Shtyhet certifikimi i rezultateve: Kryeziu dhe Haxhiu ankohen në PZAP, kërkohet rinumërimi i votave

Certifikimi i rezultateve të zgjedhjeve të 7 qershorit pritet të shtyhet për disa ditë.

Kjo pasi dy kandidat për deputetë të PDK-së do të paraqesin ankesë ndaj rezultateve përfundimtare të Komisionit Qendror të Zgjedhjeve.

Bekim Haxhiu dhe Qëndrim Kryeziu kanë paralajmëruar konferencë për media sot, pasi të dorëzojnë ankesa e tyre në PZAP.

Kandidati Qëndrim Kryeziu është shprehur i bindur se ka të drjetë në ankesën e tij.

“Sot, në 11:00 në PZAP përsëri paraqes ankesën për rezultatin përfundimtar të zgjedhjeve. Jam i bindur se kishte hajni në zgjedhje. Rezultati përfundimtar nuk e pasqyron vullnetin real të votuesve. Ky është cenim i demokracisë. Do të angazhohem deri në fund për mbrojtjen e saj”, ka shkruar Kryezi në profilin e tij në Facebook.

Ata pritet të kërkojnë rinumërim të plotë ët votave të PDK-së.

Një gjë të tillë e kishin bërë edhe pas numërimit, por ankesat e tyre ishin refuzuar nga PZAP-ja dhe Gjykata Supreme.

Dy të ditë me parë, Gjykata Supreme e kishte refuzuar si të pabazuar ankesën e kandidatit për deputet të PDK-së, Qëndrim Kryeziu.

Në arsyetimin e aktgjykimit është thënë se vendimi i Panelit për Ankesa dhe Parashtresa ka qenë i drejtë.

“Gjykata Supreme e Kosovës e vlerësoi ligjshmërinë e vendimit të kontestuar, në kuptim të pretendimeve ankimore, përgjigjes në ankesë, dhe pas shqyrtimit edhe të shkresave të lëndës, gjeti se: Ankesa është e pabazuar”, është thënë në aktgjykimin e Supremes.

Duke pasur parasysh afatet që marrin shqyrtimin e ankesave të kandidatëve nga PZAP-ja dhe Gjykata Supreme, certifikimi i rezultateve të zgjedhjeve të 7 qershorit mund të shtyhet deri javën e ardhshme.

E rëndë: Ky është 32-vjeçari që u v’ra mbrëmë në Ferizaj

Prokuroria Themelore në Ferizaj e ka ndryshuar kualifikimin e veprës penale për rastin e vrasjes në Ferizaj të dielën në mbrëmje.

Hetimet për rastin ku u privua nga jeta 32-vjeçari Florim Haxhidema ndodhen në fazën fillestare.

Prokuroria tha se është duke punuar “për të sqaruar tutje të gjitha rrethanat dhe motivin” e krimit.

Nga “vrasje e rëndë”, siç u cilësua fillimisht rasti bazuar në një njoftim të Policisë së Kosovës mëngjesin e të hënës, Prokuroria e ka kualifikuar çështjen si “vrasje” më vonë gjatë ditës.

Në një komunikatë për media, Prokuroria tha se e dyshuara për vrasjen është 24-vjeçarja A.R., vajza e Muhamet Begishollit, pronarit të banesës ku ndodhi vrasja.

“Lidhur me ketë rast, me vendim të prokurorit të shtetit, është ndaluar e dyshuara në kohëzgjatje prej 48-orësh, për shkak të dyshimit të veprës penale ‘Vrasja’ sipas Kodit Penal të Republikës së Kosovës”, tha Prokuroria në njoftim, raporton Paparaci.

Ndërsa, Muhamet Begisholli, i cilësuar i dyshuar në komunikatën e mëhershme të Policisë, Prokuroria tha se vazhdon të mbetet i ndaluar “deri në sqarimin e plotë të rrethanave dhe përfshirjes së tij në këtë rast”.

