Kërcënimet e Rusisë ndaj SHBA-së, Trump i kundërpërgjigjet me këtë veprim

Presidenti i SHBA-së, Donald Trump, ka deklaruar se ka urdhëruar vendosjen e dy nëndetëseve bërthamore në rajone pranë Rusisë, si përgjigje ndaj kërcënimeve të ish-presidentit rus, Dmitry Medvedev. Medvedev, i cili aktualisht mban postin e nënkryetarit të Këshillit të Sigurisë së Federatës Ruse, kishte deklaruar më herët se Trump duhet të kujtojë kapacitetet bërthamore të epokës sovjetike të Moskës.

Përmes një postimi në rrjetin e tij social Truth Social, Trump shkroi: “Bazuar në deklaratat jashtëzakonisht provokuese të ish-Presidentit të Rusisë, Dmitry Medvedev, i cili tani është Nënkryetar i Këshillit të Sigurisë së Federatës Ruse, kam urdhëruar vendosjen e dy nëndetëseve bërthamore në rajonet përkatëse, për çdo rast, nëse këto deklarata të pamenduara dhe provokuese rezultojnë të jenë më shumë se kaq. Fjalët janë shumë të rëndësishme dhe shpesh mund të çojnë në pasoja të paqëllimshme. Shpresoj që ky të mos jetë një prej atyre rasteve. Faleminderit për vëmendjen!”.

Deklarata e Trump vjen në një moment të tensionuar në marrëdhëniet ndërkombëtare dhe është pritur me shqetësim nga vëzhguesit e sigurisë globale, të cilët paralajmërojnë se retorika e ashpër mes liderëve mund të përshkallëzojë situatën në mënyrë të rrezikshme.

Deri më tani, Moska nuk ka dhënë një reagim zyrtar lidhur me vendimin e Trump për të pozicionuar nëndetëset bërthamore pranë Rusisë. Ndërkohë, komuniteti ndërkombëtar i sigurisë po ndjek nga afër zhvillimet dhe po bën thirrje për vetëpërmbajtje dhe dialog diplomatik.

Kosova heq tarifën 10% ndaj produkteve amerikane, Kurti: Nga sot e tutje do të hyjnë në Kosovë me zero tarifë doganore

Kryeministri i Kosovës në detyrë, Albin Kurti, ka thënë se një nga vendimet më të rëndësishme që do të marrin në mbledhjen e sotme të Qeverisë është heqja e taksës 10% për produktet e Shteteve të Bashkuara të Amerikës, shkruan Gazeta Express.

Kurti ka thënë se nga sot, tarifa doganore për produktet amerikane do të jetë zero.

“Tjetër vendim i rëndësishëm që po marrim sot është largimi i tarifës doganore për SHBA-në. Kështu nga tani e tutje të gjitha produktet e tyre do të kenë tarif zero % kur të hyjnë në territorin tonë”, ka thënë Kurti.

150€ për çdo nënë lehonë – Kjo komunë jep shembull për t’u ndjekur!

Që nga sot, më 1 gusht, çdo nënë lehonë në Istog përfiton 150 € mbështetje financiare pas lindjes së fëmijës.

Lajmin e ka dhënë kryetari i komunës, Ilir Ferati.

“Jeta fillon me nënën, ndërsa ne e vazhdojmë me mbështetje!
Që nga sot, më 1 gusht, çdo nënë lehonë në Istog përfiton 150 € mbështetje financiare pas lindjes së fëmijës — si shenjë mirënjohjeje për dashurinë dhe harenë që i sjellin vendit tonë.
Për familjen. Për jetën. Për të ardhmen”, shkruan Ferati në njoftim.

Hetimi i policisë dhe prokurorisë: Gjenden tela të rrymës në Ujman

Prokuroria Themelore në Mitrovicë dhe Policia e Kosovës kanë zhvilluar një hetim të përbashkët pas deklarimeve publike të kryetarit të Shoqatës së Peshkatarëve të Kosovës, i cili më 30 korrik 2025 deklaroi në media se në Liqenin e Ujmanit ishin vërejtur tela elektrikë të zhytur në ujë, të cilët, sipas tij, mund të përbëjnë rrezik për jetën e qytetarëve.

Personi në fjalë është intervistuar nga autoritetet në cilësinë e dëshmitarit dhe ka sqaruar se telat janë vërejtur gjatë një aksioni për largimin e varkave pa leje. Ai ka shtuar se telat mund të paraqesin rrezik nëse aktivizohen.

Policia ka pranuar edhe një video lidhur me rastin, ndërkohë që njësitë e kontrollit kufitar ujor kanë kryer një inspektim të menjëhershëm në terren, transmeton lajmi.net

Pas kontrollit, është konstatuar se telat nuk janë të lidhur me ndonjë burim energjie elektrike dhe nuk përbëjnë rrezik për qytetarët. Po ashtu, Policia e Kosovës thekson se nuk ka pranuar më parë ndonjë raportim të ngjashëm për këtë çështje.

