“Pak po ju bëjnë çka meritojnë” – Abdixhiku komenton protestën e bizneseve

Kryetari i Lidhjes Demokratike të Kosovës (LDK), Lumir Abdixhiku, ka thënë se qëndron në mbështetje të bizneseve.

Por, ai tha në “Presisng” të T7, se janë 171 mijë punëtorë që punojnë në sektorin e privat.

Abdixhiku tha se 42% për Lëvizjen Vetëvendosje pa punuar asgjë për katër vjet, flet shumë.

Ai theksoi se “nga zemra e plasur”, po  e citon Gazmend Muhaxherin se “pak po ju bëjnë çka e meritojnë”.

“Ndjej keqardhje që gjendemi në situatë të tillë ku bizneset kryesore të Kosovës kanë një breng që s’mund t’ia besojnë institucioneve të Kosovës, por siç thotë ndonjëherë Gaz Muhaxheri pak po iu bëjnë çka meritojnë. Po e them prej zemrës së plastë”.

“Janë 171 mijë punëtorë që punojnë sektorin privat në këto biznese që prekën direkt prej krizs energjetike”, ka thënë Abdixhiku.

Shqetësuese – Sejdiu thotë se situata është serioze: Vendi po shkon drejt bankrotit

Opinionisti Dardan Sejdiu sonte në emisionin Rubikon në Klan Kosova foli në lidhje me protestën e sotme të bizneseve, duke thënë se prej tyre 143 mijë njerëz marrin paga çdo muaj.

Ai u shpreh se situata është serioze dhe tha se vendi po shkon drejt bankrotit, përcjell Klankosova.tv.

“Këto biznese që kanë protestuar sot, i kanë 143 mijë punëtorë, 143 mijë njerëz marrin rroga muaj për muaj prej këtyre bizneseve”.

“11 miliardë euro qarkullim në vit bëjnë këto biznese, 11 miliardë euro të ekonomisë së kësaj Kosove vijnë prej këtyre bizneseve që kanë protestuar sot, që është 50 për qind e qarkullimit të përgjithshëm ekonomik të Kosovës edhe 4.5 milionë euro tatime në ditë paguajnë”.

“Ky vend është duke shkuar në bankrot. Është serioze”, u shpreh tutje Dardan Sejdiu./Klankosova.tv

Rusët e akuzuan “se i shiti për Ukrainën”, reagon Vuçiq

Aleksandar Vuçiq ka folur rreth pretendimeve të shërbimeve ruse se “Beogradi vazhdon t’i dërgojë municion Kievit përmes vendeve ndërmjetëse”.

Presidenti serb pohoi se ka biseduar posaçërisht me presidentin rus, Vladimir Putin, të cilët i ka thënë se nuk ka asgjë të vërtetë.

“Edhe në prani të disa personave nga të dy delegacionet, por edhe në bisedë kokë më kokë. Kemi formuar një grup pune, së bashku me partnerët rusë, për të përcaktuar faktet. Disa nga gjërat që janë thënë nuk janë të vërteta. Për shembull, ata thonë saktësisht se ekziston një kontratë me Çekinë. Por, nuk është dhënë leje dhe asnjë nga raketat nuk është dorëzuar”, siguron presidenti i Serbisë, shkruan N1.

Zyra e shtypit e Shërbimit të Inteligjencës së Jashtme (SVR) të Federatës Ruse njoftoi se, sipas informacioneve që mbërrijnë në SVR, ndërmarrjet mbrojtëse serbe, pavarësisht “neutralitetit” të deklaruar të Beogradit, vazhdojnë t’i dërgojnë municion Kievit.

Lexo po ashtu“Ju kemi ndihmuar në momentet më të vështira, kujtojeni Kosovën”, Rusia zemërohet me Serbinë shkaku i Ukrainës

Në njoftimin në faqen zyrtare, SVR thotë se për aktivitetet kundër Rusisë po përdoret një skemë e thjeshtë me certifikata të rreme të përdoruesit përfundimtar dhe vende ndërmjetëse.

“Por edhe një gjë tjetër: fabrikat tona duhet të jetojnë dhe të funksionojnë. Në industrinë ushtarake punojnë drejtpërdrejt rreth 24 mijë njerëz dhe ata varen nga ajo industri. Aktualisht, armët po i drejtojmë për furnizimin e ushtrisë sonë”, thotë Vuçiq.

Ai pretendon se ata që më parë e kanë akuzuar si spiun rus, tani po thonë se ka ndërruar anë “jo, zotërinj, ne punojmë vetëm për Serbinë”.

