Projekti amerikan i gazit, ja si përgjigjet Albulena Haxhiu

Ushtruesja e detyrës së presidentes, Albulena Haxhiu, deklaroi se nuk e ka parë thirrjen e bërë nga Ambasada e Shteteve të Bashkuara të Amerikës në Kosovë, e cila ka kërkuar përfshirjen e Kosovës në projektin e gazit amerikan.

Duke folur për media, Haxhiu u përgjigj shkurtimisht kur u pyet për këtë çështje, duke thënë se nuk është në dijeni të thirrjes.

“Nuk e kam parë, nuk e kam parë”, deklaroi shkurtimisht ajo.

Ambasada e SHBA-së në Kosovë e ka përsëritur thirrjen që Kosova t’i bashkohet projektit të gazit amerikan.