Pesë vendime që ndryshojnë lojën: Çfarë premton Kurti sapo të nisë mandatin e ri

Kryeministri në detyrë dhe lideri i Lëvizjes Vetëvendosje, Albin Kurti, ka shpalosur pesë vendimet e para që, sipas tij, do të merren menjëherë pas nisjes së mandatit të ardhshëm qeverisës. Vendimet e paralajmëruara prekin drejtpërdrejt buxhetin e shtetit, çmimet, punësimin, pagat dhe përballjen me inflacionin.

Sipas këtyre premtimeve, Qeveria Kurti synon të ndërhyjë në disa prej çështjeve më të ndjeshme për qytetarët, duke theksuar mbrojtjen sociale dhe fuqizimin e sektorit publik, shkruan Gazeta Imazhi.

Buxhet rekord për vitin 2026

Vendimi i parë ka të bëjë me miratimin e buxhetit të shtetit për vitin 2026, i cili parashihet të arrijë vlerën rekord prej 4 miliardë eurosh. Ky buxhet, sipas Kurtit, do të orientohet drejt zhvillimit ekonomik, rritjes së shërbimeve publike dhe mbështetjes së kategorive sociale.

Ligji për çmime tavan

Vendimi i dytë parasheh procedimin e një ligji të ri për çmime tavan, me qëllim të frenimit të rritjes së çmimeve dhe parandalimit të abuzimeve nga tregtarët. Ky ligj synon të mbrojë konsumatorët, veçanërisht në periudha të krizave ekonomike dhe inflacionit.

Lehtësira për veteranët e UÇK-së

Një tjetër vendim i rëndësishëm lidhet me ndryshimin dhe plotësimin e ligjit aktual, përmes të cilit do të hiqet kufizimi i punësimit për veteranët e Ushtrisë Çlirimtare të Kosovës që përfitojnë beneficione. Ky hap, sipas Kurtit, synon të korrigjojë padrejtësitë ndaj kësaj kategorie dhe t’u mundësojë atyre integrim të plotë në tregun e punës.

Paga e 13-të për shërbyesit publikë

Në fokus të vendimeve është edhe miratimi i pagës së 13-të për të gjithë shërbyesit publikë, e cila pritet të ekzekutohet në fillim të vitit. Ky vendim shihet si një lehtësim financiar për punonjësit e sektorit publik dhe një stimul shtesë për përkushtimin në punë.

Pakoja për Përballje me Inflacionin 2.0

Vendimi i pestë lidhet me miratimin e Pakos për Përballje me Inflacionin 2.0, në vlerë prej 200 milionë eurosh. Kjo pako përfshin mbështetje të menjëhershme për pensionistët, familjet që marrin shtesa për fëmijë, studentët dhe punëtorët e sektorit privat.

Po ashtu, parashihet rikthimi i skemës për subvencionimin e kursimit të energjisë elektrike, nga e cila pritet të përfitojnë mbi 200 mijë familje, përmes subvencionimit të faturave të energjisë.

Këto pesë vendime, sipas Kurtit, përfaqësojnë prioritetet kryesore të qeverisjes së ardhshme dhe synojnë përmirësimin e mirëqenies së qytetarëve, forcimin e ekonomisë dhe rritjen e drejtësisë sociale në vend.

“E mirëpres Kurtin dhe LVV-në nëse duan të bëhen pjesë e Qeverisë Haradinaj 3”

Ish-kryeministri Ramush Haradinaj, i cili po kandidon sërish për kreun e ekzekutivit për zgjedhjet e 28 dhjetorit, ka thënë se do të pranonte LVV-në si pjesë e Qeverisë Haradinaj 3.

