Çfarë pritet të ndodh sot në Kosovë

Ngjarjet e paralajmëruara për sot:

10:00

Me rastin e 1 Shtatorit – Ditës së Dëshmorëve të Kombit të Komunës së Vushtrrisë, mbahen homazhe për nderë të dëshmorëve të Kombit. (Varrezat e dëshmorëve, Vushtrri)

12:00

Me rastin e 1 Shtatorit – Ditës së Dëshmorëve të Kombit të Komunës së Vushtrrisë, mbahet Akademi Solemne që organizohet nga Drejtoria për Kulturë, Rini dhe Sport në bashkëpunim me organizatat e dala nga lufta e UÇK-së. (Qendra e Kulturës “Hasan Prishtina”, Vushtrri)

Osmani: Vuçiqi i ktheu strukturat ilegale paralele në Kosovë në banda mafioze

Presidentja Vjosa Osmani ka thënë se Serbia nuk i ka zbatuar marrëveshjet e arritura në Bruksel.

Madje ajo tha se nuk e ka zbatuar as atë që ajo e konsideron si më të rëndësishmen, për shpërbërjen e strukturave ilegale paralele në Kosovë.

Në vend që t’i shpërbënte ato struktura, presidentja Osmani në diskutimin në Forumin GLOBSEC 2024, tha se presidenti i Serbisë, Alleksandar Vuçiq i ka forcuar ato duke i shndërruar në “banda mafioze”.

“Asnjë prej marrëveshjeve nuk është zbatuar, veçanërisht ajo e rëndësishmja e vitit 2013, e cila e obligon Serbinë që t’i shpërbëjë të gjitha strukturat e saj ilegale paralele nëpër Kosovë, në veçanti në veri. Ajo që ka ndodhur këto 10 vjet, është që në vend që t’i shpërbëjë ato struktura, Serbia vazhdimisht i ka forcuar ato deri në atë pikë sa që këto struktura ilegale janë kthyer në banda mafioze dhe janë kthyer po ashtu në rrezikun më të madh për komunitetin serb që jeton në veri të Kosovës”.

“Këto struktura ilegale janë grupe kriminale që paguhen, emërohen dhe mbështeten politikisht nga Serbia, dhe tani pasi që kryen një akt agresioni kundër Kosovës në shtator, u fshehën nga Serbia në Serbi në mënyrë që të mos përballen me drejtësinë për aktin e agresionit”, tha Osmani, duke iu referuar sulmit nga grupi i Millan Radoiçiqit në Banjskë 24 shtatorin e vitit të kaluar.

Ajo tha se ata dyshohen edhe për krime tjera, si “vrasja e politikanëve serbë, djegia e shtëpive dhe veturave të serbëve në veri, si kërcënimin e fëmijëve në kopshte… Pra, ata që po vuajnë më së shumti nga këto banda mafioze, të paguara dhe mbështetura nga Vuçiqi në Serbi, janë në të vërtetë serbët në Kosovë”.

Osmani tha se të gjitha këto kanë ndodhur në 10 vitet e fundit, ndërsa kritikoi BE-në që po i vë masa Kosovës, e jo Serbisë.

“Pavarësisht gjithë këtyre, qëlloni se cila është pala nën masa të BE-së? Është pala e cila është 100 për qind e harmonizuar me BE-në në çdo politikë vendimmarrëse të jashtme e të sigurisë, është palë që kurrë nuk blen armë nga Rusia, Kina apo Irani, është palë ku 90 për qind e popullit janë në favor të BE-së, është pala që asnjëherë nuk ka kryer akt agresioni kundër fqinjëve, që nuk destabilizon fqinjët, nuk organizon grusht-shtete kundër fqinjëve, që nuk përdor MIG29 rusë që të fluturojë mbi fqinjët e vetë. Kjo është pala që është nën masa – Kosova. Prandaj, tavolina është e rrëzuar”, potencoi presidentja Osmani në diskutimin në forumin GLOBSEC në Pragë.

