Ka filluar të mbahet protesta para selisë qendrore të KEDS-it, ku janë mbledhur një numër i madh qytetarësh. Një prej protestuesve është arrestuar nga Policia.
Pas këtij momenti, protestuesit e pranishëm kanë shfaqur revoltën e tyre ndaj këtij veprimi të Policisë.
Në vijim mund t’i shihni pamjet
Gati katër vjet pas përballjes me një sëmundje të rëndë, për shërimin e së cilës u mblodhën 50 mijë euro, 25-vjeçari nga fshati Isniq i Deçanit, Kanun Musshabanaj është rikthyer sërish në vëmendje publike – këtë herë për një ngjarje të rëndë kriminale.
Të enjten, mediat raportuan se Musshabanaj u arrestua për tentim-vrasjen e babait të tij.
25-vjeçari dyshohet se e goditi me sëpatë babain e tij, veteranin e Ushtrisë Çlirimtare të Kosovës, Agim Musshabanajn.
I ati u dërgua me urgjencë në spital, ndërsa autoritetet njoftuan të enjten se ai ndodhet jashtë rrezikut për jetë. Djali është ndaluar me urdhër të prokurorit të shtetit.
Në prill të vitit 2022, para afër katër vitesh, emri i Kanun Musshabanajt ishte përmendur gjerësisht në publik, por për arsye krejt të tjera.
Asokohe, rasti i të riut nga Isniqi i Deçanit kishte ngjallur dhembshuri, pasi familja kishte kërkuar ndihmë financiare për shërimin e një sëmundjeje të rëndë me të cilin ai ballafaqohej. Nevojiteshin 50 mijë euro për shërim jashtë vendit.
Kërkesa kishte mobilizuar qytetarë brenda e jashtë vendit, shoqata bamirësie e institucione.
30 mijë euro ishin mbledhur që në javën e parë të aksionit, njoftonte më 8 prill, 2022, kryetari i Komunës së Deçanit Bashkim Ramosaj.
Ramosaj njoftonte se një fondacion me emrin “Dhuro edhe ti”, në bashkëpunim me Komunën e Deçanit, kishte arritur të mblidhte shumën prej 12 mijë eurove. Të tjerat ishin grumbulluar nga aksione në qytetin e Deçanit, ndihmat nga individë brenda e jashtë vendit, si dhe nga shpalljet në rrjet nga shoqata të tjera bamirësie.
Shuma e plotë e mjeteve të kërkuar ishte mbledhur brenda pak ditësh. Musshabanaj besohet se ishte shëruar pas trajtimit në institucionet spitale jashtë vendit.
Analisti Bardhyl Meta ka reaguar përmes një postimi publik lidhur me debatet për zgjedhjen e Presidentit të ardhshëm të Kosovës, duke kritikuar, siç thotë ai, nivelin e spekulimeve dhe “hamendësimeve” që po qarkullojnë në studio dhe opinion.
Meta përmes një postimi në Facebook ka propozuar si alternativë figurën akademike të Dr. Prof. Muhamedin Kullashi.
Në postimin e tij, Meta rendit karrierën e gjatë akademike dhe diplomatike të Kullashit, duke theksuar se “Kosova ka pasur President me kritere të larta intelektuale e akademike, që nga viti 1992! Mos e ktheni rrotën historike prapa…!?”.
Postimi i plotë:
“Kriza per President!?
Dr. Prof. Muhamedin Kullashi!
(Opsionet publike ne studio: Vjosa, Vjosa, Gllauku, fam. Jashari – Ramush Haradinaj… pse jo edhe edhe Familja Gani Gecit e Bajraktart e Llaushes etj, krejt kane qef e ambicie !?
Hajgare a!?
Dr. Prof. Muhamedin Kullashi!