Në Rubikon të Klan Kosova, ndonëse pati kritika për qeverisjen e Albin Kurtit, sidomos për qasjen ndaj aleatëve, deklaroi se

“Unë punoj për qeverinë e opozitës, jam mandatar, dhe nëse do ta kem nderin që ta marr besimin, pasi një pjesë të besimit e kërkoj nga qytetarët, e një pjesë nga deputetët e zgjedhur, në këtë rast nga opozita, por nuk e pengoj nëse nuk bëhem kryetar qeverie, pra nuk e pengoj krijimin e qeverisë nga opozita. Nëse unë e marr mandatin për të krijuar qeverinë, dhe nëse Zoti Kurti, ose VV-ja, duan të bëhen pjesë e Qeverisë Haradinaj, i mirëpres”, theksoi kreu i AAK-së.

Ai shtoi se nuk është mirë të mbyllen dyert për askënd për krijimin e institucioneve.

Ndër të tjera, ai tha se nuk e voton një qeveri të udhëhequr nga Albin Kurti.

Kurti: Kushdo që mendon se mund ta sulmoj Kosovën do të mendoj dy herë

Kryeministri në detyrë dhe kandidati i Lëvizjes Vetëvendosje, për një mandat tjetër, Albin Kurti ka prezantuar plan-programin, i cili fokusohej në siguri, mirëqenie, ekonomi, arsim, shëndetësi dhe sektorë tjerë.

Ai gjatë një tubimi të Lëvizjes Vetëvendosje, Alternativës dhe Partisë Guxo në Prishtinë, ka thënë se do të investojnë 1 miliard euro në armatim dhe pajisje moderne ushtarake.

“Në mandatin që na pret do të investojmë edhe 1 miliard euro të tjera në armatim dhe pajisje moderne ushtarake, ashtu që kushdo që mendon se mund të na sulmoj të mendoj dy herë dhe kur mendon dy herë e lenë fare. Do ta ndërtojmë fabrikën municionin dhe drunjtëve duke e kthyer sigurinë dhe në motor të zhvillimit ekonomik teknologjik dhe industrial, kjo do të thotë vende të reja pune transformim njohurish dhe rritje e kapaciteteve vendore. Do të fillojmë programin e rezervës vullnetare në kuadër të planit mbrojtje gjithëpërfshirëse secili e secila që do t’i dal në mbrojtje vendit tonë, do të përfshihet në trajnimin bazik ushtarak dhe do të ketë armën e rezervuar personale të ruajtur në kazermë, dhe në raste të mobilizimit secili e secila do ta dijë vendin se ku do të lajmërohet për të marrë armën dhe cilat detyra do ti ketë.”, tha ai.

Ndërkohë Kurti gjatë fjalimit të tij tha se do të ndërtojmë kapacitetet te reja energjetike duke i shfrytëzuar edhe resurset tona, me teknologji moderne që ndotin më pak që është gazifikimi. Ai shtoi se do të investojnë 400 milionë euro për të ndërtuar pesë diga të reja.

Kurit foli edhe për pensionistët dhe kategoritë e dala nga lufta.

Kurti po ashtu premtoi 250 milionë europër 20 stadiume dhe vazhdimin e projekteve të mëdha infrastrukturore si Unaza e Prishtinës, autostrada Gjilan–Prizren dhe magjistralja e Dukagjinit.

Sipas tij, bizneset dhe bujqit do të jenë në fokus të qeverisë së tij, ku do të bëhet valuta elektronike dhe ebujkun.

Ai shtoi me arritjet që ka ushtria jonë, është koha që të përshpejtohet anëtarësimi në NATO por gjatë këtij mandati do të zhvillohen dronët Made in Kosova. Kurti theksoi se marrja e statusit të anëtarit kandidat për anëtarësimin në BE, do të jetë një nga angazhimet e tyre kyçe.

Kurti është ndalur edhe tek planet që kanë për sektorët e arsimit, shëndetësisë, kulturës dhe politikës së jashtme, energjia elektrike.

Abdixhiku befason me deklaratën për Agim Veliun pas publikimit të listës për deputet

Kreu i LDK-së, Lumir Abdixhiku, ka thënë se ish-kryetari i Podujevës, Agim Veliu, e ka vendin e tij në Lidhjen Demokratike të Kosovës.