Ndryshe, Serbia raportohet se eksportoi 800 milionë euro (908 milionë dollarë) municion në Ukrainë nëpërmjet vendeve të treta që kur Rusia nisi pushtimin e shtetit ukrainas në vitin 2022.

Paralajmërohet shtrenjtimi i vajit, ja sa pritet të kushtoj

Pronari i kompanisë së vajit “Fluidi”, Berat Mustafa, ka thënë se të gjithë duhet ta kuptojnë se bizneset nuk janë kundër kalimit në tregun e lirë të energjisë elektrike, por se kjo të bëhet duke qenë të përfshira më shumë kompani, që sipas tij, të ketë konkurrencë mes tyre që ofrimin e çmimit të rrymës.

Në Rubikon të Klan Kosovës, ai ka pohuar se deri tani me planin që është për liberalizim të tregut energjetik për bizneset, është vetëm një kompani e cila është në shërbim të bizneseve për furnizim me energji.

“Në të gjithë botën e qytetëruar prodhuesit janë të shenjtë, apo trajtohen si të shenjtë të themi me një sy pak më ndryshe. Kurse për fat të keq, po shihemi si njerëz që duan të dëmtojnë apo nuk duam të bashkëpunojmë me institucionet tona qeveritare. Të kuptohet për të gjithë publikun apo për të gjitha institucionet e Republikës së Kosovës se prodhuesit nuk janë kundër daljes në tregun e lirë të energjisë, ka dalë i gjithë regjioni dhe e gjithë Evropa, dhe ne duhet sigurisht të ballafaqohemi”.

“Por, ne jemi kundër ofertës të cilës na ofrohet, e cila është vetëm një ofertë. Nuk e kemi ofertën  e dytë, dalja në treg të lirë së paku ishte dashtë të kishte minimum së paku pesë kompani, të cilat do të ofronin energji në treg, do të ishin në konkurrencë. Ne po dalim në treg të lirë me kërku diçka më lirë dhe jo me dalë diçka më shtrenjtë”.

“Unë si kompani si “Fluidi Group”, e kam vetëm një ofertë e cila më ofron 250 euro për megavat. Shtrohet pyetja, cili nga prodhuesit do të mund të jetë konkurrues me prodhuesit e regjionit? Kjo është e pamundur derisa ata paguajnë 100 euro apo 110 maksimumi të megavatit. Energjia tek prodhuesit është pjesë përbërëse apo element përbërës, nuk është pjesë dytësor apo e treta dorë, që nuk kalkulohet në çmim. Deri tash po supozojmë që ka marrë pjesë në 17 apo 18%, po tash po flasim me na marrë pjesë në 50 për qind në produkt. Si do të konkurrojmë në treg me këtë”, ka thënë Mustafa.

Mustafa ka shtuar se me kalimin e në tregun e lirë, bizneset detyrohen të rrisin çmimet e produkteve, ku tha se do të rrisë çmimin e litrit të vajit.

“Unë si prodhues i vajit më duhet të rrisë vajin deri në 20 apo 30 cent, do të thotë nëse në polisat tona shitet vaji 1 euro e gjysmë, unë detyrohem ta shesë në 1 euro e 80 cent. Ose importi e shet 1 e 50, tash qytetarët kur është një dallim esencial sigurisht se do të marrin produktin më të lirë, neve do të na bjerë prodhimi deri në atë masë ku ne do të detyrohemi të ndalim prodhimin”, ka thënë Mustafa. /Klankosova.tv

Haradinaj: Kushdo që voton për Qeverinë Kurti III është argat i Serbisë

Kryetari i Aleancës për Ardhmërinë e Kosovës (AAK), Ramush Haradinaj, ka bërë një deklaratë të ashpër ndaj Lëvizjes Vetëvendosje, të udhëhequr nga Albin Kurti, si dhe ndaj të gjithë atyre që mund të bëhen bashkëpunëtorë të tij.

Sipas Haradinajt, kushdo që ndihmon në formimin e Qeverisë Kurti III është “argat i Serbisë dhe Rusisë”.

“Sa i përket qeverisë unë jam i bindur, kushdo që e ndihmon, pra Kurti III, është argat i Serbisë e Rusisë. Këtë nuk e ndryshoj. Është serioze”, ka thënë Haradinaj në Debat Plus.

