26 vjeçari e gjen babanë të varur në shkallët e shtëpisë

Një ngjarje e rëndë ka tronditur mëngjesin e sotëm Suharekën, ku një burrë është gjetur pa shenja jete në shtëpinë e tij, mëson Sinjali nga burime të afërta me hetimin.

Rasti ka ndodhur rreth orës 07:50 në rrugën “Skënderbeu” në Suharekë.

Sipas informatave, viktima R.K., rreth 52-vjeçar është dërguar pa shenja jete në Emergjencën e qytetit nga djali i tij, G.K., rreth 26-vjeçar.

Burimet bëjnë të ditur se djali ka deklaruar para Policisë se kur kishte hyrë në shtëpi e kishte gjetur babanë të varur me litar në shkallët e shtëpisë.

Policia ka dalë menjëherë në vendngjarje dhe ka siguruar lokacionin, ku është gjetur edhe litari me të cilin dyshohet se viktima kishte kryer vetëvarjen.

Në vendin e ngjarjes kanë intervenuar hetuesit e Stacionit Policor në Suharekë, ndërsa më pas janë angazhuar edhe hetuesit rajonalë nga Prizreni.

Me urdhër të Prokurorit të Shtetit, rasti është iniciuar si “Hetim i vdekjes”, ndërsa trupi i pajetë është dërguar në Institutin e Mjekësisë Ligjore për obduksion.

Hetimet për rastin janë duke vazhduar.

Më shumë se 10 kandidatë nga Osmani në listën e LDK-së për deputet

Bardhyl Hasanpapaj ka bërë të ditur se lista e përbashkët me Lidhjen Demokratike të Kosovës për zgjedhjet e 7 qershorit do të përfshijë më shumë se dhjetë kandidatë.

Ai theksoi se ekipi është modest, por i përkushtuar, duke vënë theksin te cilësia dhe bashkimi politik.

“Ideja ka qenë një ekip modest, i përbashkuar dhe sidomos jashtëzakonisht i përkushtuar në këtë rrugëtim. Nuk ka rëndësi numri, në fakt numri do të jetë modest, jo shumë i madh, sepse kemi dashur ta respektojmë këtë momentum të bashkimit me LDK-në dhe jemi përkushtuar te cilësia dhe përkushtimi për të kontribuar në këtë moment… do të jenë më shumë se dhjetë”, deklaroi Hasanpapaj”, u shpreh Hasanpapaj, në KlanKosova.

Ndryshe,profesori Bardhyl Hasanpapaj i është bashkuar dje rrugëtimit politik të ish-presidentes Vjosa Osmani në kuadër të zgjedhjeve të 7 qershorit.

Zbulohen disa nga emrat e listës së LDK-së, përfshihet ish-komandanti i UÇK-së

Mulla Osman Musliu reagon ashpër ndaj Florin Krasniqit: “Drenica nuk është plaçkë për lojëra politike”

Mulla Osman Musliu ka reaguar ndaj deklaratave të Florin Krasniqit lidhur me Drenicën dhe zhvillimet politike në vend, duke e akuzuar atë për nxitje të përçarjes dhe përdorim të historisë së Drenicës për interesa politike, përcjell Kosova Post.

Reagimi vjen pasi Krasniqi deklaroi se:
“Drenicën s’e kanë mposhtë krajla e sulltana, e po e mposhtin këta zhugana.”

Sipas Musliut, deklarata të tilla nuk përfaqësojnë dashuri për Drenicën, por përpjekje për ta kthyer atë kundër shtetit të Kosovës.

“Drenica nuk është pronë private e askujt dhe as bunker emocional ku politikanët e zhgënjyer ndezin mllef kundër qeverisë,” thuhet në reagimin e tij.

Ai theksoi se është e rrezikshme të krijohet narrativa se armiku i Drenicës është vetë shteti i Kosovës, duke e quajtur këtë “helm politik”.

Musliu nënvizoi se Drenica historikisht nuk ka luftuar kundër Kosovës, por gjithmonë për Kosovën dhe shqiptarët, duke kujtuar sakrificën e saj në rrugën drejt lirisë dhe shtetndërtimit.

LDK sot cakton kandidatin për kryeministër

Lidhja Demokratike e Kosovës mban sot nga ora 12:00 mbledhjen e Këshillit të Përgjithshëm.

