Milaim Zeka shpërthen ndaj Kurtit: Koha me e çliru Kosovën nga “kryehajni dhe kryemashtruesi”

Gazetari Milaim Zeka ka reaguar ashpër në Facebook, duke e sulmuar kryeministrin Albin Kurti me tone të forta politike. Ai thotë se është momenti që të gjithë, pavarësisht dallimeve, të bashkohen për ta “çliruar Kosovën nga fara e fëlliqtë e Beogradit”, siç e quan ai ndikimin politik që sipas tij ka marrë formë brenda VV-së.

Zeka shkruan se duhet lënë anash inati, primitivizmi dhe “yryshi politik”, sepse prioriteti, sipas tij, është largimi i Kurtit nga pushteti. Ai e quan Kurtin “kryehajn, kryemashtrues dhe kryeabuzues”, duke e akuzuar se ka sjellë dëm të madh për vendin.

Në postim ai ka bashkëngjitur edhe imazhe që lidhen me Albin Kurtin, Nenad Rikallon dhe zhvillime tjera politike, duke e shoqëruar reagimin me mesazhe akuzuese për lidhje dhe ndikime të hershme politike.

Fondet e komunës së Prishtinës bartën, rikthehet shfrytëzimi i autobusëve të Trafikut Urban?

Asamblisti i Lëvizjes Vetëvendosje, Gëzim Sveçla, ka thënë se Ministria e Financave përmes Thesarit ia ka transferuar Komunës së Prishtinës 28 milionë eurot nga të hyra vetanake të komunës për të cilat u të enjten u mbajt mbledhja e jashtëzakonshme të enjten.

Ai për teve1.info ka thënë se komuna që nesër mundet t’i shfrytëzojë këto mjete.

“Ministria e Financave e ka kryer punën, Thesari i ka transferuar mjetet. Nesër mundet komuna e Prishtinës t’i shfrytëzojë”, ka thënë Sveçla.

Bartja e këtyre mjeteve mund t’i hap rrugë rikthimit të qarkullimit të autobusëve të “Trafikut Urban” të cilët që një javë kanë pezulluar udhëtimin për shkak të krizës financiare.

Nga “Trafiku Urban”, ka bërë të ditur se do të vazhdojnë grevën deri në alokimin e mjeteve.

Ekskluzive: Kunati i Albulena Haxhiut pritet të jetë në listën e kandidatëve për deputet, por jo në VV

Aleanca për Ardhmërinë e Kosovës i ka intensifikuar veprimet për gjetjen e figurave të reja  për zgjedhjet e 28 dhjetorit.

IndeksOnline më herët raportoi për aderimin e ish-kryeministrit Agim Çeku në këtë subjekt.

Por, ky nuk do të jetë aderimi i vetëm. Burime të IndeksOnline bëjnë me dije se Dardan Krasniqi pritet të jetë kandidat për deputet nga partia e Ramush Haradinajt.

Krasniqi është i njohur në opinion për qëndrimet e tij dhe analizat që bën karshi zhvillimeve politike në vend. Ai ishte pjesë e luftës së lavdishme të UÇK-së si një nga ushtarët më të rinj. /IndeksOnline/

Gazetari zbulon fjalët rrëqethëse të Selvijes pas varrimit të Shpatit

Varrimi i Shpat Kasapit ka lënë pas një boshllëk të thellë, veçanërisht për ish-bashkëshorten e tij, Selvijen.

Çfarë ndodhi pas kësaj ngjarjeje tragjike? Gazetari Vlorijan Halili ka zbuluar detaje të dhimbshme nga momentet pas vdekjes së artistit

Selvija, e cila ka një djalë trevjeçar me Shpatin, është shprehur se ndjehet e shkatërruar nga humbja e partnerit të saj.

Në emisionin “Ora Shtatë”, Halili ka ndarë fjalët e saj të dhimbshme, duke theksuar se ajo nuk e priste një ngjarje të tillë tragjike.

Halili, duke folur për momentin kur i ka shprehur ngushëllime, ka thënë se i ka kërkuar Selvijes të jetë e fortë për djalin e saj.

Megjithatë, përgjigjja e saj ka qenë e trishtueshme: “Nuk e di a kam me mujt me vazhdu”.

Këto fjalë tregojnë thellësinë e dhimbjes që ajo po përjeton.

“Selvisë, kur i kam shpreh ngushëllime, dhe kur e kam përqaf, i kam thënë bëhu e fortë se e ke tash një djalë, për të cilin ti duhesh me vazhdu e me qenë nënë e tij”, ka thënë Halili.

Kjo situatë tregon se sa e rëndë është për të përballuar një humbje të tillë.

Selvija ka kaluar një periudhë të vështirë, duke u përballur me emocione të forta dhe një ndjenjë të thellë humbjeje.

