Edhe pse u la jashtë nga dega në Prizren, Hasani konfirmon kandidimin me PDK-në

Nait Hasani ka konfirmuar se do të jetë në listën e Partisë Demokratike të Kosovës në zgjedhjet e 7 qershorit.

Hasani tha për Insajderin se do të garojë me numrin 42.

“Po, do të jem në listë”, tha Nait Hasani për Insajderin.

Lidhur me përfshirjen e emrit të tij në listën për deputet kishte dyshime, pasi kryetari i PDK-së në Prizren, Shaqir Totaj, nuk e kishte përfshirë në listën e kandidatëve të Prizrenit.

Partia Demokratike e Kosovës ende nuk e ka publikuar listën e kandidatëve për deputetë.

Afati për dorëzimin e listave në KQZ ka përfunduar mbrëmë në orën 23:59.

Foshnja 2-javëshe dërgohet pa shenja jete në QKMF në Malishevë, policia jep detaje

Një foshnje e lindur para dy javësh është dërguar pa shenja jete në Qendrën Kryesore të Mjekësisë Familjare në Malishevë.

Rastin e ka konfirmuar zëdhënësi i Policisë për rajonin e Gjakovës, Sheremet Elezaj, i cili ka bërë të ditur se ngjarja ka ndodhur rreth orës 05:40.

“Rreth orës 05:40, një foshnje (e lindur para dy javësh), nga familjarët është dërguar në QKMF në Malishevë pa shenja jete. Njësitet policore i janë përgjigjur rastit, si dhe është njoftuar prokurori i shtetit, në konsultim me të cilin është iniciuar rast “Hetim i vdekjes””, tha ai.

Kurti e fut sërish në listë për deputet Fatos Gecin që lutej që Thaçi të dënohet me burgim të përjetshëm

Kryetari i VV-së, Albin Kurti, nuk e ka larguar nga lista ish-deputetin, Fatos Geci.

Ky i fundit në disa deklarata radhazi lutej që Hashim Thaçi të dënohej me burg të përjetshëm. Njërën nga këto deklarata, ai e kishte bërë në seancën e Kuvendit. Ai kishte bërë edhe disa deklarata seksiste në drejtim të Vlora Çitakut të PDK-së.

Ish-kryeparlamentarja e Albulena Haxhiu, e pati dënuar gjuhën përçarëse dhe seksiste të Gecit.

Por kreu i VV-së, Albin Kurti kishte thënë se ai  nuk ka përgjegjësi pasi  Geci është në Listën Guxo.

Geci do të garojë për deputet me numrin 96. /Reporteri.net/

Arrestohen dy mjekë, dyshohet se kërkuan dhe morën para nga qytetarët

Dy mjekë të dyshuar të spitalit në Vushtrri, me iniciale E.S. dhe V.R., janë arrestuar nën dyshimin se kanë kryer veprën penale “Marrje e ryshfetit”.

Kështu ka bërë të ditur Prokuroria Themelore e Mitrovicës, e cila ndër të tjera njofton se sipas dyshimeve fillestare, i dyshuari E.S. në tri raste, ndërsa i dyshuari V.R. në pesë raste, kanë kërkuar dhe pranuar para nga qytetarët për ofrimin e shërbimeve shëndetësore.

Me vendim të prokurorit, të dyshuarve u është caktuar masa e ndalimit prej 48 orësh, ndërsa brenda afatit ligjor do të paraqitet kërkesa për caktimin e masës së sigurisë për të ndaluarit

PDK në Prizren “pastron” listën nga emrat e përmendur në manipulim votash

Në listën e Partisë Demokratike të Kosovës parashihet të mos jenë përfshirë individët që në zgjedhjet e kaluar janë përmendur në procesin e komprometuar të numërimit të votave.

Kjo është konfirmuar edhe sa i përket kandidatëve të mundshëm nga Prizreni.

Kryetari i Prizrenit nga radhët e PDK-së, Shaqir Totaj njoftoi se pas konsultimeve të brendshme ai dhe kryesia e degës në Prizren kanë reflektuar me përgjegjësi politike e morale.

Kësisoj emrat të cilat u përmendën në zgjedhjet e kaluara në manipulim të votave s’do të jenë më kandidatë.

Duhet përkujtuar që në mesin e emrave të përmendur ishin edhe Nait Hasani dhe Fetah Paçaizi.