Pas shqyrtimit të të gjitha provave dhe informatave, Prokuroria Themelore në Mitrovicë ka vlerësuar se nuk ka elemente të ndonjë vepre penale. Policia u bën thirrje qytetarëve që të mos ndihen të frikësuar dhe garanton se çdo rast i dyshuar do të trajtohet me seriozitet. Patrullimet në Liqenin e Ujmanit do të vazhdojnë me qëllim të garantimit të sigurisë publike.

Njoftimi i plotë:

“100 euro të vitit 2021 sot kanë vlerë vetëm 65 euro”

Vlera e parasë ka pësuar rënie nga viti 2021 deri më sot.

Madje, 100 euro të vitit 2021, sot kanë vlerë prej rreth vetëm 65 euro.

Kështu ka shkuar analisti Shenoll Muharremi përmes një postimi në Facebook.

Sipas tij, “harxhin” që qytetarët e kanë blerë më 2021 me 500 euro, sot mund ta blejnë të njëjtin me rreth 760 euro.

“Në vend të €500 (2021) sot do të duhen rreth €760 në muaj me i ble produktet e ngjashme apo që me qenë në të njëjtin nivel fuqie blerëse si në vitin 2021”.

“100 euro të vitit 2021 sot kanë vlerë vetëm rreth 65 EUR. Rreth 50% është rritja mesatare e çmimeve të prodhimeve bujqësore TM2 2025 (sot) krahasuar me TM2 2021”, ka thënë Muharremi, i cili theksoi se këto të dhëna janë marrë nga Agjencia e Statistika të Kosovës (ASK).

Lirohen nga paraburgimi 5 policët e arrestuar për vrasjen e Agon Zejnullahut

Avokati i një prej policëve të dyshuarve për vrasjen e Agon Zejnullahut, Besnik Berisha, ka njoftuar se janë liruar klienti i tij dhe katër kolegët e tij policë.

Berisha u shpreh i lumtur për këtë vendim, duke e quajtur “drejtësi”.

Postimi i plotë:

Drejtësia foli. Pesë zyrtarët policorë që padrejtësisht u paraburgosën nga sot janë të lirë.

I lumtur sa s’ka më, jo vetëm sepse drejtësia më në fund u vu në lëvizje, por sepse padrejtësia nuk mori formë të përhershme.

Kjo nuk ishte thjesht një betejë për lirimin e pesë zyrtarëve, ishte një betejë për arsyen, për të drejtën dhe për të mos lejuar që frika nga opinioni ta zëvendësojë ligjin.

Ata vepruan në përmbushje të detyrës, jo në shkelje të saj. Çdo hap i tyre u shoqërua me kujdes, proporcionalitet dhe përpjekje për të shmangur rrezikun. Çdo gjykim ndaj tyre duhet të jetë profesional, jo populist.

Faleminderit të gjithë atyre që nuk heshtën.

Ne do të jemi gjithmonë në krah të ligjit, edhe kur ai sulmohet nga ata që s’kanë asnjë lidhje me të.

“Me çlirimtarët, për drejtësi”, Memli Krasniqi fton qytetarët të bashkohen në protestën e 7 gushtit

Kryetari i Partisë Demokratike të Kosovës, Memli Krasniqi, ka reaguar përmes një deklarate publike lidhur me zvarritjen e procesit gjyqësor ndaj ish-udhëheqësve të Ushtrisë Çlirimtare të Kosovës në Dhomat e Specializuara në Hagë.

Ai ka shprehur shqetësimin e tij për kohëzgjatjen e paraburgimit dhe për, siç thotë ai, përdorimin e provave të fabrikuara nga strukturat shtetërore të Serbisë.

“Prej më shumë se katër vjetësh e gjysmë, udhëheqësit e Ushtrisë Çlirimtare të Kosovës ndodhen në paraburgim në Dhomat e Specializuara, ende pa një vendim përfundimtar”, shkruan Krasniqi.

Ai kritikon qasjen e gjykatës dhe thotë se “zvarritja e këtij procesi dhe shmangia nga standardet e pritura të drejtësisë kanë ngritur shqetësime serioze, jo vetëm për të drejtat e të akuzuarve, por edhe për besimin e qytetarëve në vetë drejtësinë”.

Krasniqi përmend raportimet për përdorim të provave të fabrikuara, duke thënë se ato “kanë thelluar edhe më tej shqetësimet për drejtësinë e këtij procesi”.

Ai deklaron mbështetje të plotë për protestën që do të organizohet më 7 gusht, në orën 17:00, në sheshin “Skënderbeu”, duke e konsideruar atë si një “shprehje demokratike e qëndrimit qytetar, por edhe si bindje për pafajësinë e të akuzuarve”.

Në fund të njoftimit, ai bën thirrje për pjesëmarrje masive:

“Ftoj të gjithë qytetarët që besojnë në drejtësinë e luftës sonë për liri, në dinjitetin dhe të ardhmen e Republikës së Kosovës, që t’i bashkohen kësaj proteste”.

“Me çlirimtarët. Për drejtësi. Për Kosovën.”

Ekzekutohen pagat me rritje për këtë kategori

Ministria e Financave, Punës dhe Transfereve njofton se sot janë ekzekutuar pagat me rritje prej +55 eurove për 84.230 shërbyes publikë nëpër organizatat buxhetore.

