Edi Rama përfundon takimin me Thaçin: E kam gjetur komandantin në formë si çdo i pafajshëm me karakter të hekurt

Kryeministri i Shqipërisë, Edi Rama, ka përfunduar vizitën te Hashim Thaçi.

Rama ka shkruar në rrjete sociale se Thaçin e gjeti krenar e në formë.

“Sapo kam dalë nga godina ku luhet teatri i turpit të drejtësisë ndërkombëtare me Hashim Thaçin, i cili u rrëmbye pa gjyq e as akuzë nga zyra e Presidentit të Republikës, ku e kishte çuar populli i Kosovës, e me Luftën Çlirimtare të Kosovës, të cilën nuk e përdhos dot një farsë e nisur për trafik organesh nga kukullat ruse të Dumës së Putinit në Strasburg dhe e vazhduar me lloj-lloj absurditetesh e dëshmitarësh groteskë të akuzës ndërkombëtare në Hagë E kam gjetur komandantin në formë, të qetë e të buzëqeshur si çdo i pafajshëm me karakter të hekurt, edhe pse me ndalime absurde të drejtash minimale që i ishin hequr krahasimisht me herën e kaluar – një turp më vete me një fjalë! Kemi folur për familjet, për miqtë e përbashkët, për Shqipërinë e për Kosovën, për “Skënderbeun” e Aurel Plasarit, që ia pata çuar më parë, për librin e fundit të Kisingerit që ia çova këtë herë, e për dy a tre libra të tjerë nga moria e leximeve të tij në këtë vend, të cilin me të qeshur Hashimi e quan “institut””, ka shkruar Rama.

“Nuk di ç’të them më për këtë padrejtësi ulëritëse në zemër të Europës demokratike, me bekimin e shteteve të Europës e SHBA-së dhe me me fondet e taksapaguesve europianë e amerikanë, ndaj një populli europian që çliroi vetveten nga një regjim nacional-socialist, po edhe Europën nga një njollë e zezë apartajdi mu në kërthizën e saj për dekada me radhë Bekuar qofshin Republika e Kosovës, Ushtria Çlirimtare e Kosovës dhe të burgosurit e saj pa gjyq, prej më shumë se pesë vjetësh tanimë, në mes të Europës së lirisë, demokracisë e shtetit ligjor”, tha Rama.

Kryeministri i Shqipërisë, Edi Rama, është nisur për në Hagë për të takuar ish-presidentin Hashim Thaçi.

Në një lidhje “live’ në rrjetet e tij sociale, ai ka vazhduar me kritikat ndaj Gjykatës Speciale.

Ai ka treguar për shkeljet e standardeve dhe të drejtave të njeriut nga kjo gjykatë.

“Jam rrugës për në Hagë ku do të takojë pas disa kohësh tani më nga takimi mëpasshëm, komandantin e UÇK, presidentin e Kosovës, i cili u mor nga zyra e tij dhe mbahet peng prej tanimë vitesh në një qeli dritësie ndërkombëtare për turpin e madh të gjithë atyre që e sponzorizuan atë lloj drejtësie, ku shkelje e të gjitha standardeve, shkeljet të drejtëve të njeriut, shkeljet e të gjitha normave të procesit të gjitha normave janë e vetmja normë që ka karakterizuar këtë farsë, ku ende pa u dënuar një president i zgjedhur demokratikisht nga populli, së bashku me tre bashkëluftëtarë mbahen mbyllur”, ka thënë ai.

Ai është shprehur optimist për mbylljen e këtij procesi.

“Tani që ka mbaruar ekspozeja e pseudo-provave të akuzës dhe që ka mbaruar parada e dëshmitarëve qesharake të sjell në sallën e drejtësie ndërkombëtare nga akuza si dhe kanë mbaruar dëshmitë tejet serioze të dëshmitrëve të mbrojtjes pritet vendimi. Uroj, shpresoj, lutem që viti i ardhshëm të jetë viti i mbylljes së paradites së këtij teatri absurd të drejtësisë ndërkombëtare dhe i daljes nga izolimi brutal i Hashim Thaçit dh tre bashkëluftëtarëve të tij. Uroj dhe shpresoj që vendet demokratike që sponzorizojnë këtë gjykatë të reflektojnë mbi standardet e ulëta, mbi nivelin shumë nën vijat e kuqe të një drejtësi demokratike të gjithë kësaj që prej vitesh po ndodh me njerëzit, të cilët të vetmin faj kanë se u rebelua ndja një regjimi satrap”, ka thënë Rama.

