Si u nda nga jeta aktorja turke? Mësohet e vërteta e dëshmisë së nënës

Vdes aktorja shumë e njohur turke, dje i mbushi 35-vjet

Aktorja turke Ece İrtem, e njohur për rolin e saj si “Isil” në serialin “One Love”, ka vdekur në moshën 35-vjeçare. Ajo u gjet e pajetë në banesën e saj mëngjesin e sotëm, 15 qershor, vetëm një ditë pas ditëlindjes së saj. Sipas raportimeve fillestare, shkak i vdekjes dyshohet të ketë qenë një atak në zemër.

E lindur më 14 qershor 1991 në Sivas, Ece İrtem ndoqi studimet e larta në Universitetin Yaşar, ku u diplomua në vitin 2014 në degën e Operës dhe Performancës Vokale, duke u renditur e treta në klasën e saj.

Gjatë viteve të studimeve, ajo punoi dhe u formua profesionalisht pranë emrave të njohur të muzikës klasike, mes tyre sopranoja Aytül Büyüksaraç, drejtori i Operës dhe Baletit Shtetëror të Izmirit, tenori Levent Gündüz, Paolo Susanni, Esra Mamak dhe mezo-sopranoja Anna Chubuchenko.

Që në fëmijëri, İrtem ishte e lidhur me sportin. Paralelisht, ajo shfaqi herët pasionin për aktrimin, duke shkruar dhe interpretuar skenare të vogla në shfaqjet shkollore.

Pas transferimit në Stamboll, ajo vijoi formimin e saj në aktrim në Qendrën Kulturore Sadri Alışık gjatë viteve 2014-2015, ku mori mësime nga emra të njohur si Kayhan Yıldızoğlu, Okday Korunan, Kadim Yaşar dhe Tolga Çiftçi.

Ece İrtem u bë e njohur për publikun e gjerë sidomos për rolin e saj si “Isil” në serialin turk “One Love”, një dramë televizive me shikueshmëri të lartë, e cila i dha asaj një popullaritet të konsiderueshëm edhe jashtë Turqisë, përfshirë edhe publikun shqiptar që ndjek produksionet turke.

20% e votave të numëruara për deputetë, kush po prin mes Edona Llalloshit të VV-së dhe Adelina Thaçit të LDK-së

Komisioni Qendror i Zgjedhjeve ka procesuar rezultatet nga 19,54% e votave të numëruara të kandidatëve për deputetë.

Të dhënat janë nga 488 vendvotime prej 2,498 sa janë në total.

Kandidatja për deputete nga radhët e VV-së, Edona Llalloshi deri tani ka marrë 3 mijë e 698 vota.

Në këto zgjedhje, garoi sërish për deputete nga radhët e LDK-së, edhe artistja Adelina Thaçi-Meta.

Deri tani kur janë numëruar 19.54% e votave, ajo ka marrë 2 mijë e 211 Vota.

Brikena dhe Mateo ‘bashkë’ pas ndarjes

U bë nënë për herë të parë, zbulohet emri i vajzës së Teuta Rugovës

Familja e presidentit historik të Kosovës, Ibrahim Rugova, ka ndarë një lajm mjaft të bukur ditën e djeshme.

Vajza e tij, ish-deputetja e njohur Teuta Rugova, dhe bashkëshorti i saj, Agron Gjeloshi, janë bërë prindër për herë të parë.

Çifti ka mirëpritur në jetë fëmijën e tyre të parë, një vajzë, duke sjellë një lumturi të madhe në familje.

Lajmin e ëmbël e ka bërë të ditur kunata e Teutës, Blerta Kllokoqi Rugova, përmes një postimi emocionues në llogarinë e saj në Instagram.

Në videon e ndarë me ndjekësit, shihet Ukë Rugova, i cili uron prindërit e rinj për ardhjen në jetë të mbesës.

Nga ky urim është zbuluar edhe emri i veçantë që dyshja ka zgjedhur për të voglën e tyre.

“Urime Teutë, Agron për Arianën, për bukuroshen,” dëgjohet të thotë Uka në video, duke zbuluar kështu se vogëlushja e sapolindur mban emrin Ariana.

U aksidentua mbrëmë – kjo është gjendja shëndetësore e Sinan Vllasaliut

Këngëtari kosovar, Sinan Vllasaliu, ka pësuar një aksident në trafik.

