Policia shpall në kërkim 22-vjeçaren, dyshohet për shitje të drogës

Policia e Kosovës ka shpallur në kërkim Blerina Malokun, 22-vjeçare nga fshati Samadrexhë, e cila dyshohet për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Policia, përmes një njoftimi për media, ka ndarë edhe foton e të dyshuarës.

“Me autorizim të Prokurorisë Themelore në Pejë, Departamenti për Krime të Rënda,  e dyshuara shpallet në KËRKIM  nga Policia e Kosovës, referuar autorizimit të Prokurorisë drejtuar Policisë së Kosovës, Drejtorisë për Hetimin e Trafikimit me Narkotikë në Pejë që të publikojë fotografitë e të pandehurës nën dyshimin e bazuar se e njëjta, duke vepruar si bashkëkryerës ka kryer  veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”. Personi që kërkohet është: BLERINA MALOKU e lindur me 21.02.2004, shqiptare/kosovare me vendbanim në fshatin Samadrexhë-Vushtrri”.

Zgjedhjet e 7 qershorit, Visar Ymeri parashikon këtë rezultat

Kosova po hyn në fazën fillestare të fushatës për zgjedhjet e 7 qershorit, të cilat pritet të përcaktojnë balancat e reja politike në vend.

Partitë kryesore kanë intensifikuar aktivitetet dhe përplasjet politike, ndërsa debatet janë fokusuar te sondazhet, raportet mes liderëve dhe rezultatet e mundshme zgjedhore.

Në qendër të zhvillimeve kanë qenë raportet mes Vjosa Osmani dhe Lidhjes Demokratike të Kosovës, si dhe përplasjet politike mes opozitës dhe Lëvizjes Vetëvendosje.

Lidhur me aktualitetin politik në vend, në një prononcim për “Front Online” ka folur ish-kreu i Lëvizjes Vetëvendosje, Visar Ymeri, i cili ka vlerësuar se LVV mund të marrë një rezultat më të dobët krahasuar me zgjedhjet e shkurtit 2025, ndërsa Partia Demokratike e Kosovës mund të shënojë ngritje relative, derisa LDK-ja nuk dihet ende.

Ai ka deklaruar se rezultati i zgjedhjeve të 7 qershorit mbetet i vështirë për t’u parashikuar, duke thënë se zhvillimet e fundit politike kanë ndryshuar dinamikën elektorale në vend.

Ymeri tha se afrimi i vonshëm politik mes Vjosa Osmanit dhe LDK-së ka ndikuar që kjo parti të jetë në qendër të vëmendjes publike.

“Është vështirë të thuhet. Për shkak se bashkimi është bërë tash vonë ndërkohë që dinamika e zhvillimeve është e shpejtë. Deri tash Vjosa Osmani dhe LDK kanë qenë lajmi i ditës, dhe kjo është promovim në vete. E kemi edhe një periudhë deri në zgjedhje”, tha Ymeri.

Sipas Ymerit, çdo rritje e mbështetjes për LDK-në dhe Osmanin do të reflektohet drejtpërdrejt me rënie të votave për LVV-në.

“Çfarëdo rritje e LDK-së dhe Vjosa Osmanit është rënie për LVV. Nuk mund ta them me përqindje e aq më pak më numër votash mirëpo gjykuar nga ky pozicion i tashëm unë e shoh që LVV do ta ketë një rezultat pak më të dobët se shkurti i vitit 2025”, ka deklaruar Ymeri.

Ai komentoi edhe pozicionin e PDK-së, duke thënë se kjo parti mund të shënojë rritje relative.

“PDK mund ta ketë një ngritje relative në raport me dhjetorin, duke e pasur parasysh se PDK ka qenë partia e vetme e madhe më një votë stabile të cilën nuk mund t’ia merr askush”, u shpreh Ymeri

Mblidhet Qeveria Kurti

Qeveria e Kosovës do të mbaj mbledhjen e radhës. Në njoftim është bërë e ditur se mbledhja do të mbahet në ora 15:00.

Deri me tani nuk është publikuar rendi i ditës së kësaj mbledhje.

Tahiri i LDK-së: Krejt populli po pyet z. Konjufca, qysh ju i keni lyp qera Bondsteelit?

Kandidati i Lidhjes Demokratike të Kosovës për deputet, Xhafer Tahiri ka pyetur Glauk Konjufcën se si kanë kërkuar qira për kampin Bondsteel.

Në një shkrim në Facebook, ai ka thënë se këtë pyetje po e bën i gjithë populli.

“Krejt populli po pyet Z. Konjufca, qysh Ju i keni lyp qera Bondsteelit?

Qysh?”, ka shkruar ai.

E rëndë: Vdes foshnja 1 muajshe

Një foshnjë 1 muajshe është dërguar pa shenja jete nga familjarët në Qendrën e Mjekësisë Familjare në Malishevë.

