Mbahet mbledhja e Qeverisë, këto janë vendimet

Qeveria e Kosovës ka zhvilluar sot një mbledhje elektronike, në të cilën ka shqyrtuar dhe miratuar disa projektligje dhe vendime me rëndësi në fushën e energjisë, bujqësisë dhe financave publike.

Në këtë mbledhje, ekzekutivi ka miratuar Projektligjin për Energjinë, si dhe Projektligjin për Inspektoratin Qendror të Bujqësisë, Sigurisë Ushqimore, Veterinës dhe Pylltarisë.

Po ashtu, sipas njoftimit, Qeveria ka miratuar edhe vendimin për ndryshimet në Tabelat 3.1 dhe 3.2 të Ligjit mbi Ndarjet Buxhetore të Buxhetit të Republikës së Kosovës për vitin 2026, me qëllim të përmbushjes së obligimeve financiare dhe kontraktuale të papërmbushura nga viti paraprak.

Në kuadër të kësaj mbledhjeje është miratuar edhe vendimi për rregullimin kontabël të shpenzimeve buxhetore të realizuara gjatë periudhës së financimit të përkohshëm për tremujorin e parë të vitit 2026. Sipas Qeverisë, ky rregullim bëhet në përputhje me dispozitat përkatëse të Ligjit për Menaxhimin e Financave Publike dhe Përgjegjësitë, si dhe me Ligjin mbi Ndarjet Buxhetore për vitin 2026, në mënyrë që këto shpenzime të reflektohen sipas strukturës së re organizative të përcaktuar me Rregulloren për Fushat e Përgjegjësisë Administrative të Ministrive.

Nafta më lirë në Kosovë, publikohen çmimet e reja

Ministria e Industrisë, Ndërmarrësisë, Tregtisë dhe Inovacionit ka dal me një vendim të ri për çmimet maksimale të lejuara të derivateve për sot.

Një litër naftë, sot sipas vendimit të MINTI, lejohet të shitet 1 euro e 89 cent, ky është çmimi maksimal, transmeton lajmi.net.

Një litër benzinë lejohet të shitet sot 1 euro 47 centë, kurse një litër gaz 0.82 cent.

Kudo që shihni që s’po respektohen këto çmime mund t’i lajmëroni në adresën konsumatori@rks-gov.net ose në numrin e telefonit 0800 11000./lajmi.net/

Rezoluta për çmimet e naftës nuk miratohet, këta deputet votuan kundër

Propozimi i rezolutës për rritjen e çmimeve të naftës nuk kaloi në Kuvendin e Kosovës.

Me 34 vota për, 49 kundër, 7 abstenime, kuvendi nuk e miratoi rezolutën për çmimet e naftës.

Rrjeshimisht kjo rezolutë s’mori mbështetjen e deputetëve të Vetëvendosjes.

Ndryshe, kjo çështje u zhvendos që të trajtohet si pikë e gjashtë pasi fillimisht pati mospajtime mes partive politike.

Kjo është data kur dalin pensionet me shtesën prej 150€

Në Kosovë pritet të konkretizohet së shpejti një paketë e re e rimëkëmbjes ekonomike, e orientuar drejt mbështetjes së shtresave më të ndjeshme përballë rritjes së vazhdueshme të çmimeve.

Sipas burimeve të Gazeta Imazhi, pjesë e kësaj pakete është edhe një pagesë shtesë prej 150 eurosh për pensionistët, e cila synon të zbusë ndikimin e inflacionit te kjo kategori.

Të njëjtat burime bëjnë të ditur se ekzekutimi i kësaj pagese mund të ndodhë më 15 maj ose 15 qershor, në varësi të ritmit të miratimit të pakos në Kuvend dhe përmbylljes së procedurave institucionale.

Pensionistët mbeten ndër grupet më të prekura nga rritja e kostos së jetesës, ndaj kjo ndihmë konsiderohet si një ndërhyrje e rëndësishme për lehtësimin e gjendjes së tyre financiare.

Pas aprovimit në Kuvend dhe dritës së gjelbër nga Qeveria, pritet që pagesat të nisin brenda afateve të paralajmëruara, duke u ofruar pensionistëve një mbështetje konkrete në këtë periudhë sfiduese ekonomike.

Priste të bëhej baba, ndërron jetë 31 vjeçari

Viktima është Igli Gjoca, nga Bajkaj i Delvinës, pronar i një servisi automjetesh në zonën e Vrionit. Pavarësisht se ai është transportuar menjëherë drejt spitalit në Sarandë, shpëtimi i jetës së tij nuk ka qenë i mundur.

Një i ri 31-vjeçar ka humbur jetën, dyshohet si pasojë e kontaktit me rrymën elektrike. Viktima është Igli Gjoca, nga Bajkaj i Delvinës, pronar i një servisi automjetesh në zonën e Vrionit.

Pavarësisht se ai është transportuar menjëherë drejt spitalit në Sarandë, shpëtimi i jetës së tij nuk ka qenë i mundur.
Lajmi ka sjellë dhimbje të madhe tek familjarët dhe të afërmit. I riu ishte i martuar dhe priste të bëhej baba i një vajze.

