesave personale. LDK është më e madhe se secili individ, është një mision politik dhe historic”, ka shkruar Hoti.

Lutfi Haziri lyp marrëveshje VV-LDK, thotë se Vjosa Osmani tërhiqet nga kandidatura për Presidente

Nënkryetari i LDK’së, ka kërkuar marrëveshje VV-LDK për dalje të vendit nga kriza për zgjedhjen e Presidentit.

Ai foli për rëndësinë e një marrëveshje politike “pako”.

Sipas Hazirit, Presidentja Vjosa Osmani do të tërhiqej nga kandidatura nëse veç emri i saj konsiderohet pengesë për arritjen e një marrëveshje.

“Kjo marrëveshje do të mundësonte që vendi t’i kthehet stabilitetit”, ka deklaruar Hazirin në T7.

Ai tha se sipas procesit, ata do ta adaptojnë emrin e përveçëm.

“LDK as nuk e ka pas e as nuk e ka asnjë problem me emër të përveçëm. Nëse mendohet se  znj. Osmani ka qenë apo mundet me qenë problem, unë ju siguroj edhe sot që vetë ajo ka konfirmu që nuk është emri i saj problem në arritjen e një marrëveshje bashkëpunimi mes partive politike për t’i dhënë vendit stabilitet”, ka shtuar Haziri.

Adriana Matoshi siguron mandatin e katërt, por mbështetje më e ulët se më parë

Aktorja e njohur dhe deputetja e Kuvendit të Kosovës, Adriana Matoshi, ka arritur të sigurojë një mandat të katërt në legjislativ, sipas rezultateve të zgjedhjeve parlamentare të 7 qershorit. Megjithatë, mbështetja e saj elektorale ka pësuar një rënie të dukshme krahasuar me ciklin e kaluar zgjedhor.

Matoshi, e cila ka kandiduar me numrin 43 në listën e Lëvizjes Vetëvendosje, ka shënuar kështu herën e saj të katërt në garën për deputete. Ajo vazhdon të jetë një figurë e njohur në politikën kosovare, duke ruajtur një vend të rëndësishëm në skenën publike.

Sipas rezultateve të deritanishme, ku janë numëruar mbi 97 për qind e votave, aktorja nga Gjilani ka arritur të sigurojë mbi 23 mijë e 300 vota, duke u renditur e 31-ta në listën e kandidatëve më të votuar të partisë së saj. Kjo tregon se ajo ka ende një mbështetje të konsiderueshme nga elektorati.

Megjithatë, krahasuar me zgjedhjet e kaluara, Matoshi ka përjetuar një rënie të dukshme. Në zgjedhjet e dhjetorit, ajo kishte arritur të grumbullonte 38,348 vota, duke u renditur në vendin e 20-të ndër kandidatët më të votuar të Lëvizjes Vetëvendosje.

Ky rezultat i ri i Matoshit, pavarësisht se i siguron asaj një tjetër mandat në Kuvendin e Kosovës, tregon se ajo duhet të punojë për të rikthyer mbështetje më të madhe nga elektorati. Angazhimi i saj politik do të vazhdojë paralelisht me karrierën artistike.

Adriana Matoshi është e njohur fillimisht për sukseset e saj në aktrim, por prej vitesh ajo është pjesë aktive e jetës politike në vend. Ajo është një nga figurat më të komentuara dhe më të ndjekura në radhët e deputetëve të Kuvendit të Kosovës.

Me këtë rezultat, Matoshi vazhdon të mbetet një prej figurave më të njohura publike, por sfidat e saj në politikë janë të dukshme. Ajo do të duhet të adresojë këtë rënie të mbështetjes për të ruajtur pozitat e saj në të ardhmen.

Rritja e angazhimit të saj në politikë, përveç karrierës artistike, do të jetë një faktor kyç për të ardhmen e saj në Kuvendin e Kosovës.

Parlamenti Evropian miraton raportin për Kosovën

Raporti për Kosovën i hartuar nga eurodeputeti Riho Terras ka kaluar me shumicë solide votash në Parlamentin Evropian.

Lajmin e ka bërë të ditur vetë Terras përmes një postimi në rrjetin social “X”.

Sipas rezultateve të votimit, 412 deputetë kanë votuar pro raportit, 174 kanë qenë kundër, ndërsa 58 kanë abstenuar.

“ Reformat e vazhdueshme dhe progresi në dialogun e lehtësuar nga BE mbeten thelbësore në rrugën drejt BE-së”, ka shkruar Terras.

Mësohet nëse Armend Baloku ka siguruar mandatin e deputetit

Aktori i njohur kosovar, Armend Baloku, do të jetë pjesë e legjislaturës së re të Kuvendit të Kosovës, pasi ka siguruar votat e mjaftueshme për t’u zgjedhur deputet nga radhët e Lëvizjes Vetëvendosje.

Baloku vendosi që për herë të parë ta sprovojë veten në politikë në zgjedhjet e 7 qershorit, ku garoi me numrin 24 në listën e partisë së kryeministrit Albin Kurti.

Sipas rezultateve të deritanishme, ku janë numëruar mbi 97 për qind e votave totale, aktori ka arritur të grumbullojë mbi 25 mijë e 700 vota, rezultat që i siguron një ulëse në Kuvend për mandatin e tij të parë si deputet.

Rezultati i Armend Balokut me 97% të votave të numëruara (Foto: KQZ)

Me këtë rezultat, Baloku bëhet një nga emrat e njohur të artit që do të përfaqësojnë qytetarët në institucionin më të lartë ligjvënës të vendit. Në fakt, pothuajse të gjithë artistët që ishin pjesë e listës së Vetëvendosjes në këto zgjedhje kanë arritur të fitojnë besimin e votuesve.

Përveç Armend Balokut, mandat deputeti kanë siguruar edhe aktorja Adriana Matoshi dhe këngëtarja Edona Llalloshi, duke dëshmuar mbështetjen e konsiderueshme që figurat publike kanë marrë nga elektorati.

Armend Baloku, i cili është me origjinë nga Peja, njihet gjerësisht për skeçet e tij humoristike dhe angazhimin në projekte të ndryshme artistike ndër vite. Ai është gjithashtu bashkëshorti i aktores së njohur rugovase, Vlora Nikçi.

Tashmë, përveç karrierës së tij në skenën artistike, Baloku do të nisë edhe një kapitull të ri në jetën publike, këtë herë si përfaqësues i qytetarëve në Kuvendin e Kosovës.