Kur do të ndahet pagesa prej 100 euro për pensionistët dhe studentët

Kryeministri në detyrë Albin Kurti pasi ka dhënë lajmin për ndarjen e nga 100 euro për pensionistet, studentët dhe punëtoret e sektorit privat, ai ka treguar se kur do të ndahen këto mjete.

Ai ka bërë me dije se pagesat për pensionistë dhe studentët do të bëhet para festes së Bajramit.

“Meqenëse për pensionistët dhe fëmijët nuk do të ketë nevojë për aplikim, sepse i kemi listat e përfituesve tashmë, do të synojmë që pagesat e njëhershme për familjet përfituese t`i bëjmë në fillim të javës që vjen, pra para ftesës se bajramit. Ashtu që secila familje të ndjehet e barabartë me atë ditë feste, duke e ditur se dora e mirë e shtetit kujdeset për ta” tha Kurti.

Kurse, për të punësuarit e sektorit jo publik dhe studentët, nga ministri i financave jam njoftuar që nevojitet procedurë aplikimi e cila do të hapet në javën e ardhshme, ka shtuar Kurti.

Qeveria me paketë të re: Ja si përfitohen 100 euro dhe kur hapet aplikimi

Qeveria në detyrë ka marrë vendim që të ndajë nga 100 euro për pensionistët, fëmijët, për punonjësit e sektorit jopublik dhe studentët aktiv.

Kryeministri në detyrë Albin Kurti ka prezantuar pakon.

“Të gjendur përballë kësaj situatë qeveria jonë nuk mund të qëndroj duarkryq. Unë kam kërkuar nga ministri i Financave që të shfrytëzoj çdo mundësi buxhetor për të dizajnuar një pako për përballje me inflacionin ashtu siç jemi zotuar. Qytetarët e Republikës duhet ta dijnë dhe gjithmonë duhet të llogarisin se qeveria jonë dhe e tyre nuk do ti lërë kurrë vetëm pavarësisht pengesave apo bllokadave që të tjerët mund ti vendosin në rrugën tonë. Prandaj sot kam kënaqësinë të ju njoftoj për pakon me përballje me inflacionin 2.0 të cilën e kemi dizajnuar dhe do ta miratojmë sot me masat si vijon: mbështetje e njëhershme prej 100 euro për pensionistët, mbështetje e njëhershme prej 100 euro për fëmijët, 100 euro për punonjësit e sektorit jo publik, 100 euro për studentët aktiv”, ka thënë ai.

Kurti tha se nga ministri në detyrë i Financave, Hekuran Murati është njoftuar se fëmijët dhe pensionistët nuk duhet të aplikojnë për këto para, por sektori privat po.

Ai theksoi se javën e ardhshme hapet aplikimi për të mundësuar që më pas të merren këto shtesa.

Nga 1 qershori, rriten shtesat për lehona

Qeveria e Kosovës po mban mbledhjen e radhës.

Në këtë mbledhje, kryeministri i Kosovës Albin Kurti ka folur lidhur me një vendim që ka marrë për gratë lehona.

Kurti ka bërë të ditur se nga 1 qershori i këtij viti do të rriten shtesat për gratë lehona.

‘’Nga ky muaj do të rrisim shtesat për lehona. Derisa me qeverisjet e kaluara shtesat për lehona ishin zero, për herë të parë e nisëm duke paguar nga 170 euro për 6 muaj për lehonat e papuna dhe tre muaj për të punësuara. Shtesat i nisëm aq sa ishte paga minimale, kurse në maj vitin e kaluar i rritëm në 325 euro. Sivjet pagën minimale e rritëm përsëri, nga 1 korriku bëhet 500 euro. Edhe në këtë maj po i rrisim shtesat për lehona, nga 325 në 500 euro në muaj”, ka thënë Kurti.

Qeveria Kurti ndan nga 100 euro për këto kategori

Kryeministri në detyrë, Albin Kurti, ka njoftuar se Qeveria në detyrë ka ndarë fonde dhe ka miratuar një paketë të re për përballje me inflacionin, të cilën e ka quajtur “Inflacioni 2.0”, e cila parasheh mbështetje financiare nga 100 euro për disa kategori.