“E di që është bërë temë edhe çështja e Agim Veliut. Unë kam thënë gjithmonë që Agimi e ka vendin në LDK gjithherë. S’ma ka kërkuar kurrë. Agimi kurrë nuk ka ardhur të më thotë po du me hy në listë. Derën e LDK-së e ka hapur. Mund të vijë. Nuk ka hidhërim”, ka thënë Abdixhiku.

Sipas tij, Agim Veliu, ka qenë fitues i LDK-së për 20 vjet në Podujevë edhe se është figurë e fitores së LDK-së në Podujevë.

“Është një njeri që e don LDK-në dhe punon gjithë jetën për LDK-në. Agimi është vetë LDK-ja. Mundemi me pas mospajtime, por ai e ka vendin e tij në LDK, e ftoj të punoj ende për LDK-në”, ka thënë kreu i LDK-së.

Duke folur për zgjedhjet e 28 dhjetorit, Abdixhiku tha se do të bazohen në tri shtylla politike për atë se çka do të ndodhë më pas.

“Kjo na detyron ne për tri shtylla politike me vendosë çka ndodhë pas 28 dhjetorit, unë me shumë kënaqësi do t’i elaboroj. E para është stabiliteti institucional. E dyta se si e lejojmë Prokurorinë e Kosovës të përzgjedhe kryeprokurorin. Dhe e treta si i zgjidhin 72 për qind të pozitave udhëheqëse publike qe janë me ushtrues detyre”, deklaroi ai në Debat Plus.

Limaj flet për pritjet nga zgjedhjet e 28 dhjetorit: Do të bëjmë mrekulli

Kryetari i Nismës Socialdemokrate, Fatmir Limaj, i pyetur nëse ka shpresë që pas 28 dhjetorit të jetë pjesë e Kuvendit, u shpreh i bindur në një rezultat pozitiv.

“Jo shpresë, por ne do të bëjmë mrekulli më 28-tin. Jo unë, por qytetarët.

Kjo do të thotë ndryshim i qeverisjes dhe një bashkim i madh,” deklaroi Limaj.

Ai theksoi se beson fuqishëm në angazhimin e qytetarëve për të sjellë ndryshimin politik që, sipas tij, vendi ka nevojë.

Haradinaj: Çka ka faj nëna ime që është gjallë?

Kandidati për kryeministër Ramush Haradinaj foli për fyerjet e fundit që po iu bëhen ish-luftëtarëve t♪7 UÇK-së.

Ai ndër tjerash tha se gjatë luftës nuk e ka lëshuar asnjëherë frontin, duke nënvizuar se ka varrosur me duar të tij shumë nga shokët e tij.

“Po e kam nënën gjallë, çka ka faj nëna ime që është gjallë? Është më se e thjeshtë, unë vëllezërit s’i kam, e kam nënën gjallë, a duhet me u bë pengesë kjo? Ose nëse eventualisht me më ballafaqu me emocionet e nënës, unë tash po u dashka me u sjell si guri, si jo njerëzor”.

“Unë nuk e them këta që me i mohu të tjerët ose me u veçu, po kam qenë luftëtar i luftës, nuk e kam leshu në asnjë orë fronin e luftës. I kam pa t’u m’u vra plot, e me duar të mia i kam shti në dhe plot, unë asnjëherë nuk mundohem mos me pa përpara. I kam kry punët që më presin nëse ma jep votuesi votën”, tha Haradinaj, transmeton Klankosova.tv

Haradinaj gjithashtu theksoi se Kosova është një popull me vlera dhe se shumë studiues të huaj e kanë lavdëruar këtë karakteristikë të popullit shqiptar.

Trumpi ndalon hyrjen në SHBA edhe për shtetasit e pesë vendeve të tjera

Abdixhiku me premtime elektorale megalomane, të cilave s’iu “beson” as vet – rritje enorme pagash

Kryetari i LDK-së, njëherit kandidat i LDK-së për Kryeministër, ka premtuar ngritje pagash, nëse ai do të vie në krye të Qeverisë.

Por ta kemi parasysh një gjë, ky është një premtim elektoral megaloman, që thjesht pas zgjedhjeve do të arsyetohet moszbatimi i tij me mungesë buxheti, shkruan Veriu.info.