E reja që ra nga kati i katërt, flasin nga QKUK-ja – Kjo është gjendja e saj

Një vajzë dyshohet se ka rënë nga lartësia e një banese në Fushë Kosovë. Pacientja ka përfunduar në gjendje të rëndë në Emergjencë në QKUK.

Drejtori i Emergjencës, Naser Syla ka thënë për IndeksOnline se vajza është pranuar në gjendje të rëndë dhe i është nënshtruar një operacioni.

Ai ka thënë se trajtimi i saj po vazhdon në Mjekimin Intenziv Qendror.

“Është pranuar në Qendrën Emergjente, gjendje e saj ka qenë e rëndë, pas ekzaminimeve të kryera, është dërguar për intervenim në sallë operative të QE nga ekipa e anestezionit, ortopedisë dhe neurokirurgjisë, vazhdon trajtimin në MIQ dhe gjendja e saj është e rëndë. E kyçur në aparaturë me frymëmarrje të asistuar”, ka thënë Syla.

Pronari i Vipa Chips, Bedri Kasumi ankohet për çmimin e rrymës: “Duhet të rrisim çmimin e produktit final”

Pronari i kompanisë së çipsave “Vipa Chips”, Bedri Kasumi, ka shprehur shqetësimin e tij lidhur me rritjen prej 16.1% të çmimit të energjisë elektrike, që do të ndikojë drejtpërdrejt në rritjen e faturave për bizneset dhe qytetarët.

“Rritja prej 16.1% normalisht se do të sjellë fatura më të larta, gjë që do të ndikojë negativisht në ekonomi”, tha Kasumi. Ai tha se Kosova nuk është e përgatitur për kalimin në tregun e lirë të energjisë, pasi sipas tij, për momentin, bizneset po furnizohen vetëm nga një operator, KESCO, dhe nuk ekziston një treg i lirë konkurrues.

“Na është ofruar vetëm energjia nga një operator, dhe ai është KESCO. Operator tjetër nuk ofrohet për momentin, kjo tregon se nuk ka treg të lirë, por një monopol. Çmimi që na është ofruar është trefishi i atij që paguajmë tani,” tha Kasumi.

Sipas tij, kjo situatë do të ndikojë në rritjen e çmimit të produkteve të prodhuara nga kompania e tij.

“Në mënyrën që ne operojmë, duhet të rrisim çmimin e produktit final, dhe kjo do të reflektohet edhe në shitje, por edhe në numrin e të punësuarve,” përfundoi pronari i “Vipa Chips”.

Ndryshe, kompania “Vipa Chips” me pronar Bedri Kasumi ishte përfshirë në një skandal të madh para dy vitesh, ku një hulumtim i “Betimiperdrejtesi” kishte zbuluar se si çipsa me përbërje kancerogjene nga kjo kompani u shiten në tregun vendor dhe në Itali.

Në këtë skandali ishte indirekt e përfshirë e Agjencia e Ushqimit dhe Veterinarisë, e cila nuk e kishte informuar publikun për të mos konsumuar çipsat Vipa.

Deklarata e Kurtit, reagon Abdixhiku: Është gjendje e rëndë, i krahason bizneset me barrikada të Radojiçiqit

Kryetari i Lidhjes Demokratike të Kosovës, Lumir Abdixhiku, ka folur për protestën e bizneseve kundër mos-shtyrjes së vendimit për daljen në treg të hapur të energjisë elektrike.

Në emisionin Pressing në T7, Abdixhiku ka folur edhe për deklaratën e kryeministrit në detyrë, që krahasoi këto protesta me barrikadat në veri.

“Është gjendje e rëndë, i krahason bizneset me barrikada të Radojiçiqit”, ka thënë Abdixhiku.

“Janë mbi 100 mijë punëtorë që punojnë në këto biznese që preken nga çmimi i energjisë, por më duhet ta them me zemër të plastë, janë këta njerëz që kanë votuar 42 %. Ky është rast i paprecedent. Nuk kanë zgjidhje për këtë problem që i prek krejt qytetarët”, ka thënë Abdixhiku.

Tragjike: Bie nga kati i katërt gjatë pastrimit të dritareve – E reja në gjendje të rëndë

Një ngjarje e rëndë ka ndodhur sot rreth orës 13:00 në rrugën “Fazli Grajçevci” në Fushë Kosovë, ku një e re ka rënë nga kati i katërt i një objekti banesor.

Burime të Sinjalit brenda Emergjencës bëjnë me dije se viktima është identifikuar si A.Si,, 23 vjeçare, e cila dyshohet se ka rënë nga dritarja e banesës së saj derisa ishte duke pastruar xhamat.

