Deputeti i VV’së: Mund të ketë emër tjetër për president përveç Osmanit

Deputeti i Lëvizjes Vetëvendosje (LVV), Enver Dugolli, ka folur për procesin e zgjedhjes së presidentit të ri të Kosovës, duke theksuar se pas miratimit të buxhetit të hënën, pritet të hapet diskutimi për këtë çështje.

Ai tha se synimi i LVV-së është arritja e një konsensusi me mirëkuptim për të shmangur zgjedhje të reja.

Dugolli ka deklaruar se mund të ketë emër tjetër për president përveç atij të Osmanit.

“Nuk ka ende një kandidaturë definitive që do ta përkrahim, për shkak se nuk po dëshirojmë që partitë opozitare ta marrin si sinjal që po dëshirojmë ta imponojmë dikë. Synojmë që ta arrijmë një konsensus me mirëkuptim që për të mos dërguar vendin në zgjedhje të reja. Mund të ketë emër tjetër, përveç të Vjosa Osmanit. Nuk mund të paragjykojmë. I kemi vetëm 66 vota, nuk i kemi mbi 80 që t’ia sigurojmë Vjosa Osmanit. Na mbetet të gjithëve që t’ia sigurojmë”, deklaroi ai në emisionin “Info Nata” në Tëvë1.

LAJMI I FUNDIT: Punëtori shqiptar bie nga skelet, humb jetën

Një aksident me pasojë vdekjen ka ndodhur dje.

Ngjarja e rëndë ndodhi në qytetin e Beratit.

Rreth orës 11:00, në lagjen Uznovë, dyshohet se gjatë punimeve për rikonstruksionin e një banese, ka rënë aksidentalisht nga skela shtetasi P. M., 50 vjeç. Si pasojë e dëmtimeve të marra nga rrëzimi, 50-vjeçari ka humbur jetën.

Në vendngjarje ndodhet grupi hetimor, i cili po punon për sqarimin e plotë të rrethanave dhe dokumentimin e shkakut të ngjarjes.

Vetaksidenti në rrugën Prishtinë – Pejë, vdes një grua

Një grua ka vdekur pas një vetaksidenti që ngjau mëngjesin e së premtes në rrugën Prishtinë – Pejë, gjegjësisht në fshatin Korroticë.

Viktima, ishte shtetase e Shqipërisë, ashtu si edhe drejtuesi i automjetit i cili mbeti i lënduar.

“Në aksident ka qenë e përfshirë një veturë udhëtarësh me targa të Shqipërisë, në cilin kishin qenë drejtuesi dhe pasagjerja femër, të dy shtetas të R. Shqipërisë”, thuhet në Raportin e Policisë së Kosovës.

“Si pasojë e aksidentit lëndime trupore kanë pësuar drejtuesi dhe pasagjerja e cila më pas në QKUK ka nderuar jetë, ndërsa drejtuesi mbetet duke marrë trajtim mjekësor”.

“Me urdhër të prokurorit trupi i pajetë i viktimës është dërguar në IML për obduksion”.

PDK nuk e mbështet propozimin për Buxhetin e Kosovës për vitin 2026

PDK nuk e ka mbështetur propozimin për Buxhetin e Kosovës për vitin 2026.

“PDK nuk e mbështet, dje e kemi argumentu vullnetin dhe gatishmërinë që shteti të mos bllokohet duke e mbështetur vazhdimin për muajin mars. Jemi tolerant që mos të ketë proces të rregullt, të ketë procedura të . Nevojitet afat minimal 3 ditë që edhe deputet ta shohin materialin”, tha Tahiri.

E rëndë: Një 43-vjeçar gjendet pa shenja jete në një objekt banimi

Një ngjarje e rëndë ka ndodhur sot në fshatin Llapçevë, Komuna e Malishevës, ku një person mashkull i moshës 43 vjeç është gjetur pa shenja jete në një objekt banimi.

Lajmin për Sinjalin e ka konfirmuar zëdhënësja e Policisë së Gjakovës, Vlera Krasniqi.

“Rreth orës 14:00 kemi pranuar informacion se në fshatin Llapçevë një person është gjetur i pajetë. Njësitë relevante të policisë dhe ekipi mjekësor kanë dalë në vendin e ngjarjes, ku është konstatuar vdekja e viktimës dhe është gjetur një armë e shkurtër”, tha Krasniqi.

Lidhur me rastin është njoftuar prokurori i shtetit, i cili ka dhënë urdhër për inicimin e rastit “Hetim i vdekjes”, ndërsa trupi i viktimës është dërguar në Institutin e Mjekësisë Ligjore për obduksion.

Qeveria Kurti 3 nis emërimin e zëvendësministrave

Qeveria Kurti 3 ka nisur me emërimet e zëvendësministrave, pas rritjes së numrit të ministrive në këtë kabinet qeveritar.

Sot paradite u bë e ditur për caktimin e Daulina Osmanit si zv/ministri në Ministrinë e Sportit dhe Rinisë. Këtë pozitë, Osmani e ka pasur edhe në mandatin e Qeverisë Kurti 2, kur kjo ministri kishte edhe pjesën e Kulturës.

Emërimi tjetër është i Zef Morinës, si zëvendës i ministrit në dikasterin e Infrastrukturës dhe Transportit.

Këtë pasdite, Zyra e Kryeministrit të Kosovë njoftoi se ka caktuar Kreshnik Ahmetin në pozitën e zëvendësministrit të Punëve të Jashtme dhe Diasporës, të cilën e ka mbajtur edhe në mandatin e kaluar.

