MINT njofton për çmimet e reja të derivateve për sot, bie çmimi i naftës

Për dallim nga dy ditët e fundit, Ministria e Industrisë, Ndërmarrësisë dhe Tregtisë (MINT) ka bërë të ditur se çmimi i naftës do të jetë më i ulët.

Sipas ministrisë, nafta nuk mund të jetë më e shtrenjtë se 1.86 euro për litër, benzina jo më shumë se 1.44 euro për litër dhe gazi jo më shtrenjtë se 0.85 euro për litër.

Ky vendim, sipas ministrisë, është pjesë e mekanizmit rregullator për stabilizimin e tregut të karburanteve dhe mbrojtjen e konsumatorëve nga luhatjet e çmimeve.

Të premten, çmimi i naftës ishte 1.89 euro për litër, benzina 1.47 euro për litër, ndërsa gazi 0.82 euro për litër.