Në fund, ajo foli edhe për tërheqjen e Serbisë nga marrëveshja e Ohrit e vitit 2023.

“Pika e fundit për dialogun: një marrëveshje u arrit në shkurt 2023, dhe aneksi më vonë në atë vit, e cila parasheh obligime si për Kosovën ashtu edhe Serbinë. Sipas BE-së dhe ShBA-së, dhe edhe unë pajtohem me këtë interpretim, është traktat ligjërisht i obligueshëm. Josep Borrell, Përfaqësuesi i Lartë, e ka njoftuar po ashtu edhe Sekretarin e Përgjithshëm të OKB-së se është traktat ligjërisht i obligueshëm. Por, për të gjithë ekspertët: çka ndodh nëse njëra palë formalisht tërhiqet nga një traktat? Pra, parimi themelor i ligjit ndërkombëtar, as pala tjetër nuk ka obligim për ta zbatuar”.

“Serbia është tërhequr formalisht nga kjo marrëveshje përmes letrave të dërguara nga ish-kryeministrja (Ana Bërnabiq, shën.red.) ndaj BE-së, përmes deklarimeve nga presidenti i vendit (Alleksandar Vuçiq, shën.red) dhe nga kryeministri aktual (Millosh Vuçeviq, shën.red.), që thonë: kjo nuk është marrëveshje ligjërisht obliguese, dhe nuk do ta zbatojmë. Tani, pavarësisht këtyre deklarimeve, shumica në BE thonë se Kosova duhet ta zbatojë njëanshëm këtë marrëveshje”.

“Besoj fuqishëm se jemi në një situatë ku duhet ta rikthejmë barazinë në tavolinë. Nëse palët trajtohen në mënyrë të barabartë, atëherë mund të kemi sukses dhe jemi shumë të bindur se me ndryshimet në BE, me një Përfaqësues të Lartë që po vjen, atëherë barazia po vjen në tavolinë”, potencoi presidentja Vjosa Osmani.

Vuçiqi “kapet” me Presidentin e Malit të Zi: Morët një pjesë të Serbisë dhe e njohët pavarësinë e Kosovës

Në Pragë është duke u mbajtur Forumi GLOBSEC 2024, ku po marrin pjesë liderë nga rreth 70 shtete.

Në panelin “Bashkimi i Ballkanit Perëndimor me BE-në”, pjesëmarrës ishin presidenti i Malit të Zi, Jakov Millatoviq dhe ai i Serbisë, Alleksandar Vuçiq.

Temë diskutimi në këtë panel ishin edhe raportet fqinjësore të shteteve të Ballkanit Perëndimor, sikurse edhe perspektiva evropiane e këtyre vendeve.

Por, Vuçiqit nuk i pëlqeu një çështje për të cilën foli homologu i tij malazez.

“Mendoj se publiku mund të shohë se sa shumë nuk pajtohemi unë dhe Alleksandri, dhe kjo është legjitime. Tani ekziston një zgjidhje e qartë se ku dëshironi të shkoni. Për Malin e Zi është e qartë, nuk e di nëse është e qartë edhe për Serbinë, por është legjitime të kesh qëndrim të paqartë për atë se ku duan të shkojnë. Mendoj se Serbia, si ekonomia më e madhe në rajon, është e rëndësishme. E dini se të gjithë flasim gjuhën e njëjtë”.

“E kemi harmonizuar politikën me BE-në sepse duam të jemi pjesë e atij klubi. E kuptoj krejt çka flet Alleksandri, por do të ishte më e lehtë për të gjithë ne të kishim një optimist si president të Serbisë, në vend të pesimistit. Besoj se Mali i Zi mundet dhe dëshiron të bëhet pjesë e BE-së gjatë mandatit të Ursula von der Leyen”.