Ajo ka qenë e lidhur ngushtë me Shpatin, dhe ndarja nga ai ka lënë një boshllëk të madh në jetën e saj.

Halili ka theksuar se askush nuk e priste një ndodhi të tillë, duke përmendur se ata ishin bashkë çdo ditë.

Kjo tregon se ndonjëherë jeta na sjell surpriza të papritura, që na lënë pa fjalë.

Pas varrimit, Selvija ka nevojë për mbështetje dhe forcë për të vazhduar përpara.

Ajo duhet të kujdeset për djalin e saj dhe të gjejë mënyra për të përballuar këtë dhimbje të madhe.

Çfarë do të ndodhë me të në të ardhmen?

Ky rast është një kujtesë e fortë për të gjithë ne mbi rëndësinë e mbështetjes emocionale në kohë krize.

Si do të reagoni ju në një situatë të tillë? Komentoni më poshtë dhe ndihmoni të krijojmë një hapësirë mbështetjeje për ata që përjetojnë dhimbje të ngjashme.

Zhvillime dramatike: Ish-kryeministri i Kosovës aderon në AAK

Aleanca për Ardhmërinë e Kosovës po përgatitet fuqishëm për zgjedhje.

Partia e Ramush Haradinajt do të futet në zgjedhje me dy ish-kryeministra, liderin Haradinaj dhe ish-kryeministrin Agim Çeku.

Ky i fundit do të jetë kandidat për deputet në zgjedhjet e 28 dhjetorit.

Më 2 mars të vitit 2006, pas dorëheqjes së kryeministrit Bajram Kosumi, partia Aleanca për Ardhmërinë e Kosovës e propozoi Çekun për kryeministër.

Me 65 vota për, 33 kundër dhe 5 abstenime, Kuvendi i Kosovës e zgjodhi atëbotë ushtarakun si kryeministër të vendit.

LDK në këto zgjedhje bashkëpunon me këto 2 parti

Lidhja Demokratike e Kosovës do të mbajë mbledhjen e partisë ku do të diskutohen vendimet politike para zgjedhjeve të dhjetorit.

Partia e udhëhequr nga Lumir Abdixhiku do të bashkëpunojë me dy parti në këto zgjedhje.

Bëhet fjalë për Partinë e Drejtësisë të udhëhequr nga Ferid Agani dhe AKR-në.

Ditët në vijim pritet të kemi një konferencë të përbashkët të Abdixhikut me përfaqësuesit e partive të përmendura.

Murati thotë se është rritur numri i ndërmarrjeve të reja: Ka kaluar shifrën prej 11 mijë

Ministri në detyrë i Financave, Hekuran Murati ka thënë se ka pasur një rritje të numrit të ndërmarrjeve të reja të regjistruara.

Ai ka thënë se është kaluar shifra prej 11 mijë, ndërsa thotë se deri në fund të vitit pritet të tejkalohet deri në mbi 13 mijë biznese.

“Numri i ndërmarrjeve të reja të regjistruara tashmë ka kaluar shifrën prej 11 mijë, deri në fund të muajit tetor, ende pa mbaruar viti. Sipas trendit aktual, deri në fund të vitit kjo shifër pritet të tejkalojë mbi 13 mijë biznese, që do të ishte rekord i të gjitha kohërave. Ky është tregues i shëndetit të mirë të ekonomisë, e cila po rritet vazhdimisht”, ka shkruar Murati.

Abdixhiku prezanton aderimin e radhës, është një Gjeneral Major

Lidhja Demokratike e Kosovës e ka prezantuar aderimin e radhës, Gjeneral Major Gëzim Hazrollin.

Ish komandanti Brigadës 123 të UÇK-së ishte një nga të parët që udhëhoqi transformimin e TMK-së në FSK.

“Sot, Lidhja Demokratike e Kosovës mirëpret një nga figurat më të shquara të mbrojtjes sonë kombëtare: Gjeneral Major Gëzim Hazrollin – ushtarakun që në luftë udhëhoqi me guxim, në paqe shërbeu me përkushtim, dhe në shtet ndërtoi me urtësi.
Me mbi tre dekada uniformë, Hazrolli i bashkohet LDK-së jo vetëm si profesionist i rrallë, por si simbol i disiplinës, integritetit dhe karakterit që vendi ynë sot ka nevojë t’i rikthejë në qendër të jetës publike.

Në vitet vendimtare të çlirimit, si Komandant i Brigadës 123, të UÇK-së, ai ishte ndër njerëzit që mbajtën vijën e frontit – me përgjegjësi dhe me sakrificë. I qetë në vendimmarrje, i saktë në udhëheqje, i palëkundur në detyrë. Prej atyre burrave që i kanë dhënë peshë fjalës komandant.