Nga viti 1992 ligjëron në Departamentin e Filozofisë në Universitetin Parisi 8. Në vitin 1994, pranë këtij universiteti, mbrojti Habilitimin për udhëheqjen e hulumtimeve shkencore (HDR) para jurisë të përbërë nga : Claude Lefort, Jacques Rancière, Gérard Raulet, Jacques Poulain dhe Michel Roux.
Në vitin 1992, mori pjesë në themelimin e Komitetit të Kosovës në Paris, pranë revistës Esprit, bashkë me intelektualët e shquar francezë Olivier Mongin, Antoine Garapon, Pierre Hasner, Pascal Bruckner, André Glucksmann, Véronique Nahoum-Grapp etj. Anëtarë nderi të këtij Komiteti ishin edhe filozofët Paul Ricoeur, Edgar Morin, Claude Lefort. Ky Komitet zhvilloi aktivitete në mbështetje të Kosovës deri në vitin 2015.
Nga viti 2008 deri në vitin 2016, ishte Ambasador i Kosovës në Francë. Në vitin 2012 u zgjodh anëtar aktiv i Akademisë evropiane të Shkencave dhe Arteve, me seli në Salzburg të Austrisë. Në vitin 2016, u zgjodh anëtar korrespondent i Akademisë së Shkencave dhe të Arteve të Kosovës.
Botoi në revista shkencore të Prishtinës, Tiranës, Zagrebit, Beogradit, Romës, Parisit, Vienës, Madridit, Montrealit etj. Mori pjesë në një numër të madh konferencash shkencore në Francë, Belgjikë, Zvicër, Itali, Bullgari, Hungari, Kanada, Turqi, Tunizi, Argjentinë, Urugvaj etj. Mori pjesë në projekte hulumtuese kushtuar temave të ndryshme nga historia e filozofisë, etika dhe filozofia politike.
** Në Fakultetin filozofik të Zagrebit studioi filozofinë dhe letërsinë franceze. Nga viti 1974 deri më 1991 ligjëroi në Degën e Filozofisë dhe të Sociologjisë të Univerzitetit të Prishtinës. Me 1983, në Fakultetin filozofik të Zagrebit, mbrojti disertacionin e doktoranturës kushtuar koncepcionit të metafilozofisë të Henri Lefebvre-it. Në vitin 1991 u dëbua nga Universiteti i Prishtinës, bashkë me kolegët tjerë shqiptarë, nga regjimi i atëhershëm serb.
Kosova ka pas President me kritere te larta Intelektuale e Akademike, qe nga Viti 1992! Mos e ktheni rroten historike prapa…!?
P.S. Kerkoje ndjesë Prof, se s’ju kam kontaktuar as konsultuar, por ta risim nivelin e “hamendesimeve”!
Dy organizata të shoqërisë civile, Kolektivi për Mendim dhe Veprim Feminist dhe organizata “Përpjekja”, kanë paralajmëruar për sot protestë kundër rritjes së mundshme të çmimit të energjisë elektrike, duke e cilësuar këtë proces si të padrejtë dhe të dëmshëm për qytetarët e Kosovës.
Protesta do të mbahet duke filluar në ora 13:00, me grumbullim pranë ndërtesës së KEDS, ndërsa marshimi do të përfundojë para ndërtesës së Qeverisë së Republikës së Kosovës.
Në reagimin e tyre publik, organizatat theksojnë se që nga viti 2022 qytetarët janë përballur me rritje të vazhdueshme të faturave të rrymës, të cilat, sipas tyre, janë aprovuar nga Zyra e Rregullatorit për Energji (ZRrE) në favor të kompanisë KEDS dhe në dëm të interesit publik.
Sipas deklaratës, konsumatorët nuk po paguajnë vetëm çmimin e energjisë, por edhe humbjet dhe keqmenaxhimin e kompanisë private. Organizatat kritikojnë edhe ndërprerjet e shpeshta të energjisë, mungesën e ngrohjes gjatë muajve të dimrit dhe ndikimin e drejtpërdrejtë që shtrenjtimi i rrymës ka në rritjen e kostos së jetesës.