“Ka një histori më të madhe se Mali i Zi dhe do të jetë një sinjal i madh për vendet e tjera të Ballkanit Perëndimor, për vendet e fqinjësisë së Lindjes, dhe se do t’i ndihmojë pesimistët të bëhen optimistë, përfshirë Alleksandrin”, tha Millatoviq.

Por, Vuçiqi nuk u pajtua me këto deklarime të Millatoviqit. Ai e kritikoi homologun e tij malazez për njohjen e pavarësisë së Kosovës, “edhe përkundër ligjit”.

“Së pari, nuk është kaq e qartë dhe kaq e lehtë. Keni harruar të thoni diçka. Kur flasim për mesazhe të paqarta, këtë e kam thënë gjithmonë. Kam edhe sot një mesazh shumë të qartë në lidhje me rrugën e BE-së, por shumë nga rajoni, bashkë me të tjerë, kanë insistuar gjithmonë në porosi të paqarta sepse iu përshtatej tregimeve tuaja. Nuk do të ishit kaq të mirë sikur të mos kishte një Serbi të keqe”.

“Kur keni folur për vendime të lehta, harruat të thoni, të përmendni 6 republika. E dini, kanë qenë 6 republika, por duke folur për Malin e Zi dhe për vende tjera Perëndimore, në ndërkohë ju morët një pjesë të një prej atyre republikave, që është Serbia, dhe njohët pavarësinë e Kosovës. Dhe kjo është bërë jo në pajtim të Kartës së OKB-së dhe Rezolutës 1244 dhe është bërë kundër ligjit”.

“Sulmi (i NATO-s, shën.red.) ndaj Serbisë është bërë pa vendim të Këshillit të Sigurimit të OKB-së. Ky është një dallim i vogël mes nesh, që nuk është aq i vogël. Që do të thotë se po, ne jemi në rrugën tonë të BE-së, dhe problemi më i madh për Serbinë është marrëdhënia jonë me Prishtinën. Është një çështje shumë e vështirë për ne. Përgjigja ime është, në rregull, disa njerëz mendojnë se ne duhet të gjejmë një mënyrë më të lehtë për të kënaqur dikë dhe të themi se ai është i mirë. Do të shohim më 2028 se kush do të ketë të drejtë, nëse unë jam pesimist apo ju optimist. Të gjithë ju këtu e dini se unë kam të drejtë, se asgjë nuk do të ndodhë deri në vitin 2030, dhe në 2030 do të kemi Ukrainën që do të jetë vendi i parë që do të hyjë. Mendoj se do të vijë deri në vitin 2030. Nuk jam negativ, jam realist. Pas kësaj, mendoj se do ta bëjnë Serbia, Shqipëria, Mali i Zi, Maqedonia e Veriut. Por pas hyrjes së Ukrainës në BE”, deklaroi Vuçiqi. /Klankosova.tv

Ambasada amerikane: ShBA mbetet e përkushtuar ndaj një Kosove sovrane, multietnike e demokratike

Ambasada amerikane në Kosovë, ka dalë me një njoftim, ku shprehë mirënjohje për presidenten Vjosa Osmani, e cila sipas ambasadës, pati përkushtimin për të biseduar me ndihmëssekretarin e ri të ShBA-ve rreth aksioneve të Kosovës në veri, ku u mbyllën pesë objekte të komunave ilegale.

Ambasada thotë se “vlerësojmë përkushtimin e presidentes Osmani për një koordinim të tillë, i cili është thelbësor për avancimin e trajektores evropiane dhe euroatlantike të Kosovës dhe arritjen e stabilitetit rajonal, normalizimit dhe integrimit ekonomik”.