ZRRE-ja merr një vendim

Zyra e Rregullatorit të Energjisë (ZRrE) ka vendosur të zbatojë vendimin e Gjykatës Supreme, e cila shpalli të paligjshëm dhe shfuqizoi dy nene të Udhëzuesit për Liberalizimin e Tregut të Energjisë Elektrike.

Vendimi i Supremes vjen pas padisë së paraqitur nga Oda Ekonomike e Kosovës (OEK) kundër ZRrE-së, lidhur me detyrimin e bizneseve për të dalë në tregun e lirë të energjisë elektrike.

Me këtë vendim, u shpall i paligjshëm nenin 8 të Udhëzuesit të datës 18 janar 2017, si dhe u shfuqizua neni 2 i Udhëzuesit për Ndryshimin dhe Plotësimin e Udhëzuesit për Liberalizimin e Tregut të Energjisë, i ndryshuar më 13 qershor 2018 dhe më 30 tetor 2018, i miratuar më 28 mars 2019.

Ky është personi që u gjet i pajetë në Prishtinë, zbulohet shkaku i vdekjes

Një person është gjetur pa shenja jete në lagjen Velania në Prishtinë.

Siç mëson Insajderi, bëhet fjalë për M.S., 42-vjeçar.

I njëjti, sipas të njëjtave burime, dyshohet se ka vdekur nga mbidoza.

Insajderi ka kontaktuar Policinë e Kosovës për të marrë më shumë informacione rreth rastit, mirëpo deri në momentin e publikimit të këtij lajmi nuk ka pranuar përgjigje.

Tensione e përplasje fizike në Kuvendin e Shqipërisë

Skena kaotike mëngjesin e të enjtes në Parlamentin e Shqipërisë, pasi deputetët e opozitës u përplasën me gardistët në përpjekje për të bllokuar seancën. Fillimisht ata bllokuan disa prej ulëseve të ministrave, në përpjekje për të mos lejuar ceremoninë e betimit të Avokatit të ri të Popullit, Endrit Shabani, por ai gjithsesi u betua mes flakadanëve, duke u larguar nga salla pasi i dhuroi një puthje deputetëve opozitarë.

Kryetari i Kuvendit, Niko Peleshi, përjashtoi Klevis Balliun dhe Flamur Nokën nga seanca, por sërish nuk u arrit të vihej qetësia. Në këto kushte, socialistët vijuan me votimin e projektligjeve që ishin në rend të ditës, teksa demokratët bënin thirrje kundër qeverisë, Kryeministrit Rama dhe zëvendëses së tij, Belinda Balluku, raporton A2cNN.

“Ne duam zbatimin e ligjit. Kushtetuta dhe ligji janë feja jonë politike. Sillni këtu Lubi Ballukun. Mos u bëni avoketër të terroristit. Ergys Agasi është terrorist, ka marrë dy qytetarë peng për llogari të Edi Ramës dhe familjes së tij. Po luftojmë për ligjin këtu, po luftojmë për Kushtetutën. Ndaj dhe silleni Lubinë këtu që të dëshmoni se jeni të vendosur t’i nënshtroheni ligjit. Por jo vidh e ik. Kjo nuk mund të ndodhë më. Sillni terroristin Gys Agasi. Doni parlament, sillni të dy para ligjit. Po luftojmë për ligjin këtu.

Ne po luftojmë për ligjin këtu. Nuk ka parlament. Nuk ka vidh e ik këtu. Ne jemi të vendosur të mbrojmë ligjin dhe Kushtetutën. Sillini këtu para ligjit dhe parlamentit, t’i shohin qytetarët. Këshilltari i Palloshit të gjatë ka marrë dy persona peng. Shkoni dhe lexoni dosjen”, tha Berisha.