Ato rikujtojnë se vitin e kaluar është miratuar një rritje prej 16.1%, ndërsa këtë vit po paralajmërohet një tjetër rritje rreth 20%, të cilën e konsiderojnë të papranueshme. Sipas tyre, KEDS përfiton duke blerë energji me çmime të ulëta nga Korporata Energjetike e Kosovës dhe duke ua shitur qytetarëve me çmime shumë më të larta.
Organizatat u kanë bërë thirrje qytetarëve që t’i bashkohen protestës, duke theksuar se mobilizimi qytetar është thelbësor për mbrojtjen e interesit publik dhe përballjen me, siç e quajnë ata, praktikat shumëvjeçare dhe të dëmshme në sektorin e energjisë.
Një rast i rëndë ka ndodhur mesditën e së enjtes në Deçan, ku dyshohet se i biri ka goditur me sëpatë babanë e tij.
Zëdhënësi i policisë për rajonin e Pejës, tha për Sinjalin se i lënduari është duke u trajtuar, dhe i njëjti ka lëndime serioze.
“Policia ka dalë në vendin e ngjarjes për sigurim, pas trajtimit në QMF është udhëzu për në Pejë, është edhe prokurorja e shtetit që ka kontaktu viktimën aty, dhe është njoftuar me lëndimet. Është urdhëruar rasti të trajtohet sektori i hetimeve rajonale, krimet serioze. Nuk ka ende person të arrestuar”, tha ai.
Ish-presidenti i Malit të Zi, Milo Đukanović, ka bërë të ditur se gjatë një ndalese në Prishtinë është takuar shkurt me kryeministrin në detyrë, Albin Kurti.
Përmes një postimi në rrjetet sociale, Đukanović njoftoi se e ka uruar Kurtin për fitoren e fundit zgjedhore, ndërsa theksoi se takimi është zhvilluar në një atmosferë miqësore.
“Së bashku shkëmbyem mendime për proceset aktuale në Ballkanin Perëndimor dhe në nivel global, me theks të veçantë në çështjet me rëndësi për sigurinë e rajonit”, ka shkruar Đukanović./IndeksOnline/
Gjatë ditës së sotme, policia serbe ka arrestuar ish-ushtar e UÇK-së, Mit’hat Lozhani, gjatë kalimit të tij nëpër Serbi.
Lozhani raportohet se u arrestua derisa po udhëtonte nga Gjermania drejt Serbisë.
Nxënësit e shkollave në Kosovë deri në qershor do të kenë disa ditë pushimi të planifikuara sipas kalendarit shkollor 2025–2026, duke përfshirë pushimin pranveror, si dhe ditë të lira për festa zyrtare, shkruan AlbanianEducation.net
Shkurt 2026
Dita e Pavarësisë së Republikës së Kosovës: 17 shkurt 2026
Mars 2026
Fitër Bajrami: 20 mars 2026
Kursimet pensionale përbëjnë një nga shtyllat kryesore të sigurisë financiare për qytetarët pas përfundimit të jetës aktive të punës. Megjithatë, shumë kontribuues ende nuk janë të qartë kur, si dhe në çfarë rrethanash mund t’i tërheqin këto mjete nga Fondi i Kursimeve Pensionale i Kosovës (FKPK), shkruan Kujdestari.info.
Më poshtë paraqiten të gjitha rastet ligjore të tërheqjes së kursimeve pensionale, procedurat përkatëse dhe dokumentacioni i nevojshëm.
Pensioni i moshës – forma më e zakonshme e tërheqjesKur mund të tërhiqen kursimet?
Tërheqja e kursimeve pensionale bëhet kur kontribuuesi arrin moshën 65 vjeç. Aplikuesi duhet të dëshmojë moshën përmes një dokumenti valid identifikimi.
Si bëhet tërheqja?
