Intervistimi i Faton Pecit – Prokuroria Speciale jep detaje

Prokuroria Speciale ka dhënë detaje lidhur me intervistimin e Ish-ministrit të Bujqësisë, Pylltarisë dhe Zhvillimit Rural, Faton Peci, gjatë ditës së sotme nga Prokuroria Speciale e Kosovës, raporton Insajderi.

Në përgjigjen e tyre për Insajderin thuhet se Peci është intrevistuar në cilësinë e të pandehurit në rastin e granteve.

“Ju njoftojmë se z. Faton Peci është intervistuar në cilësinë e të pandehurit në rastin e granteve,i cili është në trajtim nga Prokuroria Speciale e Republikës së Kosovës”, thuhet në përgjigjen e Prokurorisë.

Sipas informacioneve të siguruara, ky intervistim nuk ka të bëjë me procese administrative, por Peci po dëshmon në cilësinë e të dyshuarit. Burimet bëjnë me dije se hetimet ndaj ish-ministrit janë përqendruar te mënyra e ndarjes së fondeve dhe subvencioneve në sektorin e bujqësisë gjatë mandatit të tij.

Dyshimet e organit të akuzës lidhen me parregullsi të mundshme në shpërndarjen e këtyre mjeteve financiare, të cilat kapin vlera të larta të buxhetit të shtetit.

Siç mëson Insajderi, Peci është duke u hetuar nga Prokurori Admir Shala.

Prokuroria intesifikon hetimet për “Grantet”, intervistohet edhe deputetja e VV-së

Faton Peci sot është intervistuar si i dyshuar për mënyrën e ndarjes së fondeve – subvencioneve në Bujqësi.

Para tij, dje është intervistuar edhe deputetja e VV-së, Fitore Pacolli, dhe ajo është intervistuar si e dyshuar.

Gazeta Insajderi ka tentuar të kontaktojë me Fitore Pacollin, por e njëjta nuk i është përgjigjur thirrjes së redaksisë.

Në këtë rast, Faton Pecin është duke e hetuar Prokurori Admir Shala. Insajderi.org

Ky është rasti për të cilin Peci po intervistohet nga Prokuroria Speciale, si i dyshuar

Ish-ministri i Bujqësisë, Pylltarisë dhe Zhvillimit Rural, Faton Peci, po intervistohet gjatë ditës së sotme nga Prokuroria Speciale e Kosovës, raporton Insajderi.

Sipas informacioneve të siguruara, ky intervistim nuk ka të bëjë me procese administrative, por Peci po dëshmon në cilësinë e të dyshuarit. Burimet bëjnë me dije se hetimet ndaj ish-ministrit janë përqendruar te mënyra e ndarjes së fondeve dhe subvencioneve në sektorin e bujqësisë gjatë mandatit të tij.

Dyshimet e organit të akuzës lidhen me parregullsi të mundshme në shpërndarjen e këtyre mjeteve financiare, të cilat kapin vlera të larta të buxhetit të shtetit.

Siç mëson Insajderi, Peci është duke u hetuar nga Prokurori Admir Shala.

Insajderi ka kontaktuar Prokurorinë Speciale për rastin, por të njëjtit deri tani nuk janë përgjigjur.

E konfirmuar: Edhe ky ministër i qeverisë Kurti u intervistua sot në Prokurorinë Speciale

Ministri në detyrë i Shëndetësisë, Arben Vitia është intervistuar nga Prokuroria Speciale.

Intevistimin e ka konfirmuar vetë Vitia para mediave, duke mos dhënë më shumë detaje.

“Shumë shpejtë besoj që do të sqarohet dhe nga Prokuroria Speciale dhe nga unë”, tha ai.

Siç u raportua në Prokurorinë Speciale është duke u intervistuar edhe kryetari i Mitrovicës, Faton Peci.

Skandali seksual në Malin e Zi, flet zyrtarja pas postimit të videove me këshilltarin e presidentit: Më tha se s’kisha ku të fshihesha

Një skandal politik i madh ka shpërthyer në Malin e Zi, pas rrjedhjes së një videoje seksuale që përfshin një zyrtare të lartë dhe një këshilltar të martuar të Presidentit të Malit të Zi.

Mirjana Pajković, drejtoreshë për Promovimin dhe Mbrojtjen e të Drejtave të Njeriut, dhe Dejan Vukšić, ish-drejtor i Agjencisë Kombëtare të Sigurisë, janë detyruar të japin dorëheqjen pas shpërndarjes së materialit në rrjetet sociale, duke shkaktuar një stuhi zemërimi në qeveri.