Njoftimi i plotë:

Të nderuar,

Kemi obligim që opinionin publik ta informojmë drejt.

Pas kompromitimit të procesit të numërimit të votave në zgjedhjet nacionale të Dhjetorit 2025, kryetari i PDK-së z. Bedri Hamza, në një intervistë në TV Klan Kosova, kishte kërkuar reflektim dhe përgjegjësi nga lidershipi i degës së PDK-së në Prizren dhe nga unë si kryetar i saj.

Pas konsultimeve të brendshme, unë dhe kryesia e degës në Prizren kemi reflektuar me përgjegjësi politike dhe morale.

Personat emrat e të cilëve u përmendën në atë proces nuk janë propozuar nga dega e PDK-së në Prizren për të qenë pjesë e listës së kandidatëve. Madje, disa prej tyre janë tërhequr publikisht nga gara deri në përfundimin e procesit ligjor.

Megjithatë, në listën përfundimtare të PDK-së janë përfshirë kandidatë emrat e të cilëve janë përmendur në procesin e kompromituar të numërimit të votave.

Sidoqoftë, ne do ta vazhdojmë garën me përkushtim të plotë dhe kontribut maksimal.

Në vijim, lista e kandidatëve të propozuar nga dega e PDK-së në Prizren:

1. Faruk Bojaxhiu
2. Jona Hoxhaj
3. Shkelzen Kastrati
4. Endra Luzha
5. Adelina Beqiri-Minci
6. Betim Ramadani
7. Lumnije Rakaj
8. Xhafer Hoxha
9. Lajde Kolgjeraj.

Befasi në skenën politike: Vëllai i Faton Pecit hyn në garë për deputet

Lëvizja Vetëvendosje ka publikuar listën e kandidatëve për deputet, pjesë e së cilës janë edhe kandidatët e partisë Guxo që udhëhiqet nga dy kryetarët, Donika Gërvalla e Faton Peci.

Ajo çka ka rënë në sy në listën e VV është se Faton Peci ka futur si kandidat vëllaun e tij, Valonin.

Në këtë listë Valon Peci mban numrin 72, raporton Veriu.info.

Në zgjedhjet e 28 dhjetorit nga Guxo e Mitrovicës për deputet kishin garuar Aferdita Hajrizi dhe Tafil Peci, përderisa kësaj radhe asnjëri nuk është kandidat.

Ndryshe, në zgjedhjet e 7 qershorit, Guxo është në garë kundër Vjosa Osmanit që e themeloi këtë partie, e cila nuk gjeti vend për t’u rikthyer aty pas përfundimit të mandatit të presidentes, duke vendosur të rikthehet në LDK si bartëse e listës./Veriu.info

“Lista e LVV-së plot me persona të dënuar ose të akuzuar për korrupsion“

Drejtori i Institutit të Kosovës për Drejtësi, Ehat Miftaraj tha se lista e Lëvizjes Vetëvendosje për zgjedhjet e 7 qershorit, është e mbushur me persona të dënuar ose të akuzuar për vepra penale të korrupsionit.

Miftaraj, në një shkrim në Facebook, vuri në dyshim vullnetin e Vetëvendosjes për luftimin e korrupsionit.

“Lista e kandidateve te LVV per deputete ishte e mbushur me persona qe jane te denuar per vepra penale dhe te akuzuar per vepra penale te korrupsionit dhe vepra tjera penale”, tha ai.

“Tash paramendo cfare vullneti ka kjo parti me kryer Vettingun ose me miratu Ligjin per Byrone per Konfiskimin e Pasurise se Fituar ne menyre te kunderligjshme. Me konfisku pasurine qe e kane vjedh ne gati shtate vite qe qeversin me vendin”.

Sipas Miftarajt, fushata e opozitës do të duhej të përqendrohej në luftimin e korrupsionit.

“Opozita epiqender e fushates parazgjedhore per keto zgjedhje do te duhej te kishte vettingun, ligjin per Byrone, Strategjine per Parandalimin e Korrupsionit”, tha Miftaraj. “Sa ka pas korrupsion ne vitet e fundit, vetem shikone pasurine e deputeteve, ministrave dhe keshilltareve te LVV.”

Vetëvendosje publikon listën e deputetëve

Lëvizja Vetëvendosje ka publikuar listën prej 110 kandidatëve për deputetë për zgjedhjet e 7 qershorit.