Tahiri: Le të këtë garë për president mes Haradinajt dhe një kandidati të VV-së

Deputeti i zgjedhur i Aleancës, Bensik Tahiri, ka thënë se situata politike në Kosovë do të zhbllokohej nëse do të kishte një garë për zgjedhjen e presidentit në mes të ish-kryetarit të AAK-së Ramush Haradinaj, nëse do të mbështetej nga opozita, si dhe një kandidati të propozuar nga Lëvizja Vetëvendosje.

Duke komentuar deklaratat e deputetes së zgjedhur të Lëvizjes Vetëvendosje, Arbërie Nagavci, e cila e hodhi poshtë mundësinë e mbështetjes së Haradinajt për president, Tahiri tha se Aleanca nuk ka kërkuar votë nga partia në pushtet.

”Gjuha e Vetëvendosjes është gjuha më e ulët politike në historinë parlamentare. Ata janë kampionë të gjuhës së tillë. Ramush Haradinaj asnjëherë s’ka lypë votë. Asnjëherë s’ka thënë ‘unë jam kandidat’. Ka thënë: ‘Për me u zhbllokuar Kosova, për mos me mbetur peng, në qoftë se opozita e mbështet kandidaturën e tij, atëherë do të ketë garë zgjedhore’. Pra, ky pozicion së paku do ta zhbllokonte Kosovën. Nuk dihet kush do të fitonte, mirëpo do të kishte një kandidat për president nga opozita dhe një kandidat prej tyre. Nuk ka të bëjë asgjë me çka ka thënë ajo, as s’kemi lypë votë. Ne kemi thënë që nuk mundemi me vazhdu me një pozicion ku një parti do t’i marrë tri pozicione, me i zaptu tri pozicionet, sepse atëherë do të thotë me e kthyer shtetin parlamentar në një shtet autoritar”, u shpreh Tahiri në një deklaratë për Ekonomia Online.

Ai tha se partia e tij ka paraqitur një platformë politike me gjashtë kërkesa, ndërsa theksoi se nuk do ta bllokojë procesin e zgjedhjes së presidentit. E gjithashtu Tahiri nuk e përjashtoi mundësinë e përsëritjes së bllokadës institucionale.

I pyetur nëse Aleanca, do të përkrahte një kandidat të Lëvizjes Vetëvendosje për president nëse plotësohen kërkesat e saj, Tahiri tha se partia nuk synon ta bllokojë procesin, por vendimi për votën do të varet nga kandidatura konkrete.

“Këto janë kushtet tona dhe ne nuk e bllokojmë procesin. Pra, ne shkojmë në kuorum. A e votojmë apo jo, varet prej njerëzve dhe se çfarë emrash nxjerrin ata. Ne duhet ta dimë emrin, mirëpo këto që përmenda janë kushtet tona”, tha Tahiri.

Kryetari i Aleancës, Ardian Gjini në një konferencë për media të premten tha se Kosova po rrezikon të futet sërish në krizën e mungesës së institucioneve, gjë kjo e cila sipas tij nuk shkon as në favor të qytetarëve e as të zhvillimit strategjik të Kosovës.

Doli për të marrë ajër të pastër, detaje për vdekjen tragjike të policit nga Mleqani i Malishevës

Rexhep Zenel Gashi, pjesëtar i Policisë së Kosovës dhe veteran i Ushtrisë Çlirimtare të Kosovës, ka humbur jetën tragjikisht si pasojë e një aksidenti trafiku në vendin e tij të punës.

Lajmi është bërë i ditur nga familjarët përmes një postimi në rrjetet sociale, ku kanë ndarë edhe detaje mbi rrethanat e ngjarjes.

Sipas tyre, aksidenti ka ndodhur në orët e para të mëngjesit në Pikën Kufitare në Morinë. Bazuar në informacionet e para, Gashi kishte dalë për të marrë ajër të pastër, kur u godit nga një veturë.