Pajković dhe Vukšić dhanë dorëheqjet brenda disa javësh nga njëri-tjetri, pas shpërndarjes së materialeve të papërshtatshme që supozohet të tregojnë Pajković duke kryer akt seksual me Vukšić, i cili është i martuar.

Në një deklaratë të saj, Pajković inkurajoi “çdo grua” të kundërshtojë idenë që ato duhet të heshtin për situata të tilla dhe akuzoi Vukšić për shantazh me videon, të cilën ajo tha se nuk e dinte deri në shpërndarjen e saj.

“Kur u ekspozova ndaj dhunës ekstreme që postova në rrjetet sociale, ku personi i parë pranë presidentit të vendit, ish-përfaqësuesi i lartë i Agjencisë së Sigurisë Kombëtare, me insistim dhe gjatë gjithë bisedës më tha që nuk do të kisha asnjë vend ku të fshihesha dhe asnjë vend ku të jetoja në Malin e Zi”, tha Pajković.

Ajo shtoi se largimi i saj ishte për arsye personale, por e akuzoi Vukšić për kërcënimin me videon, duke e detyruar atë të mbante gojën mbyllur. Sipas Pajković, Vukšić e kërcënoi me dëmshpërblim nëse ajo nuk pranon kërkesat e tij.

“Për shembull, kur dikush po ju shantazhon… Kur dikush më i fuqishëm kërkon një favor apo sjellje që nuk dëshironi, dhe nëse refuzoni, do të dorëzoheni tek dikush që është mishërimi i pushtetit më të lartë të shtetit,” tha ajo.

Të dy palët kanë mohuar akuzat dhe kanë paraqitur ankesa penale. Pajković ka bërë një ankesë për shpërndarjen e paautorizuar të materialeve të papërshtatshme, duke përfshirë një foto të saj. Ajo gjithashtu ka pretenduar se ka marrë kërcënime nga një linjë fikse brenda zyrës së presidentit.

Në një mesazh të regjistruar, një zë thuhet të ketë paralajmëruar që “i gjithë Mali i Zi do ta shohë” materialin që komprometon Pajković.

Pas shpërndarjes së materialeve, Vukšić dha dorëheqjen në fund të dhjetorit, gjithashtu duke përmendur arsye personale. Ai mohoi çdo përgjegjësi për shkeljen e privatësisë së Pajković dhe shpërndarjen e videove të diskutueshme, duke theksuar se ai e pa materialin për herë të parë vetëm kur ai filloi të qarkullonte në mënyrë të paligjshme në rrjetet sociale.

Vukšić gjithashtu e akuzoi Pajković për vjedhjen e telefonit që supozohet të kishte regjistruar kërcënimet e tij dhe për përpjekje për të shantazhuar atë që të tërhiqte kandidaturën e tij për postin e gjyqtarit në Gjykatën Kushtetuese.

Ndërkohë që ende mbetet e paqartë kush e publikoi videon seksuale, shpërndarja e pornografisë hakmarrëse është një krim i rëndë në Malin e Zi. Ata që dëshmohen fajtorë mund të përballen me dënime deri në pesë vjet burg.

Arrestohet 55-vjeçari në Dubravë të Istogut, dyshohet për dhunim të një të miture – u gjetën brenda një vile

Një rast i rëndë që dyshohet për dhunim të një të miture është raportuar pasditen e djeshme në zonën e Dubravës së Istogut, ku policia ka arrestuar një person të moshës madhore, pas ndërhyrjes së menjëhershme në terren.

Ngjarja është raportuar më 29 janar 2026, rreth orës 13:50, kur njësiti reagues ka pranuar informacion nga një qytetar se një burrë kishte marrë me veturë një vajzë të mitur, rreth 13 vjeç, dhe ishte nisur në drejtim të vilave në Dubravë.

Njësitë policore janë nisur menjëherë drejt lokacionit të sinjalizuar dhe, pas verifikimeve në terren, kanë arritur të lokalizojnë një nga vilat ku është gjetur i dyshuari bashkë me të miturën E.V. 13 vjeçare.

Në vendngjarje kanë dalë njësitë relevante hetimore, si dhe prokurorja kujdestare për të mitur. Viktima është intervistuar në prezencë të përfaqësueses së QPS-së dhe prokurores së rastit, ndërsa i dyshuari, T. P., është intervistuar në praninë e avokatit.

Me urdhër të prokurores kujdestare, rasti është iniciuar si “Dhunim”, ndërsa i dyshuari është ndaluar për 48 orë. Hetimet janë në zhvillim dhe priten veprime të tjera procedurale në vijim.