Vajza e tij, Edona, ka bërë të ditur për gjendjen e tij shëndetësore dhe ka treguar se ai për shkak të aksidentit s’ka mundur të përformojë në dasmën e Dua Lipas.

“Babi im, i cili me shumë dashuri për muzikën ishte i ftuar të këndonte edhe në dasmën e Dua Lipa, fatkeqësisht nuk mundi të ishte prezent për shkak të këtij aksidenti. Megjithatë, sot mbi të gjitha jemi mirënjohës që ai është në duar të sigurta dhe po rikuperohet”, ka shkruar ajo.

Vajza e Ibrahim Rugovës bëhet nënë për herë të parë

Teuta Rugova ka përjetuar një nga momentet më të bukura të jetës së saj, duke u bërë nënë për herë të parë.

Lajmi është bërë i ditur nga kunata e saj, Blerta Kllokoqi Rugova, e cila përmes një postimi ka treguar se ka marrë epitetin “grua e dajës”.

Kujtojmë se vetëm pak muaj më parë Teuta Rugova kurorëzoi dashurinë e saj me një ceremoni madhështore martesore që mori vëmendjen e publikut.

Familja Rugova vazhdon të gëzojë respekt të madh në mbarë trojet shqiptare, ndërsa ardhja në jetë e anëtarit më të ri të familjes është pritur me shumë gëzim nga të afërmit dhe miqtë e tyre.

Këngëtari i njohur shqiptar do të performojë në dasmën e Dua Lipës, zbulohet emri

Superylli ndërkombëtar Dua Lipa i ka dhënë fund beqarisë në fshehtësi të plotë, sipas raportimeve të mediave.

Më 31 maj, ajo ka kurorëzuar dashurinë me partnerin e saj, aktorin Callum Turner, në një ceremoni private në Londër. Megjithatë, mediat raportojnë se kjo ka qenë vetëm ceremonia e parë, ndërsa festa kryesore e dasmës pritet të zhvillohet më vonë.

Sipas mediave italiane, një festë madhështore dasme pritet të organizohet në Sicili, në ambientet luksoze të Villa Valguarnera, ku pritet të marrin pjesë emra të njohur të industrisë së muzikës dhe filmit.

Raportimet e deritanishme flasin për një listë të ftuarish dhe performuesish që mund të përfshijë figura si Elton John, Charli XCX dhe personalitete të njohura të botës së modës, ndonëse detajet zyrtare mbeten të pakonfirmuara.

Pavarësisht diskrecionit rreth organizimit, burime për media rozë kanë bërë të ditur se në këtë event triditor pritet të ketë edhe përfaqësim të muzikës shqiptare.

Burime për Prive By Liberta Spahiu, bëjnë të ditur në dasmën e Duas pritet të performojë edhe këngëtari Sinan Vllasaliu, duke sjellë një atmosferë me motive shqiptare në një nga eventet më të përfolura të vitit.

Eronita ndan foton e parë të djalit të porsalindur

Këngëtari i njohur Blero dhe bashkëshortja e tij Eronita, janë bërë prindër për herë të parë së bashku.

Vetëm një ditë pasi ‘Prive By Liberta Spahiu’, raportoi përmes rubrikës ‘E vërtetë, e pavërtetë’, se çifti kanë mirëpritur në jetë djalin e tyre, Eronita ka ndarë imazhin e parë të djalit të tyre të porsalindur.

Përmes një postimi në llogarinë e saj në Instagram, ajo ka publikuar foton e parë të foshnjës së porsalindur.

Foto shoqërohet me mbishkrimin emocionues: “Ti je dhurata më e madhe e Zotit për ne”.

Sa i përket emrit të foshnjës, dyshja kanë vendosur ta lënë atë ende enigmatik për publikun, duke e mbajtur këtë detaj të veçantë vetëm për vete. /Prive By Liberta Spahiu

E papritur: Stresi i hyn politikës, merr këtë post të rëndësishëm në këtë parti

Reperi i njohur shqiptar Arkimed Lushaj, i njohur për publikun me emrin artistik Stresi, ka arritur të sigurojë një vend në Këshillin Kombëtar të Partisë Demokratike pas votimeve të mbajtura në Kuvendin Kombëtar të kësaj force politike më 30 maj 2026, shkruan IndeksOnline.

Mes emrave që kanë siguruar mbështetjen e delegatëve figuron edhe Arkimed Lushaj (Stresi), i cili prej kohësh ka shprehur publikisht afërsinë dhe mbështetjen e tij për Partinë Demokratike.