Vdekjen e foshnjës e ka konstatuar ekipi mjekësor, ndërsa me vendim të prokurorit është iniciuar rasti për hetime.

“Në QMF Malishevë është dërguar nga familjarët pa shenja jete një foshnjë 1 muajsh. Vdekjen e ka konstatuar ekipi mjekësor. Me vendim të prokurorit është iniciuar rasti dhe trupi i pajetë është dërguar në IML për obduksion. Rasti në hetime”, thuhet në raportin e policisë.

Osmani qytetarëve në Dardani: Kurti me orë të tëra me Vuçiqin dhe Lajçakun në një dhomë, kurrë s’ka treguar çfarë ka folë

Gjatë një tubimi me qytetarët në lagjen Dardania në Prishtinë, ish presidentja Vjosa Osmani ka kritikuar kryeministrin Albin Kurti lidhur me takimet e tij, duke ngritur pikëpyetje për mungesën e transparencës ndaj qytetarëve dhe opozitës.

Osmani deklaroi se Kurti ka qëndruar për orë të tëra në takime të mbyllura me Aleksandar Vuçiq dhe Miroslav Lajcak, ndërsa sipas saj, askush nuk është informuar për përmbajtjen e bisedimeve.

“Pyetja është: çfarë ka folur ai me Vuçiçin dhe Lajçakun brenda një dhome? Çfarë është diskutuar aty, askush nuk e di. Nuk kanë treguar kurrë se për çfarë kanë biseduar. A ju kanë treguar juve ndonjëherë si opozitë? Kurrë…”, tha Osmani gjatë tubimit në Prishtinë, transmeton Infokus.

Rrahmani: Çdo votë për LVV është votë për lejimin e martesave burrë me burrë

Ish-deputeti i Kuvendit të Kosovës nga radhët e Partisë Demokratike të Kosovës, Eman Rrahmani ka thënë që çdo votë për LVV-në është votë për lejimin e martesave të gjinisë së njëjtë.

Rrahmani që në legjislaturën e kaluar ngriti shqetësimet e tij lidhur me çështjet e martesave të gjinisë së njëjtë dhe ndërrimit të gjinisë, përmes Facebook i tha elektoratit që vota për Lëvizjen Vetëvendosje do jetë përkrahje për këtë çështje.

“Çdo votë për Lëvizjen Vetëvendosje është votë për lejimin e martesave burrë me burrë, është votë për lejimin e ndërrimit të gjinisë. Çdo votë për secilin kandidat të Lëvizjes Vetëvendosje është votë për lejimin e martesave burrë me burrë është votë për lejimin e ndërrimit të gjinisë”, ka shkruar Rrahmani në Facebook.

“Mos vërgllat palidhje”, “Ik more budallë”: Kapen analistat në Klan Kosova, Labinot Balaj lëshon studion

Një përplasje e ashpër ka ndodhur në emisionin Kosova Today në Klan Kosova.

Analisti Azdren Shala gjatë debatit e sipër i është drejtuar Labinot Balajt me fjalët “Mos vërgllat”.

Si rezultat, analisti Labinot Balaj ka lëshuar studion.

Momenti në video:

Aktori kosovar i hyn garës për deputet, synon të sigurojë një ulëse në kuvend

Armend Baloku është risia e këtyre zgjedhjeve në listën e Vetëvendosjes.

Aktori kosovar garon për herë të parë si kandidat për deputet, shkruan IndeksOnline.

Baloku synon të sigurojë ulëse si ligjvënës në Kuvendin e Republikës së Kosovës./IndeksOnline/.

Vdes një person në QKUK, Policia jep detajet

Ka ndërruar jetë në QKUK personi i cili kishte pësuar lëndime të rënda trupore si pasojë e aksidentit mes një treni udhëtarësh dhe një makine pune në fshatin Jagodë të Klinës, më 6 maj.

Sipas Policisë së Kosovës, aksidenti kishte ndodhur më 6 maj 2026, rreth orës 12:40, në fshatin Jagodë, Klinë, ku ishin përfshirë treni i udhëtarëve dhe një makinë pune.

Si pasojë e aksidentit, një (1) person kishte pësuar lëndime të rënda trupore dhe fillimisht ishte dërguar në Spitalin Rajonal në Pejë, e më pas në QKUK në Prishtinë, për trajtim të mëtejshëm.

Policia ka bërë të ditur se më 13.05.2026, rreth orës 03:50, është konfirmuar vdekja e personit nga ekipi mjekësor në QKUK.

“Me datë 13.05.2026, rreth orës 03:50, jemi njoftuar se personi i cili ishte duke u trajtuar në QKUK-Prishtinë, ka ndërruar jetë, këtë e kanë konstatuar ekipi mjekësor”, thuhet në njoftim.

Lidhur me rastin është njoftuar Prokurori i Shtetit, ndërsa me urdhër të tij trupi i viktimës është dërguar në Institutin e Mjekësisë Ligjore (IML) për obduksion.