Alush Gashi, politikani i shquar Kosovar ka ndërruar jetë sot papritmas në moshën 76 vjeçare.
Burime të Indeksonline bëjnë të ditur se Gashi ndërroi jetë si pasojë e një ataku kardiak.
Të dielën e kaluar Gashi ishte prezent në mbledhjen e këshillit drejtues të LDK-së.
Gashi ishte një nga bashkëpunëtorët më të afërt të ish-presidentit Rugova dhe një nga veprimtarët më ikonik të LDK-së ndër vite./Indeksonline/
Kryetari i Skenderajt, Sami Lushtaku është duke u intervistuar në stacionin policor të këtij qyteti.
Burimet i kanë thënë Paparacit se Lushtaku pas intervistimit pritet të arrestohet për shkak të sulmit fizik ndaj Hysni Mehanit të Lëvizjes Vetëvendosje në një kafene të Skenderajt të enjten.
Ndërkohë, qytetarë të shumtë janë mbledhur para stacionit policor të Skenderajt dhe pritet të ndërhyjnë nëse Lushtaku arrestohet.
Situata deri më tani është e tensionuar në Skenderaj.
Shefi i grupit të PDK-së në Kuvendin Komunal të Skënderajt, Alban Berisha iu ka bërë thirrje qytetarëve që të mblidhen për ta pritur kryetarin Sami Lushtaku para stacionit policor.
Sipas tij, aktualisht Lushtaku është duke u intervistuar nga policia e Kosovës për incidentin e djeshëm ku është raportuar se e ka rrahur fizikisht Hysni Mehanin e Lëvizjes Vetëvendosje.
Tutje, ai ka theksuar se askush nuk mund t’i frikësojë me skenca force e demonstrim pushteti.
Të jemi në gatishmëri qytetare!
Brenda pak minutash pritet të zhvillohet intervista, prandaj ftoj sa më shumë qytetarë të mblidhemi për ta pritur Kryetarin Gjeneral Sami Lushtaku deri në përfundim të saj.
Vendtakimi: para Stacionit të Policisë.
Dje qytetarët panë me sytë e tyre keqpërdorimin e Njësisë Speciale, me maska e armë të gjata, në një mënyrë që krijoi tension dhe frikë te qytetarët. Këto veprime po e rikujtojnë kohën kur policia përdorej për presion politik e jo për drejtësi.
Mos të mendojë askush se mund të na frikësojë me skena force e demonstrim pushteti. Dinjiteti nuk shitet dhe nuk blihet! Fyerjet, shpifjet dhe propaganda nuk kalojnë.
Qëndroni të bashkuar dhe në gatishmëri qytetare!
Kandidatja për deputete e PDK-së, Aida Dërguti, ka kotuar ngjarjet e djeshme në Skenderaj.
Ajo ka vlerësuar se kjo nuk është hera e parë që pushteti i VV-së njerëz të caktuar targeton dhe provokon me qëllim që të nxisin reagimin e tyre.
Në profilin e saj në Facebook, Dërguti ka shkruar se pushteti aktual qëllimisht po e provokon Sami Lushtakun.
“Mungesa e ligjit për vlerat e luftës, fatkeqësisht, detyron njerëzit që të marrin drejtësinë në duart e veta. Ngjarjet tronditëse si ato të djeshme në Skenderaj, nuk bën të përsëriten. Mirëpo, ka një praktikë të keqe gjatë kohës së zgjedhjeve dhe nuk është hera e parë, që njerëz të caktuar targetohen dhe nxirren në skenë, ngacmohen, provokohen, me qëllim që të nxisin reagimin e tyre, ndonëse ata nuk janë të përfshirë fare në garë. Njëri nga ta është Sami Lushtaku. Kjo lojë e ulët bëhet vetëm për përfitim të votave. Sami Lushtakun mund ta kritikosh për gjithçka tjetër, meqë është i angazhuar politikisht dhe mban post publik”, ka shkruar ajo, duke kërkuar që legjislatura e ardhshme të miratojë Ligjin për Vlerat e Luftës.
“Prandaj angazhimi politik e publik në të sotmen, nuk e përjashton askënd nga kritika dhe të qenurit i kritikueshëm. Mirëpo, ka një pikë ku njeriu nuk preket, aty ku i kontestohet vet qenia politike. Në kulmin e polarizimit politik me Serbinë, Samiu u përball me të në vijat e frontit. Gjatë luftës, Sami Lushtaku ka qenë në nivelin më të lartë të detyrës kombëtare, duke i shërbyer vendit në Ushtrinë Çlirimtare të Kosovës dhe kurdo që do të shfaqej nevoja, do t’i përgjigjej thirrjes me të gjitha kapacitetet e tij. Prandaj, për të shmangur situatat e ngjashme, është urgjencë kombëtare, që të miratohet Ligji për Vlerat e Luftës, menjëherë pas konstituimit të Kuvendit të ardhshëm të Kosovës”, ka shkruar ajo.
Osman Musliu, hoxhë i njohur nga Drenica, është përshëndetur me xhematin e tij, pasi tashmë është zyrtarizuar si kandidat i VV-së për deputet.