Kurti, në deklarimin e tij, ka folur edhe për pakon e mëhershme kundër inflacionit, duke thënë se ajo ishte dërguar në Kuvendin e Kosovës, por, sipas tij, u bllokua nga opozita.

“Pakoja për përballje me inflacionin u dërgua në Kuvendin e Kosovës, por që opozita vendosi që ta bllokojë, pasi u dashtën 2/3 e votave në Kuvend për ta kaluar këtë vendim”, ka deklaruar Kurti.

Ai shtoi se i ka kërkuar Ministrit të Financave që të shfrytëzojë çdo mundësi për masa që synojnë zbutjen e ndikimit të inflacionit.

“Por, unë kam kërkuar nga Ministri i Financave, që të shfrytëzojë çdo mundësi që të përballemi me inflacioni”, ka thënë ai.

Duke prezantuar pakon e re të miratuar në Qeveri, Kurti bëri të ditur se ajo parasheh nga 100 euro mbështetje për pensionistët, punëtorët e sektorit jo-publik, fëmijët dhe studentët aktivë.

“Sot kam kënaqësinë që të ju informoj për pakon për përballjen me inflacionin 2.0 dhe si vijon: Mbështetje 100 euro për pensionistët, mbështetje prej 100 për punëtorët e sektorit jo-publik, 100 euro mbështetje për fëmijët, 100 për studentët aktivë”, ka deklaruar Kurti.

Nuk janë dhënë detaje shtesë lidhur me kriteret e përfitimit, afatet e zbatimit dhe mënyrën e ekzekutimit të pagesave.

Mblidhet Qeveria Kurti, pritet të ndajë nga 100 euro për këto kategori

Qeveria pritet të ndajë nga 100 euro për disa kategori të qytetarëve në kuadër të masave mbështetëse sociale dhe ekonomike.

Sipas informacioneve, përfitues të kësaj mbështetjeje pritet të jenë studentët, punëtorët e sektorit privat, pensionistët, fëmijët si dhe lehonat.

Kjo mbështetje financiare po konsiderohet si një ndihmë shtesë për qytetarët përballë rritjes së çmimeve dhe kostos së jetesës.

Detaje të tjera lidhur me mënyrën e aplikimit dhe datën e ekzekutimit të pagesave pritet të bëhen publike nga institucionet përgjegjëse në ditët në vijim.

Gruda: Situata në veri është më e qetë sepse Serbia ka marrë atë që ka dashur – autonominë

Përparim Gruda, kandidat për deputet nga radhët e Partisë Demokratike të Kosovës për zgjedhjet 7 qershorit, ka folur për situatën aktuale në veri dhe veprimet e qeverisë Kurti atje.

Ai ka thënë se vendosja e masave nga BE pavarësisht heqjes së tyre ka pasur kosto të lartë.

Gruda ka thënë se situata aktuale në veri është me e qetë, por sipas tij, kjo po ndodhë se Serbia nuk është e interesuar për kriza të reja, pasi sipas tij, ka marrë atë çfarë ka dashur, autonominë në veri të Kosovës.

Ai ka thënë se kjo është bërë me marrëveshjen e Ohrit.

Gruda në emisionin “Këndi i Debatit”në Tëvë1, ka thënë se një ditë Kosovës do t’i kërkohet që kjo marrëveshje të zbatohet.

“Një ditë kur të kryhet “spektakli i veriut” që veç u krye tash, Kosovën nuk ka me ardhur me vet bashkësia ndërkombëtare as a jeni larë mirë në Ujman, as sa herë ka shkua ministri jon me bë spektakël atje, por ka me ardhur dhe me thanë e keni një marrëveshje për autonomi, zbatojeni. A e di pse është më e qetë situata?, sepse Serbia ka marrë atë që ka dashtë, autonominë, nuk ka nevojë për krizë të re, ka marrë atë që ka dashtë” ka thënë anëtari i PDK-së.

Sipas tij, Serbia ka arritur edhe një fitore tjetër në bisedime dhe ajo është se rruga e Kosovës në integrimin evropian është e lidhur me rezultatet në dialog me Serbinë, që siç ka thënë ai deri më tash nuk ka qenë një gjë e tillë.

“Për herë të parë integrimi evropian lidhet me rezultatin në procesin e dialogut. Këto janë dy rezultate që i ka arritur Serbia në letër”, ka thënë Gruda.