Komisioni për Buxhet miraton Ligjin mbi ndarjet buxhetore

Komisioni për Buxhet, Punë dhe Transfere ka miratuar Ligjin për Ndarjet Buxhetore për vitin 2026, duke i dhënë dritën jeshile një projektbuxheti prej rreth 4 miliardë eurosh.

Ligji u miratua me 6 vota për, asnjë kundër dhe një abstenim. Në të njëjtën seancë u shqyrtuan edhe disa marrëveshje ndërkombëtare për financime dhe kredi, përfshirë projektet për forcimin e sistemit të shëndetësisë, edukimin në fëmijërinë e hershme dhe instrumentin për reforma dhe rritje në Ballkanin Perëndimor.

Ministri i Financave, Hekuran Murati, kërkoi nga deputetët që të përfundojnë procedurat sa më shpejt për të mundësuar zbatimin e buxhetit dhe marrëveshjeve.

Mblidhet sërish Kuvendi, kjo është pika kryesore e rendit të ditës

Deputetët do të mblidhen nga ora 15:00 në Kuvend për të shqyrtuar dhe ratifikuar marrëveshjet ndërkombëtare.

Janë pesë marrëveshje ndërkombëtare që presin ratifikim, ndërsa edhe buxheti për vitin 2026 do të mundë të shqyrtohet në parim.

Nga ato është edhe Marrëveshja e Financimit për Programin e Parë për “Financimin e Politikave Zhvillimore për Efektivitetin Fiskal, Konkurrushmërinë dhe Rritjen e Gjelbër” mes Kosovës dhe Asociacionit Ndërkombëtar për Zhvillim (pjesë e Bankës Botërore).

Sot 13 shkurt, është dita e fundit kur Kuvendi i Kosovës ka kohë të ratifikojë këtë marrëveshje me Bankën Botërore në vlerë prej 90.3 milionë eurosh.

Në rend janë Projektligji për ratifikimin e “Marrëveshjes ndërmjet Republikës së Kosovës dhe Bashkimit Evropian mbi aranzhimet për zbatimin e përkrahjes së Unionit për Kosovën në kuadër të Instrumentit për reforma dhe rritje;

Projektligjit nr. 10/L-003 për ratifikimin e Marrëveshjes së financimit, për programin e parë për “financimin e politikave zhvillimore për efektivitetin fiskal, konkurrueshmërinë dhe rritjen e gjelbër” në mes të Republikës së Kosovës e përfaqësuar nga Ministria e Financave, Punës dhe Transfereve dhe Asociacionit Ndërkombëtar për zhvillim;

Projektligji nr. 10/L-005 për ratifikimin e marrëveshjen e kredisë në mes të Republikës së Kosovës përfaqësuar nga Ministria e Financave, punës dhe transfereve, dhe asociacioni ndërkombëtar për zhvillim për projektin “kompas” – qasja gjithëpërfshirëse e Kosovës për forcimin e sistemit të shëndetësisë;

Projektligji nr. 10/L-006 për ratifikimin e marrëveshjen e kredisë në mes të Republikës së Kosovës përfaqësuar nga Ministria e Financave, Punës dhe Transfereve, dhe asociacioni ndërkombëtar për zhvillim (anzh) për projektin “edukimi në fëmijërinë e hershme dhe kujdesi për kapitalin njerëzor të Kosovës”;

Projektligji nr. 10/L-004 për ratifikimin e marrëveshjes së kredisë për “instrumentin për reforma dhe rritje për Ballkanin Perëndimor” ndërmjet Bashkimit Evropian, që përfaqësohet nga Komisioni Evropian si huadhënës, dhe Kosovës si huamarrës dhe bankës qendrore të Kosovës si agjent i huamarrësit.

Sherri në studio me Buzhalën, reagon Albatros Rexhaj

LDK e quan të paplotë rezolutën për Specialen

Lidhja Demokratike e Kosovës ka reaguar sot lidhur me rezolutën e miratuar mbrëmë në Kuvendi i Republikës së Kosovës, e cila ka të bëjë me angazhimin dhe respektimin e ligjit dhe të drejtës ndërkombëtare nga Dhomat e Specializuara të Kosovës dhe Zyra e Prokurorit të Specializuar.

Në deklaratën e saj, LDK theksoi se Kuvendi ka detyrim historik dhe politik të flasë me një zë të përgjegjshëm për drejtësinë dhe jo përmes rezolutave që, sipas tyre, mbeten të pjesshme dhe selektive.

Sipas LDK-së, drejtësia nuk mund të trajtohet si koncept i fragmentuar dhe duhet të vlejë për të gjithë.

“Lidhja Demokratike e Kosovës beson se Kuvendi i Republikës së Kosovës ka detyrim historik dhe politik të flasë me një zë të përgjegjshëm, të plotë dhe të drejtë për drejtësinë, jo me rezoluta të pjesshme dhe selektive.

Rezoluta e paraqitur nga Partia Demokratike e Kosovës u miratua mbrëmë me 90 vota për dhe një kundër. Dokumenti përmban shtatë pika dhe synon të kërkojë nga institucionet e drejtësisë në Hagë respektimin e standardeve kushtetuese dhe ndërkombëtare, si dhe garantimin e transparencës dhe llogaridhënies.

Vota e vetme kundër rezolutës u dha nga deputeti i Lëvizja Vetëvendosje, Fato Geci.