Sipas një postimi në rrjetin social Facebook të faqes zyrtare të Ministrisë së Financave, bëhet e ditur se kjo është faza e dytë e rritjes vjetore prej 110 eurove.

“E ndarë në dy pjesë: +55 euro nga janari 2025, +55 € nga korriku 2025”, thuhet në postim.

Tutje thuhet se Ministria e Financave, Punës dhe Transfereve mbetet e përkushtuar në zbatimin e politikave që kanë për qëllim mirëqenien e qytetarëve.

Lirim Mehmetaj: Djali i Blerim Haxhiajt të RTK-së mer 11 mijë euro fond nga Ministria e Kulturës

Gazetari Lirim Mehmetaj raportoi se djali i Blerim Haxhiajt, gazetarit të RTK-së që intervistoi me ledhati kryeministrin Albin Kurti, ka përfituar një shumë prej 11 mijë eurosh nga Ministria e Kulturës, e udhëhequr nga Hajrulla Çeku.

Pas shpërblimit prej 100 mijë eurosh që mori Blerim Haxhiaj, tani ka dalë në dritë se edhe djali i tij, Glauk Haxhiaj, ka marrë një shpërblim prej 11 mijë eurosh – një fond që ka ardhur nga Ministria e Kulturës, siç raportoi Lirim Mehmetaj me anë të dokumenteve.

“Paramendo, djali i Blerimit, Glauku, e kish kap një 11 mijëshe. Edhe ai me OJQ kishe. Edhe ai nga Ministria e Kulturës. A dini rast tjetër ku edhe baba, edhe djali kapin fonde në thirrjen e njëjtë të ministrisë? Jo, nuk dini valla. Me pyet këtë Blerimin garant thotë, ‘çka din fmija, çka janë 11 mijë euro?’,”, shkruan Mehmetaj.

Postimi i plotë:

Miratohen rregullat e reja për hyrjet në vendet e BE-së, ja kur nis zbatimi

Bashkimi Europian ka njoftuar se duke filluar nga data 12 tetor 2025 do të nisë zbatimin gradual të një sistemi të ri për kontrollin e hyrjeve dhe daljeve të qytetarëve që nuk janë pjesë e BE-së. Ky sistem i quajtur “Entry/Exit System” (EES) do të zëvendësojë vulosjen tradicionale të pasaportave me regjistrimin digjital të të dhënave biometrike si gjurmët e gishtave dhe imazhi i fytyrës, shkruan A2 CNN.

Zbatimi i këtij sistemi vjen përpara pushimeve të mesit të sezonit shkollor dhe do të ndikojë në mënyrë të drejtpërdrejtë tek të gjithë turistët apo udhëtarët për qëllime biznesi që nuk janë qytetarë të Bashkimit Europian, përfshirë edhe shtetasit shqiptarë.

Që nga 12 tetori, vendet anëtare do të nisin zbatimin e sistemit EES në mënyrë graduale për një periudhë gjashtëmujore. Autoritetet kufitare do të fillojnë të regjistrojnë të dhënat e shtetasve të vendeve të treta që kalojnë kufijtë. Në përfundim të kësaj periudhe, sistemi do të jetë i funksionalizuar plotësisht në të gjitha pikat kufitare.

Komisioni Europian

Ky sistem është pjesë e strategjisë së re të BE-së për krijimin e “kufijve të zgjuar” që synojnë përshpejtimin e procedurave të hyrjes për udhëtarët e rregullt dhe njëkohësisht forcimin e masave kundër emigracionit të paligjshëm, shkruan A2 CNN. Në disa pika kufitare tashmë kanë nisur përgatitjet. Në udhëtimin e tyre të parë, pasagjerët do të verifikohen ose përmes gjurmëve të gishtave, ose përmes imazhit të fytyrës, jo të dyjave njëkohësisht. Pas regjistrimit të parë, ata nuk do të kenë më nevojë që pasaportat t’u vulosen në hyrje apo dalje.

Ky sistem do t’i japë mundësi autoriteteve të shohin menjëherë nëse një udhëtar ka tejkaluar afatin e qëndrimit të lejuar në një nga 29 vendet europiane, përfshirë ato që janë pjesë e zonës Schengen, por jo anëtare të BE-së.

“Bëhet fjalë për një sistem të avancuar teknologjik që do të regjistrojë në mënyrë digjitale hyrjet dhe daljet e shtetasve jo-BE për qëndrime afatshkurtra, duke zëvendësuar vulosjen manuale të pasaportave. Do të mblidhen të dhëna biometrike si gjurmët e gishtave dhe imazhi i fytyrës, si dhe të dhëna të tjera të udhëtimit”, tha Komisioni Europian.

Megjithatë, zbatimi i një aplikacioni digjital që synohej të lehtësonte procedurën është vonuar, pasi çdo vend anëtar po punon për integrimin e sistemit EES në kuadrin e vet kombëtar të imigracionit. Zbatimi i plotë i sistemit EES pritet të përfundojë brenda gjashtë muajve nga data e nisjes më 12 tetor 2025.