“Në Forumin GlobSec të Pragës sot ndihmëssekretari i ri i ShBA-ve Alexander Kasanof dhe presidentja Vjosa Osmani diskutuan për një sërë çështjesh kyçe, duke përfshirë veprimet e pakoordinuara të së premtes nga Qeveria e Kosovës dhe rëndësinë e konsultimit me bashkësinë ndërkombëtare.  E vlerësojmë përkushtimin e Presidentit Osmani për një koordinim të tillë, i cili është thelbësor për avancimin e trajektores evropiane dhe euroatlantike të Kosovës dhe arritjen e stabilitetit rajonal, normalizimit dhe integrimit ekonomik. ShBA mbetet e përkushtuar ndaj një Kosove sovrane, multietnike e demokratike”, thuhet në njoftimin e ambasadës.

Ky është moti për nesër

Nesër në Kosovë pritet të mbajë mot i vranët dhe pjesërisht me diell.

Sipas Institutit Hidrometeorologjik të Kosovës, temperaturat do të lëvizin nga 12 deri në 31 gradë Celsius.

“Të dielën parashihet të mbajë mot i vranët dhe pjesërisht me diell. Temperaturat minimale do të lëvizin ndërmjet 12-14 gradë Celsius, ndërsa maksimalet e ditës parashihen të lëvizin ndërmjet 27-31 gradë Celsius. Do të fryjë erë nga veriperëndimi me shpejtësi 1-3m/s”, thuhet në njoftimin e IHMK-së.

Kastrati: Kurti ua “rriti” qytetarëve pagën 6 euro e 80 cent, Gani Jakupit i jep 7 mijë e 500 euro

Deputeti i PDK-së, Ardian Kastrati e ka akuzuar kryeministrin Albin Kurti për keqmenaxhim të taksave të qytetarëve të Kosovës.

Ai tha se qytetarëve u është rritur paga vetëm 6 euro e 80 cent, kurse Gani Jakupit i ka dhënë pagë 7 mijë e 500 euro në muaj.

“Albin Kurti I ka rrit rrogat 6 euro e 80 cent, pra 1 mijë e njëqind qytetar kur i marrin ka 6 euro e 80 cent, është baraz me 7 mijë e 480 euro në muaj. Albin Kurti vetëm dostit Gani Jakupi, prej taksave i ka dhënë 7 mijë e 500 euro në muaj. Versioni tjetër 13 mijë e 200 qytetarë kur i marrin 6 euro e 80 cent bëjnë afërisht 90 mijë euro, Gani Jakupi i ka marrë vec vet 90 mijë euro nga Albin Kurti”, tha ai.

Abazi: Kurti po bën progress në ndarjen e Kosovës

Deputeti Haki Abazi ka komentuar veprimet e fundit të Qeverisë së Kosovës në veri, duke thënë se kryeministri Albin Kurti është duke progresuar në ndarjen e Kosovës.

Sipas tij, Kurti po krijon një realitet të ri, atij të kalimit nga bashkëpartneriteti dhe përkrahja e NATOs për Kosovën dhe popullin e saj, në një përplasje me NATOn dhe interesat e botës demokratike.

“Kurti nuk ka mandat për të krijuar një situatë dhe raport të tillë. Të gjithë qytetarët Shqiptarë janë për Kosovën në NATO dhe në BE. Veprime të koordinuara dhe veprime me vlerë e argumentime në tavolinë me partnerët ndërkombëtar. Përplasja e Kosovës më NATO është agjendë e Serbisë dhe Rusisë!

Fushatë elektorale me fatin e Kosovës nuk bëhet!”, shkroi Abazi në Facebook.

Postimi i plotë:

Kurti është duke progresuar në ndarjen e Kosovës dhe krijimin e një realiteti të ri, atij të kalimit nga bashkëpartneriteti dhe përkrahja e NATOs për Kosovën dhe popullin e saj, në një përplasje me NATOn dhe interesat e botës demokratike.

Kurti nuk ka mandat për të krijuar një situatë dhe raport të tillë. Të gjithë qytetarët Shqiptarë janë për Kosovën në NATO dhe në BE. Veprime të koordinuara dhe veprime me vlerë e argumentime në tavolinë me partnerët ndërkombëtar. Përplasja e Kosovës më NATO është agjendë e Serbisë dhe Rusisë!