Mënyra e tërheqjes varet nga bilanci i kursimeve në momentin e aplikimit:
Nëse bilanci është deri në 3,000 euro
Kursimet tërhiqen përnjëherë. Kontribuuesi mund të ofrojë llogari në cilëndo bankë në Kosovë. FKPK-ja i mbulon shpenzimet e transferit dalës, ndërsa tarifat eventuale hyrëse mbulohen nga përfituesi.
Nëse bilanci është mbi 3,000 euro
Kontribuuesi kalon në programin e Tërheqjes në Faza, i rregulluar me ligj dhe me rregullore të Bankës Qendrore të Kosovës.
Përfituesi mund të:
tërheqë 20% të kursimeve përnjëherë
pjesën tjetër ta pranojë përmes kësteve mujore, minimumi 200 euro në muaj, ose maksimumi 1% e bilancit total (kur shuma tejkalon 20 mijë euro).
Pagesat mujore realizohen përmes bankave të kontraktuara nga FKPK-ja dhe vazhdojnë derisa të shterret i gjithë bilanci.
Dokumentet për pensionin e moshës
Dokument valid identifikimi
Deklarim për bankën e përzgjedhur
Llogari aktive bankare (kur bilanci është nën 3,000 euro)
Trashëgimia e kursimeve pensionale
Në rast se kontribuuesi ndërron jetë para arritjes së moshës së pensionit, kursimet pensionale trashëgohen dhe paguhen përnjëherë, minus tatimi në të ardhurat personale.
Rendi i trashëgimisë:
Bashkëshorti/ja
Fëmijët
Përfituesit tjerë/alternativë
Nëse ekziston vetëm bashkëshorti/ja, ai/ajo trashëgon 100% të kursimeve. Në mungesë të bashkëshortit/es, fëmijët trashëgojnë sipas aktit të trashëgimisë.
Dokumentet për trashëgimi:
Dokument identifikimi i trashëgimtarit
Llogari aktive bankare në Kosovë
Akt i trashëgimisë nga noteri ose gjykata
Regjistrimi i vdekjes në regjistrin civil (verifikohet digjitalisht nga FKPK)
Pensioni invalidor- tërheqje e pjesshme
Para moshës së pensionimit, kontribuuesit që përfitojnë pension invalidor mund të aplikojnë për tërheqje të pjesshme të kursimeve pensionale.
Vendimi për pension invalidor lëshohet nga Administrata Pensionale pranë MPMS-së për periudha 1, 3 ose 5 vjet. Bazuar në këtë kohëzgjatje, FKPK-ja aprovon pagesa mujore prej 200 euro, deri në përfundimin e vlefshmërisë së vendimit.
Shembull:
Nëse pensioni invalidor është i vlefshëm për 3 vjet, përfituesi mund të tërheqë deri në 7,200 euro (36 muaj × 200 euro), ose më pak nëse kursimet nuk e mbulojnë këtë shumë.
Dokumentet për pension invalidor:
Dokument valid identifikimi
Vendimi për pension invalidor
Deklarim për bankën e përzgjedhur
Tërheqja nga shtetasit e huaj
Shtetasit e huaj me qëndrim të përkohshëm në Kosovë kanë të drejtë të tërheqin kursimet pensionale të paguara gjatë kohës së punësimit në Kosovë.
Nëse ata kanë fituar qëndrim të përhershëm ose shtetësi kosovare, kjo e drejtë nuk aplikohet.
Dokumentet e nevojshme:
Numër Individual Tatimor ose lejeqëndrim i përkohshëm
Vërtetim nga Regjistri Civil për statusin e shtetasit të huaj
Llogari bankare në Kosovë ose në vendin e origjinës
Tatimi mbi tërheqjet pensionale
FKPK-ja thekson se çdo tërheqje e kursimeve pensionale, qoftë për pension moshë, trashëgimi, invaliditet apo shtetas të huaj, i nënshtrohet tatimit në të ardhurat personale, sipas legjislacionit në fuqi.