Nga ana tjerr, zyrtarë të Qeverisë Kurti, përfshirë edhe vetë kryeministrin thonë se në këtë pjesë të vendit ka shtrirë legjitimitetin dhe kushtetutshmërinë, që sipas tyre nuk ka ndodhur deri në ardhjen e tyre në pushtet.

E dhimbshme: Kjo është 21-vjeçarja që u gjet e vdekur në Prishtinë, këto janë dyshimet e para

Gazeta Sinjali raportoi pak më parë për një ngjarje tejet të rëndë që ka ndodhur paraditen e 21 majit në Prishtinë, ku një vajzë 21-vjeçare është gjetur pa shenja jete brenda banesës së saj.

Rasti është raportuar rreth orës 11:45 në rrugën “Evlija Çelebiu”.

Sinjali merr vesh se viktima është Blearta Berisha e cila është gjetur e pajetë në banesë.

Në vendin e ngjarjes kanë dalë njësitë relevante të Policisë së Kosovës dhe ekipi i Emergjencës, të cilët kanë konstatuar vdekjen e saj.

Sipas ekzaminimit fillestar, në trupin e viktimës nuk janë vërejtur shenja dhune, ndërsa rrethanat e sakta të vdekjes ende nuk dihen.

Megjithatë, sipas informatave fillestare që posedojnë autoritetet, 21-vjeçarja dyshohet se kishte qenë përdoruese e substancave narkotike.

Në vendin e ngjarjes kanë intervenuar edhe hetuesit rajonalë, ndërsa me urdhër të Prokurorit të Krimeve të Rënda, trupi është tërhequr nga Instituti i Mjekësisë Ligjore për obduksion.

Rasti është iniciuar si “Hetim mbi vdekjen”.

E trishtë | 21-vjeçarja gjendet pa shenja jete në banesë në Prishtinë

Një ngjarje e rëndë ka tronditur Prishtinën paraditen e 21 majit, ku një vajzë 21-vjeçare është gjetur pa shenja jete brenda banesës së saj, raporton Gazeta Sinjali.

Burime të Sinjalit bëjnë të ditur se rasti është raportuar rreth orës 11:45 në rrugën “Evlija Çelebiu”, ku viktima B.B është gjetur e pajetë në banesë.

Në vendin e ngjarjes kanë dalë njësitë relevante të Policisë dhe ekipi i Emergjencës, të cilët kanë konstatuar vdekjen e saj.

Sipas ekzaminimit fillestar, në trupin e viktimës nuk janë vërejtur shenja dhune, ndërsa rrethanat e sakta të vdekjes ende nuk dihen.

Megjithatë, sipas informatave fillestare që posedojnë autoritetet, 21-vjeçarja dyshohet se kishte qenë përdoruese e substancave narkotike.

Në vendin e ngjarjes kanë intervenuar edhe hetuesit rajonalë, ndërsa me urdhër të Prokurorit të Krimeve të Rënda trupi është tërhequr nga Instituti i Mjekësisë Ligjore për obduksion.

Rasti është iniciuar si “Hetim mbi vdekjen”.

Publikohet raporti policor për “incidentin” me eskortën e Kurtit në Skenderaj

Deklarata e kryeministrit në detyrë Albin Kurti se kryetari i Skenderajt kishte dashur ta godasë me veturë zyrtare eskortën e tij ka çuar në padi për shpifje ndaj Kurtit të mërkurën. Bëhej fjalë për 27 janarin e vitit të kaluar, kur në Polici nga Njësia Policore e Mbrojtjes së Afërt u tha se “një veturë e kishte rrezikuar eskortën e Mbrojtjes” së Kurtit.

Në raportin policor thuhet se incidenti kishte ndodhur pas një tubimi dhe se një njësi policore kishte arritur që veturën e dyshuar ta ndalojë dhe se vozitës në të kishte rezultuar të ishte kryetari i Skenderajt, Sami Lushtaku.

E, në raportin e prokurorit të 28 janarit pas analizimit të video-incizimeve shpjegohet krejt rasti.