Fushatë elektorale me fatin e Kosovës nuk bëhet!

LAJMI I FUNDIT: Vdes një ushtar ukrainas në Kosovë

Një ushtar ukrainas është dërguar pa shenja jete në emergjencën e Prizrenit.

Këtë për Indeksonline e ka konfirmuar zëdhënësi i policisë për rajonin e Prizrenit, Shaqir Bytyqi. ku njoftoi se ushtari ukrainas i lindur në vitin 1992, u soll nga FSK-ja në Spitalin e Prizrenit.

“Me datë 31.08.2024, rreth orës 11:35 emergjenca e spitalit të Prizrenit ka informuar policinë se FSK-ja ka dërguar një ushtar Ukrainas  i lindur me 1992, pasi qe i njëjti ka pësuar arrest kardiak dhe sipas mjekut kujdestar ne emergjencë është pranuar pa shenja jeta.

Patrulla policore ka arrit në  emergjence se bashku me hetimet.

Ështe njoftuar prokurori i shtetit dhe rasti inicohet si rast “Hetim i Vdekjes”.

Hetues kujdestar nga SRH-Prizren gjithashtu kanë qenë në Spitalin Rajonale në Prizren. Me urdhër të Prokurorit kujdestar trupi i pa jete i të ndjerit është dërguar për autopsi në  Institutin e Mjekësisë Ligjore në Prishtinë. Hetuesit  në kordinim me zyrtarin përgjegjes të FSK-se  kanë ndermar të gjitha masat adekuate për njoftimin e institucioneve përgjegjëse  lidhur me ushtarin e ndjerë.

Rasti vazhdon te hetohet nga Sektori Rajonal I Hetimeve në Prizren”, ka thënë Bytyqi për Indeksonline.

Ky është 45 vjeçari që i vuri flakën ish-gruas së tij në Korçë

Një ngjarje e rënda ka ndodhur pak më parë në qytetin e Korçës, ku një person ka lyer me benzinë dhe më pas i ka vënë flakën gruas së tij me të cilën ishte në proces divorci.

Bëhet fjalë për Bledar Trëndafili dhe Melisa Trëndafili.

 

Burime nga grupi hetimor bëjnë me dije se autori ka qenë në këmbë në momentin që ka djegur ish bashkëshorten, ndërsa është larguar me vrap pasi i ka vënë flakën. Motivi i kësaj ngjarje të rëndë sipas policisë dyshohet të jetë xhelozia nga ana e autorit edhe pse ccifti ishte në proces divorci. Mësohet se 31 vjeccarja nuk ka pasur urdhër mbrojtje. Pritet që dëshmitë e familjarëve dhe të afërmve, të zbardhin më tej nëse ka patur kërcënime apo përndjekje të tjera nga ish bashkëshorti.

 

Krasniqi: Gënjeshtra se Kurti e ka “çliruar veriun” është propagandë kancerogjene

Milazim Krasniqi, profesor universitar, ka komentuar interpretimet se kryeministri Albin Kurti e ka çliruar veriun e Kosovës.

Këtë intereptim, Krasniqi e ka cilësuar si gënjeshtër dhe “metastazë e propagandës kancerogjene”.

Tutje, Krasniqi ka theksuar se sigurinë në veri e mirëmban edhe sot KFOR-it.

“Gënjeshtra e tipit se Kurti e ka “çliruar veriun” është metastazë e propagandës kancerogjene. Prej kujt e paska çliruar veriun, kur sigurinë e mirëmban edhe sot KFOR-i? Hiqeni KFOR-in nga veriu dhe e shihni brenda një dite se sa është çliruar veriu e edhe Kosova! Tentimi për ta keqpërdorë KFOR-in për lojërat e Kurtit, ka qenë evident. Kosova po e paguan atë faturë me izolim, me defaktorizim, me injorim, me kërcënim”, tha ai ndër tjerash.