Zgjedhjet e 28 dhjetorit, parashikohet rënie e madhe e VV-së, do t’i humb 8 deputetë

Analisti Kastriot Jahaj ka vlerësuar në Debat Plus se trendi i rënies së Lëvizjes Vetëvendosje do të vazhdojë edhe në zgjedhjet e 28 dhjetorit.

Ai ka thënë se elektorati ka parë qeverisjen e partisë gjatë pesë viteve të fundit, dhe sidomos dështimin në krijimin e institucioneve, gjë që sipas tij do të çojë në humbjen e rreth 8 deputetëve.

“Te trendi i rënies së LVV ka me vazhdu njëjtë, elektorati e ka parë VV këto pesë vjet, dhe sidomos kur patën mundësinë me i kriju institucionet nuk i krijuan.

Prandaj trendi i rënies ka me vazhdu nuk besoj se do të ketë më shumë se 40 deputetë. Do t’i humbë edhe 8 deputetë, trendi i rënies ka me vazhdu”, ka deklaruar analisti Jahaj në Debat Plus.

Presidentja Osmani me lajme të mira nga Brukseli: U mor vendimi…

Presidentja e Kosovës Vjosa Osmani ka bërë të ditur se në fund të Samitit BE-Ballkani Perëndimor u mor vendim qëhiqen masat ndaj Kosovës. 

Ajo tha se një pjesë e masave do të hiqen sot, kurse pjesa tjetër në fund të janarit.

“Kemi lajme të shkëlqyeshme për Kosovën. Në fund të Samitit ndërmjet Bashkimit Evropian dhe Ballkanit Perëndimor, pas diskutimeve intensive me partnerët tanë u mor vendimi që të gjitha masat t’i hiqen Kosovës, ku një pjesë e madhe hiqet sot, kurse pjesa tjetër në fund të janarit.”, tha ajo në një paraqitje të drejtpërdrejt nga Brukseli, shkruan Gazeta Online Reporteri.net.

Osmani e falënderoi edhe Shqipërinë për përkrahjen

Ajo tha se Kosova do të vazhdojë të punojë me partnerët ndërkombëtar në mënyrë që vendi të ecën përpara.

Vjen premtimi i madh nga Murati: Nga viti i ardhshëm rriten sërish…

Ministri në detyrë i Financave, Hekuran Murati, ka njoftuar se nga viti i arrdhshëm nëse janë në qeveri do të rriten sërish shtesat për fëmijë, shkruan AlbanianEducation.net.

Ai ka premtuar se shtesat do të rriten në 90 euro për fëmijë.

Njoftimi i tij i plotë:

Me rritjen e pagës minimale në 500 euro, nga viti i ardhshëm me Qeverinë Kurti rriten edhe shtesat për nënat lehona në 500 euro/muaj.

Pra 6 muaj nga 500 euro, secila nënë lehonë e papunë do të marrë 3,000 euro nga shteti.

Shto këtu edhe shtesat mujore të fëmijëve që do të rriten, 12×90 euro, që i bjen 1,080 euro.

Pra veç në vitin e parë, mbi 4 mijë euro mbështetje për nënat e reja.

Ndërsa shtesat për fëmijë vazhdojnë nga 1,080 euro në vit, deri në moshën 16 vjeçare.

Në total pra, për secilin fëmijë, shteti jep mbi 20 mijë euro që nga lindja e deri në moshën 16 vjeçare.

Kur ka pasur këso Qeverie më përpara?

Mos lësho pe

PDK hap fushatën në Prizren, Bedri Hamza prezanton shtyllat e programit të tij

Kryetari dhe kandidati për kryeministër i Partisë Demokratike të Kosovës, Bedri Hamza në hapje të fushatës zgjedhore në Prizren ka prezantuar katër shtyllat e programit të tij: zhvillimi ekonomik dhe mirëqenia, arsimi dhe shëndetësia, drejtësia, mbrojtja dhe politika e jashtme, raporton Ekonomia Online.

Duke u zotuar se qeveria e udhëhequr nga ai do të punojë për të gjithë, Hamza ka premtuar 50 për qind rritje pagash për të gjithë zyrtarët publikë,

“Ne besojmë në një zhvillim ekonomik të qëndrueshëm, që nuk e lë pas asnjë qytetar. Prandaj, do t’i rrisim pagat dhe pensionet.  Pagat për mësuesit dhe arsimtarët, për mjekët, policët, zjarrfikësit, ushtarët dhe për të gjithë ata që paguhen nga buxheti i shtetit do të rriten deri në 50%”, ka thënë ai.