“…vetura e dyshuar kyçet nga parkingu i pompës në rrugën rajonale Skenderaj-Drenas pasi kalon vetura e parë policore me rrotativë ndezur  që i ka prij eskortës. Sapo kalon vetura e parë, vetura e dyshuar e fillon veprimin e kyçjës në rrugë dhe në momentin kur vetura e dytë policore e eskortës e mbrojtës së afërme vjen në pozicion paralel me të, vetura e dyshuar vetëm është e kyçur në rrugë, vetura shihet se kyçet duke e mbajt cepin e skajit të rrugës nga ana e tij dhe nuk del në shiritin e eskortës, pas pak shihet se ndezën dritat frenimit dhe veturat e eskortës e tejkalojnë veturën e dyshuar dhe e mbajnë shiritin e majtë të rrugës pa pas nevojë devijimi apo frenimi. Gjerësia e rrugës të cepi i pompës së derivateve është 16.50 metra, pra është rrugë me dy shirita qarkullues”, thuhet te raporti i prokurorit.

Në raport thuhet se nuk ka elemente të ndonjë vepre penale apo kundërvajtje kundër sigurisë së trafikut publik.

“Pas analizimit të video incizimeve, raportit policor, duke e pas parasysh faktin se qarkullimi i trafikut në atë pjesë mund të zhvillohet në dy shirita qarkullues, por edhe deklaratës së z. Sami Lushtaku vijmë në përfundim se z. Sami Lushtaku me veprimet tij të kyçjës në rrugë me veturën 02Z-66-21 nuk ka kryer rrezikim të trafikut publik. Prandaj, në konsultim me prokurorin në këtë rast nuk kemi elemente të ndonjë vepre penale apo kundërvajtje kundër sigurisë së trafikut publik dhe rasti mbetet me shënim zyrtar për INFORMIM në Operativën e Stacionit Policor në Skenderaj”, thuhet në raport.

Kryetari i Skenderajt, Sami Lushtaku, ka dorëzuar padi për shpifje ndaj kryeministrit në detyrë të Kosovës, Albin Kurti, lidhur me deklaratat e bëra në emisionin “Interaktiv” të KTV-së. Kurti të hënën tha se Lushtaku me veturë zyrtare ka dashur ta godasë eskortën e tij gjatë fushatës në Skenderaj për zgjedhjet e shkurtit 2025.

Arrestohen dy zyrtarë të një banke, ia lëshuan kredinë dhe ia përdorën paratë pa dijeninë e saj

Dy zyrtarë të një banke në Kosovë janë arrestuar pasditen e së enjtes nga Policia e Kosovës nën dyshimet se kanë vepruar kundërligjshëm me kredinë e një klienti privat.

Sipas komunikatës së Policisë, njëri nga të dyshuarit (menaxher bankar) ka tejkaluar autorizimet ligjore, duke liruar mjetet në vlerë prej 24 mijë euro, ashtu që ka urdhëruar kundërligjshëm të dyshuarin e dytë (analist bankar) që të kryej transaksionin e të hollave në llogari të dy bizneseve.

Siç theksohet në komunikatën e Policisë, analisti bankar e ka ekzekutuar urdhrin verbal të menaxherit të kësaj banke duke transferuar 24 mijë euro nga llogaria e të dëmtuarës (të cilën paraprakisht e kishin ngarkuar me kredi prej 25 mijë euro pa dijeninë e saj), nga 12 mijë euro për secilin biznes.

Pas veprimeve të kundërligjshme të të dyshuarve, kredia në emër të dëmtuarës është ngarkuar me procedurë përmbarimore, e më pas është kallëzuar penalisht në Prokurori nga banka, edhe pse ky subjekt nuk ka ofruar asnjë provë që dëshmon se në emër të saj është realizuar kredia prej 25 mijë euro.

“Të dyshuarit e lartë cekur, me veprimet e tyre të dëmtuarës i kanë shkaktuar dëm duke e ngarkuar me kredi fiktive, përfshirë edhe përmbarimin pa dijeninë e saj. Të njëjtit janë intervistuar në prani të mbrojtësve, ndërsa me Aktvendim të Prokurorit u është caktuar masa e ndalimit prej 48 orësh, përderisa hetimet për rastin do të vazhdojnë në aspektin financiar, në drejtim te zbardhjes së shumës prej njëzet e pesë mijë (25.000,00) euro”, thuhet në komunikatën e Policisë.