Kryeministri në detyrë, Albin Kurti do të kryesojë listën e VV-së si i nominuar për kryeministër, kurse pas tij është renditur Glauk Konjufca.

Numrin tre në listë e mbanë Donika Gërvalla, ndërsa në pozitën e katërt ndodhet Avni Dehari.

Ekskluzive | Ky është 60-vjeçari që u gjet pa shenja jete në motel

Një ngjarje e rëndë ka ndodhur të martën në motelin “Berati” në fshatin Sllatinë të Fushë Kosovës, ku një burrë është gjetur pa shenja jete në një nga hapësirat e motel-it, mëson Sinjali nga burime të afërta me hetimin.

Burimet bëjnë të ditur se viktima është C.K

Rasti është raportuar më 12 maj 2026 rreth orës 13:00, pasi Policia ka pranuar informacion se në motelin “Berati”, që ndodhet në rrugën e Pejës, një person ishte alivanosur dhe në lokacion tashmë kishte dalë edhe ekipi mjekësor.

Sipas informatave, njësia policore ka arritur menjëherë në vendngjarje, ku nga personeli mjekësor është njoftuar se 60-vjeçari kishte ndërruar jetë.

Sinjali mëson se mjekët nuk kanë vërejtur shenja dhune në trupin e viktimës, ndërsa dyshimet e para janë se vdekja mund të ketë ardhur si pasojë e arrestit kardiak.

Në vendngjarje kanë dalë njësia e hetimeve dhe forenzika, të cilat kanë kryer ekzaminimin e plotë të lokacionit dhe kanë mbledhur provat fillestare lidhur me rastin.

Po ashtu, janë intervistuar edhe dy dëshmitarët, gruaja që e shoqëronte, D.G., rreth 52-vjeçar dhe një person tjetër, të cilët kanë dhënë deklarimet e tyre lidhur me rrethanat në të cilat ishte gjetur viktima.

Lidhur me rastin është njoftuar edhe Prokurori për Krime të Rënda, i cili ka urdhëruar inicimin e rastit: “Hetim i vdekjes”.

Hetimet do të vazhdojnë deri në sqarimin e plotë të të gjitha rrethanave të kësaj vdekjeje.

Alarm në një motel në Sllatinë, i moshuari gjendet pa shenja jete

Një ngjarje e rëndë ka ndodhur të martën në motelin “Berati” në fshatin Sllatinë të Fushë Kosovës, ku një burrë është gjetur pa shenja jete në një nga hapësirat e motel-it, mëson Sinjali nga burime të afërta me hetimin.

Rasti është raportuar më 12 maj 2026 rreth orës 13:05, pasi Policia ka pranuar informacion se në motelin “Berati”, që ndodhet në rrugën e Pejës, një person ishte alivanosur dhe në lokacion tashmë kishte dalë edhe ekipi mjekësor.

Sipas informatave, njësia policore ka arritur menjëherë në vendngjarje, ku nga personeli mjekësor është njoftuar se viktima, C. K., rreth 60-vjeçar, kishte ndërruar jetë.

Burimet bëjnë të ditur se mjekët nuk kanë vërejtur shenja dhune në trupin e viktimës, ndërsa dyshimet e para janë se vdekja mund të ketë ardhur si pasojë e arrestit kardiak.

Sinjali mëson se në vendngjarje kanë dalë njësia e hetimeve dhe forenzika, të cilat kanë kryer ekzaminimin e plotë të lokacionit dhe kanë mbledhur provat fillestare lidhur me rastin.

Po ashtu, janë intervistuar edhe dy dëshmitarët, konkretisht një grua që ishte në shoqerim të tij, D. G (1974) dhe një person tjetër, të cilët kanë dhënë deklarimet e tyre lidhur me rrethanat në të cilat ishte gjetur viktima.

Siç rezulton nga zhvillimet hetimore, njësia e hetimeve ka njoftuar edhe Hetimet Rajonale për Krime të Rënda, të cilat kanë udhëzuar vazhdimin e procedurave hetimore.

Lidhur me rastin është njoftuar edhe Prokurori për Krime të Rënda, i cili ka urdhëruar inicimin e rastit:

Sinjali mëson se hetimet do të vazhdojnë deri në sqarimin e plotë të të gjitha rrethanave të kësaj vdekjeje.