Tërheqja e kursimeve pensionale është një proces i rregulluar qartë me ligj, por që kërkon informim të saktë dhe dokumentacion të plotë. Qytetarët këshillohen të planifikojnë me kujdes tërheqjen e kursimeve, veçanërisht në rastet e tërheqjeve të përsëritura, pasi këto mund të ndikojnë negativisht në shumën përfundimtare të përfitimit.
Në rastin ku Hashim Thaçit së bashku me Bashkim Smakajn, Fadil Falziun, Isni Kilajn dhe Hajredin Kuçin akuzohen për vepra penale kundër administrimit të drejtësisë, Thaçit i është vazhduar paraburgimi.
Vendim është marrë më 3 shkurt 2026 nga gjyqtari i vetëm në këtë rast, Christoph Gosnell, raporton “Betimi për Drejtësi“.
Në këtë vendim, është konstatuar se ekziston rreziku real që në rast që ai lirohet, mund të pengojë ecurinë e procesit dhe të kryejë vepra të tjera penale.
Ndryshe, fillimi i gjykimit ndaj Hashim Thaçit, Bashkim Smkajt, Isni Kilajt, Fadil Fazliut dhe Hajredin Kuçit për vepra penale kundër administrimit të drejtësisë, është caktuar për 27 shkurt 2026.
Hashim Thaçi ndodhet në Qendrën e Paraburgimit në Hagë që nga nëntori i vitit 2020. Ai është duke u gjykuar për krime lufte, si dhe më 2024 i është ngritur aktakuza kundër administrimit të drejtësisë.
Lidhur me rastin kundër administrimit të drejtësisë, Bashkim Smakaj, Fadil Fazliu dhe Isni Kilaj u arrestuan më 5 dhjetor 2024 në Kosovë dhe u transferuan në objektin e paraburgimit në DhSK, më 6 dhjetor 2024 në bazë të aktakuzës së konfirmuar dhe fletarrestimeve të lëshuara nga Haga.
Ndërsa, Thaçit i është dorëzuar fletarrestimi në objektin e paraburgimit në Hagë më 5 dhjetor 2024, gjithnjë sipas njoftimit të DhSK-së.
Kurse, Hajredin Kuçit i është dorëzuar aktakuza e konfirmuar dhe fletëthirrja për t’u paraqitur para gjykatëses së procedurës paraprake për paraqitjen e parë, e cila u mbajt 9 dhjetor.
Sipas aktakuzës, Thaçi individualisht dhe përmes veprimeve të përbashkëta me grupet; Grupi Fazliu (Fadil Fazliu dhe FahriFazliu), Grupin Smakaj (Bashkim Smakaj, Blerim Shala dhe Artan Behrami) si dhe Grupin Kilaj (Isni Kilaj dhe VllaznimKryeziu), kanë ndjekur një model të sjelljes për të penguar personat zyrtarë në kryerjen e detyrave zyrtare.
Në aktakuzë thuhet se Thaçi ka udhëhequr dhe marrë pjesë në këto përpjekje përmes vizitave të tij në objektet e paraburgimit gjatë kohës sa ishte i paraburgosur në kuadër të gjykimit të tij për krime lufte dhe krime kundër njerëzimit.
Aty thuhet se anëtarët e Grupit Fazliu, Grupit Smakaj dhe Grupit Kilaj u koordinuan për të ndikuar në dëshmitarët e ZPS-së gjatë vizitave jo të priveligjuara të datave 2 korrik, 9 shtator dhe 6 tetor 2023.
Si rrjedhojë, ndaj Thaçit rëndojnë tri akuza për pengim të personit zyrtar në kryerjen e detyrave zyrtare, tri për shkelje të fshehtësisë së procedurës dhe katër akuza për mosbindje ndaj gjykatës./BetimipërDrejtësi