E njëjta është gjetur e shtrirë në tokë, pranë objektit të “MureBest”, dhe me urgjencë është dërguar në QKUK, ku aktualisht po trajtohet për lëndime të rënda trupore.

Sipas stafit mjekësor, të cilët i ka kontaktuar Sinjali dhe kanë dhënë informacione pa dashur të citohen, ndonëse gjendja e saj është serioze, për momentin ajo është jashtë rrezikut për jetë

Nga hetimet preliminare, policia ka arritur të konfirmojë se ngjarja është aksidentale dhe se deri tani nuk është identifikuar ndonjë person i dyshuar.

Rasti është cilësuar si “Lëndim i rëndë trupor” dhe po trajtohet nga njësia e hetimeve në koordinim të plotë me Prokurorinë.

“Janë plotësuar kushtet për lirimin me kusht të Thaçit e të tjerëve”

Të hënën, mbrojtja e ish-presidentit të Kosovës, Hashim Thaçi, së bashku me bashkakuzuarit e tij, pritet të paraqesë mocionin për rrëzimin e disa prej pikave të aktakuzës në Dhomat e Specializuara në Hagë.

Në lidhje me këtë proces, avokati i licencuar në Gjykatën Speciale, Artan Çerkini, theksoi se kjo procedurë përbën një hap të ri dhe të rëndësishëm për sistemin e drejtësisë ku përfshihen shtetasit e Kosovës.

Ai shtoi se, ndonëse Dhomat e Specializuara de jure konsiderohen pjesë e sistemit gjyqësor të Kosovës, procedurat që zhvillohen atje janë në thelb të ndryshme nga ato që aplikohen në Republikën e Kosovës.

“Sipas kësaj procedure, Prokuroria e përfundon paraqitjen e rastit të saj, prezanton të gjitha provat dokumentare dhe dëgjon të gjithë dëshmitarët. Vetëm pas kësaj faze, mbrojtjes i jepet mundësia të paraqesë mocionin për rrëzimin e aktakuzës, duke argumentuar se provat e Prokurorisë nuk e përmbushin standardin e nevojshëm për të shpallur fajtor të pandehurit në lidhje me pikat përkatëse të aktakuzës,” u shpreh Çerkini.

Ai sqaroi më tej se në këtë fazë, gjykata mund të vendosë të hedhë poshtë disa aktakuza apo të gjitha. Në rast se ndonjë pikë e aktakuzës rrëzohet, ajo nuk do të trajtohet më në vazhdimin e procesit. Por nëse disa akuza mbeten në fuqi, atëherë mbrojtja do të ketë mundësinë të prezantojë kundër-prova në përpjekje për t’i rrëzuar ato gjatë fazës përfundimtare të gjykimit.

Çerkini deklaroi se tashmë janë plotësuar të gjitha kushtet ligjore për lirimin me kusht të ish-presidentit Hashim Thaçi dhe të bashkëpandehurve të tij.

Tutje, Çerkini theksoi se masa e paraburgimit është forma më e rreptë për sigurimin e prezencës së të pandehurit në një procedurë penale, dhe se ekzistojnë alternativa më të buta që duhet të merren parasysh, veçanërisht në fazat e avancuara të procesit.

“Mendoj që tani janë plotësuar të gjitha kushtet ligjore për lirimin me kusht, ngase paraburgimi është masa më e rreptë për sigurimin e prezencës së të pandehurit në procedurë penale. Përveç paraburgimit, ekzistojnë edhe masa të tjera alternative. Sa më shumë të avancojë procedura, aq më shumë duhet të zbuteshin masat e sigurisë,” deklaroi Çerkini në RTK.

Sipas tij, argumenti kryesor i Prokurorisë për mbajtjen në paraburgim ka qenë rreziku i ndikimit në dëshmitarë, por kjo bazë nuk ekziston më.

“I vetmi argument i Prokurorisë ka qenë që të pandehurit të mbahen në paraburgim për shkak të rrezikut të ndikimit në dëshmitarë. Tashmë ky rrezik nuk ekziston, sepse Prokuroria e ka përfunduar rastin e saj dhe dëshmitarët e saj janë dëgjuar. Për rrjedhojë, nuk ka më mundësi që të ndikohet në dëshmitarët e Prokurorisë,” shtoi ai.

Avokati Çerkini theksoi se për këto arsye paraburgimi është dashur të zëvendësohet me masa më të lehta të sigurisë, siç është për shembull arresti shtëpiak.