Pas luftës, kur vendi kishte nevojë për themele të reja, Hazrolli ishte ndër të parët që vuri gurët e parë në ngritjen e Trupave të Mbrojtjes së Kosovës; dhe ndër të parët që udhëhoqi transformimin e tyre në Forcë të Sigurisë së Kosovës, për t’i dhënë Republikës një ushtri moderne, profesionale, të besueshme për aleatët tanë.
Nga viti 2009 deri në maj 2025, në pozitat më të larta drejtuese të FSK-së dhe Ministrisë së Mbrojtjes, ai ishte pjesë e çdo procesi kyç të modernizimit: ngritja e kapaciteteve luftarake, profesionalizimi i trupës, ndërtimi i standardeve që sot e lidhin ushtrinë tonë me partnerët euroatlantikë.

I formuar në institucionet strategjike më prestigjioze; Royal College of Defence Studies në Londër, Marshall Center në Garmisch, programet ekzekutive në Monterey, California; Gjenerali Hazrolli është ndër ekspertët më të plotë që ka prodhuar sistemi ynë i sigurisë.
Për shërbimin e tij, Republika e ka nderuar me Medaljen Presidenciale Ushtarake, Medaljen për Shërbime të Shquara, Medaljen e Karrierës – dekorata që mbahen pak, meritohen shumë dhe trashëgohen me krenari.

Sot, ardhja e tij në Lidhjen Demokratike të Kosovës përçon një mesazh të qartë:

njerëzit e shtetit po kthehen në politikë; njerëzit e përgjegjësisë po bashkohen në një projekt që synon rend, stabilitet dhe orientim të palëkundur euroatlantik.

Gjeneral Hazrolli i bashkohet LDK-së për një arsye të thjeshtë dhe të madhe: sepse Kosova ka nevojë për shtet, jo spektakël; për institucione të përgatitura, jo improvizim; për drejtim të qetë, të matur dhe të sigurt – jo aventurë politike.
Mirë se vjen, Gjeneral Gëzim Hazrolli.

Në këtë shtëpi politike, do të gjesh vlerat që i mbron prej tri dekadash: nderin, disiplinën, besën dhe përkushtimin ndaj Republikës.
Udhëtimi ynë për një Kosovë më të sigurt, më të fortë dhe më evropiane sot bëhet më i fuqishëm” shkruan Abdixhiku nw njoftim.

Dorëheqja e Xhafer Tahirit, dega e LDK-së me një veprim të papritur

Dega e LDK-së në Vushtrri ka dorëzuar sot në selinë qendrore të partisë një peticion me të cilin kërkohet të mos pranohet dorëheqja e Xhafer Tahirit nga pozita e kryetarit të Degës.

Peticioni, i cili mban 203 nënshkrime, është dorëzuar nga Sekretari i Degës, nënkryetarët dhe Sekretari Organizativ. Nënshkruesit përfshijnë themelues të Degës, asambleistë të zgjedhur, anëtarë të Kryesisë, kryetarë të nëndegëve, komisionerë, vëzhgues dhe aktivistë.

Sipas përfaqësuesve të Degës, iniciativa ka për qëllim ruajtjen e unitetit dhe vazhdimin e funksionimit të plotë të strukturës së LDK-së në Vushtrri.

Trafiku Urban me njoftim: Ja kur do të filloj qarkullimi i autobusëve

Ka vazhduar edhe sot protesta e punëtorëve të “Trafikut Urban” si dhe operatorëve privatë në kryeqytet.

Kryetari i Sindikatës së “Trafikut Urban”, Ilmi Gashi ka thënë se s’ka qarkullim të autobusëve në Prishtinë pa u alokuar paratë.

Sipas tij, Komuna i detyrohet “Trafikut Urban” 2.4 milionë euro. Ai gjithashtu i kërkoi falje qytetarëve për situatën e krijuar, por që siç tha kjo zgjedhje u është imponuar.

“Protesta vazhdon dhe sot edhe tutje deri në alokimin e mjeteve borxh që detyrohet Komuna të lshyjë borxhet ndaj ‘Trafikut urban’ dhe operatorëve privatë. Deri në këto momente, vendimi që është marrë ditën e enjte për bartjen e të hyrave vetjake për vitin 2024 në vitin 2025 që arrin vlera e asaj shume 28 milionë është dërguar nga Komuna te Ministria e Financave. Po presim nga Ministria e Financave për të kthyer këtë vendim me pozitivitet për ne gjë që i alokon ato mjete që është ai vendim. Komuna i detyrohet Trafikut Urban 2.4 milionë borxh. Shpresojmë që sot ose nesër mos po reflektojnë. Në momentin që alokohen paratë ne dalim në punë, gjysmë ore na duhet kohë për tu kthyer në normalitet. Sa të realizohet bartja ne fillojmë punën. Qytetarëve u kërkojmë falje. S’është bërë kjo me dashjen tonë, na është imponuar”, tha ai.