“Me pikëllim të thellë ju njoftoj se sot, në orët e para të mëngjesit, në vendin e punës, në Pikën Kufitare në Morinë, si pasojë e një aksidenti tragjik trafiku, ndërroi jetë kushëriri im, Rexhep Zenel Gashi, pjesëtar i Policisë së Kosovës dhe veteran i Ushtrisë Çlirimtare të Kosovës. Sipas informatave të para, ai kishte dalë për të marrë ajër të pastër kur u godit nga një veturë. Për kohën e ceremonisë së varrimit do t’ju njoftojmë me kohë”, thuhet në njoftimin e familjarëve.

Për rrethanat e aksidentit pritet të ketë më shumë detaje nga autoritetet kompetente, ndërsa familjarët kanë bërë të ditur se për ceremoninë e varrimit do të njoftojnë në vijim.

Detaje të reja nga vr’asja në Ferizaj: Vajza e të dyshuarit u lëndua gjatë ngjarjes dhe u ndalua për 48 orë

Vajza e të dyshuarit për vrasjen e mbrëmshme në Ferizaj ka pësuar lëndime trupore dhe sipas policisë, po trajtohet në Qendrën Klinike Universitare të Kosovës.

Në njoftimin e policisë thuhet gjithashtu se edhe ndaj vajzës është lëshuar vendim për ndalim prej 48 orësh, mirëpo e njëjta vazhdon të mbetet nën trajtim mjekësor.

“Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK)”.

“Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”. Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK”, njoftoi policia

Tragjike: Humb jetën një zyrtar i Policisë së Kosovës pasi u godit nga një veturë në Morinë

Një aksident me pasoja fatale ka ndodhur në orët e para të mëngjesit në Pikën Kufitare në Morinë, ku ka humbur jetën zyrtari i Policisë së Kosovës, Rexhep Zenel Gashi.

Lajmi për vdekjen e tij është bërë i ditur nga familjarët përmes një njoftimi në rrjetet sociale. Sipas informacioneve të para, Gashi ndodhej në vendin e punës dhe kishte dalë për pak çaste jashtë objektit, kur u godit nga një veturë.

I ndjeri ishte pjesëtar i Policisë së Kosovës dhe veteran i Ushtrisë Çlirimtare të Kosovës.

Familjarët kanë bërë të ditur se për kohën dhe vendin e ceremonisë së varrimit do të njoftojnë në ditët në vijim.

Ndërkohë, rrethanat e aksidentit pritet të sqarohen nga autoritetet kompetente përmes hetimeve.

“Me pikëllim të thellë ju njoftoj se sot, në orët e para të mëngjesit, në vendin e punës, në Pikën Kufitare në Morinë, si pasojë e një aksidenti tragjik trafiku, ndërroi jetë kushëriri im, Rexhep Zenel Gashi, pjesëtar i Policisë së Kosovës dhe veteran i Ushtrisë Çlirimtare të Kosovës. Sipas informatave të para, ai kishte dalë për të marrë ajër të pastër kur u godit nga një veturë. Për kohën e ceremonisë së varrimit do t’ju njoftojmë me kohë”, thuhet në njoftimin e familjarëve

E rëndë: E reja nga Kosova dyshohet se humbi jetën në një aksident në Gjermani

Londrimi thyen heshtjen, zbulon të vërtetën e krisjes së “treshi përsheshi”

Prej kohësh, rrjeti ka zier nga aludimet për një krisje të mundshme të një prej miqësive më të komentuara që lindi brenda mureve të shtëpisë së Big Brother.

Mungesa e dyshes tjetër në eventin e fundit të rëndësishëm të Londrimit i hodhi edhe më shumë benzinë zjarrit, duke i lënë ndjekësit të pyesnin: Çfarë po ndodh me treshen e famshme?

Së fundmi, në një intervistë në emsionin SOL me Adelina Hasanin, Londrim Mekaj ka vendosur të flasë hapur dhe të sqarojë njëherë e mirë të vërtetën e këtij raporti që ka mbajtur pezull kureshtjen e publikut.