Fatmir Limaj kërkon dorëheqjen e Vjosa Osmanit: Shkeli Kushtetutën

Kryetari i Nismës Socialdemokrate, Fatmir Limaj, ka reaguar ashpër ndaj aktgjykimit të Gjykatës Kushtetuese që konstatoi se zgjedhja e Nenad Rashiqit si nënkryetar i Kuvendit të Kosovës nga legjislatura e nëntë ishte në kundërshtim me Kushtetutën dhe Rregulloren e Punës së Kuvendit.

Limaj vlerësoi se përgjegjësia për këtë situatë bie mbi presidenten Vjosa Osmani, për të cilën tha se ka vepruar jashtë kornizës kushtetuese.

Sipas tij, pranimi i konstituimit të Kuvendit në një formë që tashmë është shpallur jokushtetuese, si dhe dhënia e mandatit një personi që, sipas Limajt, nuk kishte legjitimitet zgjedhor, kanë krijuar pasiguri serioze juridike në vend.

Limaj theksoi se në rrethana të tilla duhet të ketë përgjegjësi institucionale, duke nënvizuar se kjo, sipas tij, nënkupton edhe dorëheqjen e presidentes.

Ramush Haradinaj po i mbledh nënshkrimet për President

Arben Gashi nga Lidhja Demokratike e Kosovës ka bërë të ditur se ka zëra se kreu i AAK-së, Ramush Haradinaj po mbledh nënshkrimet për tu zgjedhur president i vendit.

Sipas Gashit të LDK-së, kjo parti nuk ka mundësi që të propozjë një emër për president për shkak të numrit të vogël të deputetëve.

Theksojmë se çështja e presidentit të Kosovës pritet të jetë njëra nga tema kryesore në këtë fillim të vitit.

Kjo pasi që mandati i Vjosa Osmanit pritet të mbarojë në prill të këtij viti.

Deklarata e plotë:

Mësohet nëse do të ekzekutohet paga e 13-të në fillim të shkurtit

Një nga premtimet kryesore të kryeministrit Albin Kurti gjatë fushatës zgjedhore ishte ekzekutimi i pagës së 13-të për punëtorët e sektorit publik, e cila sipas deklarimeve duhej të realizohej në fillim të vitit.

Megjithatë, procesi i rinumërimit të votave ka sjellë vonesa në certifikimin e rezultateve zgjedhore dhe rrjedhimisht edhe në formimin e institucioneve të reja.

Për shkak të kësaj situate, krijimi i Qeverisë së re nuk pritet të ndodhë as gjatë ditëve në vijim.

Burime të afërta me zhvillimet institucionale bëjnë të ditur se, përderisa institucionet ende nuk janë funksionalizuar plotësisht, në fillim të muajit shkurt nuk pritet të ketë ekzekutim të pagës së 13-të.

Zyrtarë qeveritarë nuk kanë dhënë ende një datë konkrete për realizimin e këtij premtimi, ndërsa mbetet të shihet nëse paga e 13-të do të përfshihet në vendimet e para të Qeverisë së re pas formimit të saj.

Zv. Ministri i Kurtit me numër rekord të votave të humbura pas rinumërimit

Zëvendësministri në detyrë i Arsimit, Taulant Kelmendi e ka ftuar Prokurorinë e Shtetit që të hetojë manipulimet e dyshuara në zgjedhje në Komunën e Pejës.

Kandidati për deputet nga radhët e Lëvizjes Vetëvendosje, të cilit pas rinumërimit ka rezultuar t’i jenë shtuar 955 vota gjatë numërimit në Qendrën Komunale të Numërimit, tha të enjten se e ka vërejtur shtimin e votave të tij.

“Tash, pas rinumërimit, kur rezultati është i pastruar dhe i pakontestueshëm, ndiej obligim të sqaroj dhe mos të lë hije në fitoren tonë”, ka thënë ai.

“Me shumë shqetësim i kam përcjellur zhvillimet gjatë procesit të rinumërimit të votave në Pejë, ku është vërejtur se edhe mua më janë shtuar vota në disa kuti gjatë numërimit. Nuk e di nga kush dhe nuk kam kërkuar nga askush. Prandaj është e papranueshme!”, është shprehur zv/ministri në detyrë.

Kelmendi ka theksuar se ndërhyrja në vullnetin e qytetarëve është veper penale edhe nëse dëshira e dikujt ka qenë për të më ndihmuar.

“Në Komunën e Pejës, votat janë numëruar të fundit dhe ishte e qartë se mbështetja ishte e mjaftueshme për ta fituar mandatin”, ka deklaruar Kelmendi.