Duket se këtij premtimi elektoral megaloman nuk i beson as vet kryetari i LDK-së, Lumir Abdixhiku.

Ai ka përmendur disa nga katergoritë, që sipas tij do të paguhen shumë më mirë me LDK-në në krye të vendit.

“Pagat për mësuesit do të jenë plotë 1 mijë euro. Ky është nivel i ri. Sonte u drejtohem edhe policëve, zjarrfikësve dhe ushtarëve; pagat me neve në qeveri do të jenë 900 euro, në muajt.” – tha ndër të tjera Abdixhiku në këtë premtim thjesht elektoral që merr fund natën e 28 dhjetorit.

Ish-asamblisti i VV’së publikon dokumentin që dëshmon se kompania e Vuk Hamoviqit u licencua nga ZRRE’ja më 2021-ën

Asamblisti i pavarur në Komunën e Prishtinës, Berat Lahu, i cili dikur ishte pjesë e Lëvizjes Vetëvendosje, ka publikuar një dokument të Zyrës së Rregullatorit të Energjisë (ZRRE) që dëshmon se ky institucion kishte licencuar Energy Financing Team (EFT)-në, kompaninë e biznesmenit serb, Vuk Hamoviq.

Lahu e ka shpërndarë këtë dokument në ‘Facebook’ duke thënë se Armend Muja dhe Artane Rezvanolli është mirë ta pranojnë këtë, shkruan Insajderi.

“Unë, Berat Lahu, nuk po shpif. Armend Muja dhe Artane Rizvanolli më mirë është ta pranojnë se sa të perpiqen ta fshehin te vërtetën e tmerrshme dhe të pabesueshme të licencimit të EFT. Me 02 Shtator 2021, është Licencu EFT, nga ZRRE”, thuhet në postimin e tij

Vetëvendosje në vazhdimësi ka mohuar të është licencuar EFT’ja përgjatë kohës së pushtetit të këtij subjekti politik. Megjithatë, në bazë të këtij dokumenti, shihet se nënshkrimi i dhënë nga Ymer Fejzullahu i ZRRE’së është i datës 2 shtator 2021. /Insajderi.org/

Ish-banori i BBA, baba për herë të parë

Ish-banori i njohur i “Big Brother Albania 3” dhe moderatori i lajmeve, Erion Zeqiraj, ka ndarë sot me ndjekësit lajmin më të bukur të jetës së tij. Ai është bërë baba për herë të parë.

Zeqiraj ka publikuar disa foto emocionuese në llogarinë e tij në Instagram, duke njoftuar ardhjen në jetë të djalit të tij.

Në postimin e tij, moderatori ka zbuluar edhe emrin që ata kanë zgjedhur për vogëlushin. Ai quhet Kael.

Krahas fotos bardhë e zi, ku shihet dora e të sapolindurit, Erioni ka shkruar fjalët e ndjera: “16/12/2025. Mirëseerdhe shpirti jonë, Kael Zeqiraj.”

Në fotot e tjera, shfaqet partnerja e tij duke mbajtur vogëlushin në krahë në maternitet, si dhe detaje nga festa e mirëseardhjes me tullumbace dhe lule, ku lexohet: “E gjithë dashuria e botës, i vogli jonë.”

Erion Zeqiraj u bë fillimisht i njohur për publikun shqiptar si një nga konkurrentët më karizmatikë të “Big Brother Albania 3”. Megjithatë, pas daljes nga shtëpia e famshme, ai arriti të ndërtojë një karrierë të gjatë dhe solide në televizion.

Prej vitesh, ai është një figurë e konsoliduar në ekranin e Vizion Plus, ku punon si moderator lajmesh (spiker), duke lënë pas imazhin e dikurshëm të “banorit të reality show-t” për t’u shndërruar në një profil serioz medial.
Ardhja në jetë e Kaelit shënon një kapitull të ri dhe emocionues për moderatorin dhe familjen e tij. /Prive By Liberta Spahiu