Gjatë kësaj mbledhjeje pritet të dalin emrat e Vjosa Osmanit për presidente dhe të Lumir Abdixhikut për kryeministër.

Ndërkohë, mbrëmë kryetari i LDK-së, Lumir Abdixhiku, përmes një postimi në Facebook iu është drejtuar anëtarësisë së partisë, duke theksuar zotimin e tij për bashkimin e të gjitha grupeve brenda subjektit.

Ai ka deklaruar se synon t’i bashkojë ata që kanë qëndruar në parti, ata që janë larguar, ata që kanë heshtur dhe ata që ende besojnë në LDK.

Lirohet nga spitali nëna 19-vjeçare që dyshohet se e mbyti të porsalindurën

Vdekja e një foshnje të porsalindur ka tronditur Ferizajn dhe gjithë Kosovën.

Nëna 19 vjeçare e cila është e dyshuar për këtë rast tragjik, që nga e enjtja ka marrë trajtimet e nevojshme shëndetësore në spitalin e Ferizajt.

Ajo ka qenë e shtruar në spital deri në mesditën e së premtes.

Ekipi i TËVË1 që ka qëndruar gjatë ditës në Ferizaj, është interesuar që të marrë më shumë informacione për gjendjen shëndetësore të 19 vjeçares. Megjithatë, nga menaxhmenti i spitalit nuk kanë pranuar të flasin.

Mirëpo, prapa kamerës kanë treguar se asaj i është dhënë trajtimi i nevojshëm post-natal, por gjendja psikologjike e saj mbetet e rënduar.

Deri më tani nga ajo që ka mësuar televizioni, e dyshuara nuk është marrë në pyetje nga hetuesit policor ose nga Prokuroria Themelore e Ferizajt.

Marrja e saj në pyetje është shtyrë pasi si shkak i tronditjes po merr trajtim nga psikologu.

Televizionit i është thënë nga organet e rendit se gjendja e 19 vjeçares është duke u monitoruar në vazhdimësi, dhe në momentin që të jetë e gatshme, do ta jap deklaratën e saj.

Gjatë gjithë ditës, as policia e as Prokuroria Themelore e Prishtinës, nuk kanë pranuar që zyrtarisht të ndajnë detaje shtesë për rastin, për shkak se ende ndodhet në fazë të hershme.

Më shumë detaje për rastin, dhanë dje nga vet Spitali i Ferizajt ku ishte në trajtim e dyshuara.

Nga spitali kanë thënë se ngjarja ndodhi në tualet dhe intervenimi i stafit mjekësor u bë vetëm pasi u dëgjuan të qarat e të porsalindurës.

Sipas tyre, ajo nuk ishte lajmëruar si paciente shtatzënë, ndërsa foshnjën pas lindjes ata kanë treguar se e kishte hedhur në kosh të mbeturinave.

Ndërroi pesë parti, por Osmani e cilëson Reshitajn parimore dhe me bindje të qëndrueshme politike

Sa në partitë e djathta si AKR e AAK e deri së fundmi te Vetëvendosje e majtë, ish-deputetja Albena Rexhitaj ka vendosur prapë të rreshtohet kah e djathta me Vjosa Osmanin.

Vetëm nga viti 2019 e deri më sot, brenda rreth shtatë vitesh, Reshitaj ka kaluar nëpër pesë subjekte të ndryshme politike.

Mirëpo, Vjosa Osmani sot e cilësoi grua parimore dhe me bindje politike të qëndrueshme, kur e zyrtarizoi aderimin e saj në listën e LDK-së për deputetë.

“Një bashkëpunim i filluar më shumë se një dekadë më parë, e i ndërtuar mes sfidash e suksesesh të përbashkëta, po vazhdon edhe sot”, ka thënë Osmani për të.

“Prof.asoc.dr. Albena Reshitaj, ish ministre, deputete në 4 mandate, e mbi të gjitha një grua parimore dhe me bindje politike të qëndrueshme, ka dëshmuar vazhdimisht se nuk dorëzohet para asnjë sfide apo kërcënimi, kur është në pyetje mbrojtja e interesit të Kosovës”, ka thënë ish-presidentja.

Osmani ka kujtuar edhe momentin kur Reshitaj ia bëri kuorumin që të bëhej presidente.

“Kur u zgjodha Presidente në vitin 2021, me votën e saj vendimtare, Albena krijoi kuorumin e nevojshëm dhe bllokoi rolin e Listës serbe në krijimin e institucioneve, pa asnjë interes personal e pa kërkuar absolutisht asgjë”, ka thënë Osmani.