Ai pranoi se gjërat nuk janë më si më parë, duke konfirmuar kështu zërat për një ftohje mes tyre, por u tregua i kujdesshëm të ruante privatësinë e miqve të tij.

“Ka qenë një shoqëri shumë e bukur, dikur mendonim se ishte ‘too good to be true’. Jemi kënaqur dhe kemi gjetur shumë veten te njëri-tjetri. Sot gëzojmë raport, por natyrisht jo si përpara,” u shpreh Londrimi fillimisht, duke theksuar se angazhimet dhe jeta e përditshme pas formatit e kanë bërë të tyren.

Megjithatë, i ngacmuar nga Adelina se ku qëndron e vërteta e mungesës së tyre në eventin e tij të madh, Londrimi nuk u fsheh:

“E kemi pasur një ftohje pak për disa çështje, që është më shumë personale… Me njerëzit e afërt ndoshta mbetet hatri edhe për gjërat më të kota.”

Ai tregoi se preferon t’i mbajë gjërat private dhe të mos e “shesë” shoqërinë për vëmendje mediatike. Duke thumbuar paksa edhe mediat e showbiz-it, ai theksoi se shpesh portalet e marrin një detaj dhe i japin një kahje krejt të kundërt, ndonëse në këtë rast pranoi se “rrethanat e bëjnë të duket fiks ashtu siç po përflitet”.

Pavarësisht kësaj “krisjeje”, ish-banori duket se i ka lënë dyert e hapura për një pajtim.

“Unë i respektoj shumë, i dua dhe kam për të vazhduar të kem respekt për ta. Jemi të rritur e të pjekur, besoj që komunikimi është çelësi i gjithçkaje. Kemi me i zgjidh krejt… mirë jemi!” – përfundoi ai duke qeshur.

A do ta shohim treshen sërish bashkë ashtu siç i kemi njohur, apo kjo ftohje kërkon më shumë kohë për t’u shkrirë?

Mbetet për t’u parë nëse “gjykata” mes tyre, siç e quajti me humor Londrimi, do të japë një vendim në favor të miqësisë së vjetër!

Ishin duke pastruar veturën në oborr, detaje nga trag’jeďia në Deçan ku vďiqën babë e bir

Një ngjarje e rëndë ka ndodhur këtë të diel në fshatin Maznik të Deçanit, ku dy persona kanë humbur jetën tragjikisht si pasojë e goditjes nga energjia elektrike

Lajmin e ka bërë të ditur zëdhënësi i Policisë për Rajonin e Pejës, Driton Rugova.

Sipas Rugovës, dyshohet se derisa tashmë të ndjerit ishin duke pastruar veturën nё oborrin e tyre, kanё rёnё nё kontakt me rrymën.

Pas dёrgimit nё emergjencёn e spitalit rajonal nё Pejё, nga ekipi mjekёsor të dielën në mbrëmje, ёshtё konstatuar vdekja e dy vikimave.

“Fillimisht janë dërguar në QKMF-në e Deçanit, e më pas në Spitalin Rajonal të Pejës, ku edhe është konstatuar vdekja e tyre”, bëri të ditur Rugova.

Viktimat janë Xhemajl dhe Hasan Mustafaj, babë e bir.

Zbardhen detaje: Ky dyshohet të jetë shkaku i vdekjes së babait dhe djalit në Deçan

Një ngjarje tragjike ka ndodhur në fshatin Maznik të Deçanit, ku babë e bir kanë humbur jetën në rrethana të dyshuara aksidentale.

Burime të Gazeta Imazhit bëjnë të ditur se viktimat janë Xhemajl dhe Hasan Mustafaj.

Sipas informacioneve fillestare, dyshohet se shkaku i vdekjes ka qenë kontakti me rrymën elektrike, raporton Gazeta Imazhi.

Rrethanat e plota të ngjarjes ende nuk janë sqaruar, ndërsa autoritetet kompetente pritet të zhvillojnë hetimet për të zbardhur shkaqet dhe rrethanat e kësaj tragjedie.