Mulla Osmani ka pasur një fjalim emocional, duke ia kërkuar “hallallin” xhematit të tij.
Përndryshe Musliu i’u është bashkuar zyrtarisht Lëvizjes Vetëvendosje ku në zgjedhjet e 7 qershorit do të kandidojë për deputet
Kryetari i degës së Vetëvendosjes në Skenderaj, Hysni Mehani, ka folur për incidentin e djeshëm ku pretendoi se kryetari i Skenderajt, Sami Lushtaku, e ka goditur derisa ky po pinte kafe në një lokal në qendër të qytetit.
“Kam shku me pi kafe me deputeten Arjeta Fejza, me dy vajza tjera dhe një aktivist. Ndërkohë, zonja Fejza më tha po e shoh Sami Lushtakun. Unë i kam thënë mos bë asnjë reagim dhe s’e kam kthyer kryet fare nga zoti Lushtaku dhe meqë ishim buzë rrugës në terracë, kam menduar se ai kalon andej për të hyrë në lokal. Dhe duke e vazhduar bisedën dhe duke mos e kthyer fare kokën për të pa se ku është ai, veç e kam parë zotin Lushtaku që ka ardhë, më është afruar dhe më ka thënë “ke thonë..”, edhe më ka ra me telefon në kry ku më ka shkaktuar plagën. Pastaj, më ka shtyrë dhe më ka goditur me diçka të fortë, më ka goditur me karrige”, ka deklaruar Mehana.
Ai tha se nuk i është kundërpërgjigjur dhunës.
Vdes Alush Gashi, politikani i shquar kosovar.
Alush Gashi ishte një nga figurat e hershme të Lidhja Demokratike e Kosovës dhe bashkëpunëtor i afërt i ish-presidentit Ibrahim Rugova.
Ai ka shërbyer edhe si ministër i Shëndetësisë në Kosovë dhe njihej si një prej themeluesve të strukturave institucionale të LDK-së gjatë viteve ’90.
Gashi ishte aktiv për dekada në politikë dhe jetën publike, ndërsa konsiderohej si një nga zërat më të vjetër të krahut rugovist brenda LDK-së.
Kryeministri në detyrë i Kosovës, Albin Kurti, gjatë konferencës së përbashkët me Komisioneren për Zgjerim të BE-së, Marta Kos, nga gazetari i RTV21 u pyet për rastin e djeshëm në Skenderaj, në veçanti për praninë e Njësisë Speciale në këtë qytet.
Sipas tij, reagimi i Prokurorisë dhe Policisë ishte i “vonuar”.
“Në Republikën e Kosovës nuk mund të ketë asnjë individ e as grup që sfidon me sukses shtetin. Ligji i Republikës na barazon para tij dhe jo si dikur që na ndante. Në lokalin e Skenderajt, në të cilin është rrahur dhe përgjakur zëvendësministri në Ministrinë e Financave, Hysni Mehani, kryetari i VV-së atje dhe kandidat për deputet, ka kamera dhe shumë dëshmitarë. Siç mora vesh, dy persona janë arrestuar. Për mendimin tim, reagimi i Policisë dhe Prokurorisë ka qenë i vonuar. Nuk e di çfarë ka ndodhur pas orëve të mesnatës, por reagimi ka qenë i vonshëm. Aktivistët e VV-së për postimet në Facebook janë dënuar me dy vite burg; të shohim tani çfarë vendimi do të marrë Prokuroria”, tha Kurti./
Zyrtari i LVV-së, Hysni Mehani, ka reaguar pas incidentit të raportuar me ish-kryetarin e Skenderajt, Sami Lushtaku, duke deklaruar se është goditur “tinëzisht me telefon” nga Lushtaku
Mehani tha se nuk e kishte besuar se një gjë e tillë mund të ndodhte, ndërsa theksoi se edhe sipas traditës shqiptare nuk sulmohet një person kur është në shoqëri të grave dhe fëmijëve.
“Sami Lushtaku është ai që më ka goditur me telefon, tinëzisht. S’e kam besu. Le të kthehemi edhe në traditat shqiptare: kur je me gra, nuk sulmohet njeriu. Unë dal me fëmijët e mi edhe me gruen. A do të thotë kjo se s’duhet me dal vetëm për shkak të qëndrimeve të mia?”, deklaroi Mehani në T7
Ai e cilësoi ngjarjen si të papranueshme dhe tha se qëndrimet politike nuk duhet të çojnë në përplasje fizike. /Indeksonline/
Gjykata Themelore në Mitrovicë u ka caktuar nga një muaj paraburgim dy mjekëve të Spitalit të Vushtrrisë, të arrestuar nën dyshimin për marrje ryshfeti.
Bëhet fjalë për Ekrem Sefiun dhe Valdet Rexhepin, ndaj të cilëve Prokuroria kishte kërkuar masën e paraburgimit pas arrestimit të tyre më 13 maj.
Sipas gjykatës, ekziston dyshimi i bazuar se të dy të pandehurit kanë kryer veprën penale “Marrje e ryshfetit”, të paraparë me Kodin Penal të Republikës së Kosovës.
Paraburgimi ndaj tyre do të zgjasë deri më 13 qershor 2026.