Hamza ka premtuar lehtësira për bizneset, krijimin e Fondit të Papunësisë, themelimin e Gjykatës së Punës, ndërtimin e Stadiumit Olimpik Kombëtar, fond 30 milionë euro në vit për bursa studentore, ilaçe falas për të moshuarit dhe personat me sëmundje kronike, drejtësi të pavarur nga politika.

“Do ta krijojmë Gardën Kombëtare të Kosovës, si forcë operative sipas standardeve të NATO-s. Anëtarësimi në NATO dhe në Bashkimin Evropian për mua nuk ka alternativë. Do ta thellojmë partneritetin me NATO-n, do të punojmë për Partneritetin për Paqe, do ta rifillojmë Dialogun Strategjik me SHBA dhe do ta synojmë Marrëveshjen Strategjike me aleatin tonë kryesor. Po ashtu, do të punojmë për anëtarësimin në Këshillin e Evropës dhe për marrjen e statusit të kandidatit në BE”, ka thënë Hamza, duke u bërë thirrje qytetarëve ta votojnë PDK-në me numër 130 për ta çuar Kosovën së bashku përpara.

Aksion i Policisë, arrestohen disa persona

Policia e Kosovës pas një aksioni kundër degradimit të mjedisit, ka arritur të arrestojë nëntëmbëdhjetë persona dhe ka sekuestruar dyzet mjete të kryerjes së veprës penale duke përfshirë dhjetë kamionë, pesëmbëdhjetë eskavator, pesëmbëdhjetë makineri seperimi, si dhe prova të tjera materiale, ku vlera totale e sekuestrimit ishte rreth 2 milionë euro.

Megjithatë, sipas Prokurorisë, më 17.12.2025 vetëm disa muaj pas këtij aksioni, ka pasuar një tentativë tjetër për dëmtimin e mjedisit.

Lidhur me këtë rast, tre persona janë arrestuar në flagrancë, në orët e vona të natës, pasi tentuan të eksploatonin zhavorr përreth lumit “Drini i Bardhë”.

Lidhur me këtë rast është sekuestruar një kamion dhe një eskavator.

“Personat e arrestuar, gjenden në ndalim 48 orësh, për shkak të dyshimit të bazuar se kanë kryer veprat penale “Ndotja, degradimi ose shkatërrimi i mjedisit” nga neni 338, dhe “Shkaktimi i rrezikut të përgjithshëm” nga neni 356 të Kodit Penal të Republikës së Kosovës (KPRK). Prokuroria Themelore në Prizren, do të vazhdojë të jetë vigjilente dhe të marrë të gjitha masat e nevojshme për të parandaluar aktivitete të paligjshme që mund të shkaktojnë dëm të madh për mjedisin dhe shëndetin e qytetarëve. Po ashtu, Prokuroria Themelore në Prizren apelon për angazhimin e të gjithëve në mbrojtjen e mjedisit, duke theksuar rëndësinë e ruajtjes së resurseve natyrore dhe respektimit të ligjit për një të ardhme më të qëndrueshme”, thuhet në njoftimin e Prokurorisë./teve1.info/

Eskalon situata mes nxënësve në shkollë: 15 vjeçari goditet me thikë në qafë

Në orët e para të mëngjesit të sotëm, 13-vjeçari, Elton Gerdhuqi, dhe 15-vjeçari Rajan Haderi (i lënduari) janë konfliktuar në ambientet e brendshme të shkollës në oborrin e shkollës jopublike ‘Dea’.

Fillimisht sherri ka nisur me fjalë ‘pse të kalosh ti i pari dhe jo unë’. Pas kësaj 13-vjeçari ka nxjerrë thikë dhe ka qëlluar 15-vjeçarin në pjesën e qafës.

Gazetarja e Top Channel, Entjola Budo raporton se i lënduari ndodhet jashtë rrezikut për jetën. Sakaq mësohet se 13-vjeçari nuk është kapur ende nga policia.