16 kandidatët e LVV-së që do të bëhen deputetë në vend të ministrave

Lëvizja Vetëvendosje do të pësojë ndryshime në përbërjen e Grupit Parlamentar, pasi 16 deputetë të saj janë bërë pjesë e ekzekutivit në kuadër të Qeverisë “Kurti 3”.

Me kalimin e tyre në poste ministrore, mandatet në Kuvend do t’i marrin 16 kandidatët e radhës nga lista zgjedhore e LVV-së, të cilët në rezultatet fillestare nuk kishin arritur të siguronin ulëse në Parlament.

LVV ka gjithsej 57 deputetë në Kuvend.

Deputetët që pritet të marrin mandatin janë: Egzon Azemi, Fahrush Rexhepi, Bajram Mavriqi, Luan Aliu, Driton Hyseni, Enver Dugolli, Arijeta Rexhepi, Shqipe Isufi, Afërdita Hajrizi, Ejup Ahmeti, Avdullah Klinaku, Mytaher Haskuka, Bylbyl Sokoli, Ilir Qeriqi, Mimoza Shala dhe Agon Batusha.

Ata do të zëvendësojnë deputetët që tashmë janë pjesë e kabinetit qeveritar, përfshirë kryeministrin Albin Kurti, si dhe 16 ministra të tjerë.

Këta do të jenë deputetët e LVV-së:

AVNI DEHARI
SHQIPE MEHMETI SELIMI
EDONA LLALLOSHI
ALBAN BAJRAMI
MEFAIL BAJQINOVCI
NEZIR KRAKI
RUFKI SUMA
ADRIANA MATOSHI
JETA STATOVCI
ARDIAN GOLA
HAXHI AVDYLI
ADELINA GRAINCA
BLERIM GASHI
ALBENA RESHITAJ
FATOS GECI
AGIM BAHTIRI
TAULANT KELMENDI
ARBËR REXHAJ
LABINOTË DEMI MURTEZI
ARBËRESHË KRYEZIU HYSENI
ARTAN ABRASHI
ARJETA FEJZA
HYSEN DURMISHI
ARBËRIE NAGAVCI
ENVER HALITI
LIZA GASHI
VALON RAMADANI
ADNAN RRUSTEMI
JETON RAKA
FATMIRE KOLLÇAKU
ARSIM ADEMI
DRITA PAJAZITI
ROZETA HAJDARI
SALIH ZYBA
FITIM HAZIRI
FJOLLA UJKANI
ILIR KËRÇELI
SYLEJMAN MEHOLLI
VIGAN QORROLLI
NAIM BARDIQI
VALON HOTI
EGZON AZEMI
FAHRUSH REXHEPI
BAJRAM MAVRIQI
LUAN ALIU
DRITON HYSENI
ENVER DUGOLLI
ARIJETA REXHEPI
SHQIPE ISUFI
AFËRDITA HAJRIZI
EJUP AHMETI
AVDULLAH KLINAKU
MYTAHER HASKUKA
BYLBYL SOKOLI
ILIR QERIQI
MIMOZA SHALA
AGON BATUSHA

Rritje page në 1 mijë euro – Kurti tregon kush përfiton

Mandatari për kryeministër nga radhët e VV-së, Albin Kurti në ekspozenë e tij ka lavdëruar punën e tij në 5 vitet sa ishte në pushtet.

“Këto 5 vitet e fundit, ku 1 vit si qeveri në detyrë, kemi ndërtuar dhe zhvilluar një Kosovë më të drejtë, më të fortë dhe me gjithëpërfshirëse. Kemi pasur rritjen më të madhe ekonomike në rajon, përkundër krizave. “, tha ai, transmeton lajmi.net.

Tutje, Kurti foli për sektorin e ekonomisë, ku pretendoi se e ka rritur numrin e të punësuarve.