E rëndë: Ndërron jetë në gjumë foshnja 3-muajshe

Një ngjarje e rëndë dhe tejet e dhimbshme ka tronditur një familje nga fshati Sankoc i Drenasit, ku një foshnje vetëm 3 muajshe ka humbur jetën papritur gjatë gjumit.

Lajmi është bërë i ditur nga vetë familjarët përmes një njoftimi prekës, në të cilin shprehin dhimbjen e tyre të thellë për humbjen e parakohshme të më të voglit të familjes.

“Me dhimbje të thellë ju njoftojmë se engjëlli ynë i vogël, djali i vëllaut tonë M…, vetëm 3 muajsh, ndërroi jetë papritur në gjumë. Në këto momente të vështira kërkojmë mirëkuptimin dhe lutjet tuaja për shpirtin e tij.”

Haziri zbulon kandidatin e LDK-së për president

Lidhja Demokratike i ka emrat për t’i propozuar për president nëse arrihet një marrëveshje me Lëvizjen Vetëvendosje.

Këtë e ka bërë të ditur deputeti i kësaj partie Lutfi Haziri.

Ai ka thënë se kandidati i parë që do ta mbështesin është kryetari i partisë, Lumir Abdixhiku.

“Natyrisht që po. Sipas rregullës së parë, kandidati i LDK-së është kandidati i parë që në e mbështesim dhe kjo nuk është diskutua, sepse në rastin tonë nuk është diskuar për emra për të përvcqëm. Kur është diskua për emra konsensual kanë qenë përtej partive. Por e kuptuam që me PDK-në është diskutuar edhe për emra të përveçëm”, ka thënë ai.

Ai ka thënë se nëse ka marrëveshje me LVV-në, përveç 15 votave të deputetëve të tyre do të siguronin vota edhe nga partitë e tjera.

Haziri ka thënë se kreu i LDK-së është duke zhvilluar konsulta e bisedime të brendshme  për atë nëse mund të arrihet një marrëveshje me LVV-në.

“z.Abdixhiku tash në fazën e konsultave, bisedave të brendshme pas takimit të parë lidhur me procesin, a mund të arrijmë një marrëveshje”, ka thënë Haziri.

Deputeti i Lidhjes Demokratike të Kosovës, Lutfi Haziri ka thënë se në ciklin e dytë të takimeve mes Albin Kurtit dhe Lumir Abdixhikut për çështjen e presidentit është diskutuar për marrëveshje mes këtyre dy partive.

Kurti udhëton për vizitë zyrtare në Mbretërinë e Bashkuar

Kryeministri i Kosovës, Albin Kurti, ka udhëtuar sot për vizitë zyrtare në Mbretërinë e Bashkuar.

Sipas njoftimit për media, gjatë vizitës, kryeministri Kurti pritet të ketë takime të nivelit të lartë me zyrtarë britanikë dhe ndëkombëtarë, si dhe do të marrë pjesë në Konferencën e Londrës për Mbrojtje.

Rriten sërish çmimet e naftës

Çmimet globale të naftës u rritën sërish, ndërsa shtohen shqetësimet nëse armëpushimi i brishtë mes Shteteve të Bashkuara dhe Iranit do të qëndrojë apo jo, pasi Izraeli nisi një valë sulmesh ndaj Libanit. Nafta e papërpunuar brent u rrit me rreth 4% ne bursa duke arritur ne mbi 98 dollarë për fuçi të enjten.

Çmimet e naftës ranë ndjeshëm të mërkurën me 13% pasi u njoftua marrëveshja për të ndaluar konfliktin, e cila përfshinte edhe rihapjen e rrugës ujore kryesore të Ngushticës së Hormuzit.

Por raportimet se Irani do ta mbajë të mbyllur rrugën vendimtare të transportit detar për shkak të sulmeve izraelite kanë rigjallëruar frikën për një ndërprerje të zgjatur të furnizimit me energji.

Një nga kushtet e marrëveshjes së armëpushimit ishte që anijet do të ishin në gjendje të përdornin në mënyrë të sigurt Ngushticën e Hormuzit. Megjithatë, anijet në Gjirin Persik kanë marrë një paralajmërim nga marina e Iranit se nëse kalojnë pa marrë leje do të shënjestrohen dhe do të shkatërrohen.

Vetëm një numër i vogël anijesh arritën të kalonin rrugën ujore kur u njoftua marrëvesja, shumë poashtë nivelit prej 130 anijesh që kalonin ccdo ditë tranzit para luftës.

Sipas kompanive të gjurmimit detar, edhe në skenarin më të mirë do të duhen disa javë për të lëvizur ngarkesat e bllokuara të gazit e naftës dhe disa mua që tregtia globale të afrohet në nivelet e para krizës.

MINT publikon çmimin maksimal për karburante

Ministria e Industrisë, Ndërmarrësisë dhe Tregtisë (MINT) ka publikuar çmimet e derivateve për ditën e sotme në Kosovë.

Sipas njoftimit zyrtar nga MINT, çmimi maksimal i lejuar për naftë për ditën e sotme është 1.91 euro, për benzinë 1.47 euro, teksa për gas 0.82 euro.

Kujtojmë që dje u shënua një rënie në çmimin e naftës në bursën ndërkombëtare pas marrëveshjes së armëpushimit mes SHBA dhe Iranit, teksa sot vërehet një rritje në çmimin e karburanteve edhe në tregjet ndërkombëtare.