“Ajo dëshmoi shumëherë, e po e dëshmon edhe sot se politika mund të ndërtohet mbi dinjitet, integritet dhe vizion për Kosovën, e gjithnjë e palëkundur para atyre që nuk e njohin Kosovën si dhe para atyre që dojnë të shkatërrojnë gjithçka që është ndërtuar me sakrificë. Kosova ka nevojë për njerëz që dijnë të punojnë bashkë, e jo për të tillë që dojnë të shkatërrojnë njëri-tjetrin”, ka thënë ajo.

“Si trashëgimtare e një familjeje atdhetare, mbesë e Ramë Bllacës, ajo do të vazhdojë të mbrojë kauza për të cilat është sakrifikuar ndër shekuj. Kosova do ta ketë nderin ta ketë deputete, ndërsa qytetarët tanë kanë mundësinë që edhe njëherë të vlerësojnë parimësinë, guximin, nderin, besnikërinë ndaj shtetit dhe profesionalizmin e Albenës. Na priftë e mbara”.

A do të jetë Agim Veliu kandidat për deputet? Përgjigjen nga LDK

Anëtari i Kryesisë së LDK’së, Paris Guri ka folur edhe për Agim Veliun dhe kthimin e tij të mundshëm në listën e LDK’së për deputet.

Guri ka thënë se nesër mbahet mbledhja e Këshillit të Përgjithshëm dhe se emri i Veliut mund të propozohet vetëm nga Dega e Podujevës dhe sipas tij është në dorën e Degës atje nëse ndodh propozimi ose jo.

“Nesër mbahet mbledhja e KP të LDK-së. Qendra e bën ndarjen për Degë. Dega e Podujevës i propozon emrat, i voton Kryesia, e votohen në Prishtinë. Nëpër degë merret vendimi”, ka thënë Guri në FRONTAL të T7

“Kryetari i partisë e ka një normë, të prurjeve që janë jashtëpartiake”, ka thënë Guri, i pyetur nëse Abdixhiku mund ta propozojë për deputet Veliu.

Meta: Pres që me LDK-në do t’i marrim 30%

Ish-deputeti i Kuvendit, Burim Meta, ka deklaruar se pret që së bashku me ish-presidenten Vjosa Osmanin dhe Lidhjen Demokratike të Kosovës të arrijnë rreth 30 për qind në zgjedhjet e 7 qershorit.

Ai tha se përfshirja dhe aktivizimi i Osmanit në skenën politike do të ndikojë në stabilizimin e përgjithshëm të skenës politike në vend.

“E rëndësishme është që tashmë me aktivizimin dhe angazhimin e Vjosa Osmanit në skenën politike dhe partiake, e gjithë skena politike në Kosovë do të stabilizohet. Jam i bindur se këto diferenca të mëdha mes partisë së parë dhe partive të tjera do të zvogëlohen, do të jenë më minimale dhe mund të shprehem në mendimin tim personal se me LDK-në mund të marrim rreth 30%”, tha Meta.

Skandaloze, Dimal Basha hedh pas kauqi Deklaratën e Pavarësisë së Kosovës

Ish-deputetja e Vetëvendosjes, Adelina Grainca sot ka publikuar një fotografi duke treguar se i ka shkuar në zyrë ministrit në detyrë të Infrastrukturës, Dimal Bashës.

Grainca e ka cilësuar atmosferë shumë miqësore teksa kanë biseduar, siç ka thënë ajo, për projektet, sfidat dhe mundësitë për zhvillim.

Mirëpo në fotografinë e takimit që është mbajtur në zyrën e ministrisë, vërehet se Basha ka lënë prapa dyulësit Deklaratën e Pavarësisë së Kosovës.

Deklarata e Pavarësisë së Kosovës zakonisht është parë e varur nëpër muret e institucioneve, mirëpo i të njëjtit mendim nuk është Basha që ka vendosur ta fsheh diku prapa dyulësit të zyrës.

Ky është një moment tjetër skandaloz i Bashës që muaj më parë u zbulua se në një hulumtim shkencor të vitit 2012 kishte shkruar se Ushtria Çlirimtare e Kosovës ishte milici e nëntokës e lidhur me banda kriminale dhe drogën. Për këtë hulumtim kishte cituar edhe famëkeqin Dick Marty.