“Projektojmë këtë vit që Bruto Produkti Vendor që të jetë 12 miliardë euro. Sfida e inflacionin që i ka goditur të gjithë kemi arritur ta menaxhojmë me politika mbështetëse për qytetarët. Jemi në vendi me shkallën më të ulët të inflacionit në rajon, pas Shqipërisë. Kemi shtuar numrin e të punësuarve nga 350 mijë të punësuar në 430 mijë të punësuar, me fokus tek rinia dhe gratë. Kemi arritur të ardhurat e familjes të ngritën, duke rritur pagën minimale, pensionet, shtesat për fëmijë, por edhe pagat për sektorin publik.”, tha Kurti.

Ai tha se në mandatin e ri paga mesatare në sektorin publik do të bëhet 1000 euro.

“Janë liberalizuar vizat, tash pasaporta e Kosovës është më e fuqishme se kurrë. Është përmirësuar imazhi i vendit. Jemi vendi më demokratik në rajon, arritje e shoqërisë dhe e institucioneve tona.”, u shpreh ai.

Kurti foli për Serbinë, ku tha se gjatë mandatit të tij Kosova është përballur me provokime dhe sulme.

“Jemi përballur me provokime të vazhdueshme dhe me sulme të shpeshta të Serbisë. Por, ne veç se e kemi forcuar Policinë dhe sundimin e ligjit, ushtrinë dhe mbrojtjen e vendit, sfidat u përballuan me sukses, madje i kemi kthyer në mundësi për progres.”, shtoi ai.

Kryetari i VV-së u shpreh se qeveria e tij ka prekur çdo shtresë e qytetarë.

“Investuam në ushtri dhe fuqizimin e policisë, në shtrirjen e sovranitetit dhe në luftimin e kriminalitetit. Në politikat sociale për nënat dhe fëmijët, për të rinjtë dhe pensionistët, në mbështetje të fermerëve, të bizneseve të vogla e të mesme.  Prekëm çdo shtresë e çdo qytetarë, çdo komunitete e vendbanim anekënd Republikës.”, tha Kurti.

Ai tha se në mandatin e tij të rij do të investoj 400 milionë euro në ujë të pijes.

“Një shtet i sigurt është një shtet që garanton ujë të pijes për qytetarët e tij. Do të investojmë 400 milionë euro për të ndërtuar 5 diga të reja”, tha ai.

Kurti prezanton kabinetin qeveritar, këta janë ministrat

Kuvendi i Kosovës po mban një seancë të jashtëzakonshme, ku pritet të votohet qeveria e re.

Kryeministri Albin Kurti para deputetëve ka prezantuar kabinetin e ri qeveritar.

Këta janë ministrat të cilët i propozoi Kurti:

Zëvendëskryeministër i parë dhe Ministër i Punëve të Jashtme dhe Diasporës, Glauk Konjufca

Zëvendëskryeministre e dytë dhe Ministre e Drejtësisë, Donika Gërvalla

Zëvendëskryeministër i tretë për çështje të pakicave dhe bashkëpunim ekonomik, Fikrim Damka

Ministër i Financave dhe Ekonomisë, Hekuran Murati

Ministër për Familje dhe Mirëqenie Sociale, Andin Hoti

Ministër i Mbrojtjes, Ejup Maqedonci

Ministër i Punëve të Brendshme, Xhelal Sveçla

Ministër i Administratës Publike dhe Digjitalizimit, Lulëzon Jagxhiu

Ministër i Shëndetësisë, Arben Vitia

Ministër i Arsimit dhe Shkencës, Hajrtulla Ceku

Ministër i Kulturës dhe Turizmit, Saranda Bogujevci

Ministër i Sportit dhe Rinisë, Blerim Gashani

Ministër i Administrimit të Pushtetit Lokal, Elbert Krasniqi

Ministre e Mjedisit dhe Planifikimit Hapësinor, Fitore Pacolli

Ministër i Bujqësisë, Pylltarisë dhe Zhvillimit Rural, Armend Muja

Ministër i Infrastrukturës dhe Transportit, Dimal Basha

Ministre e Tregtisë, Industrisë dhe Integrimeve Evropiane, Mimoza Kusari

Ministre e Ekonomisë, Artane Rizvanolli

Ministër për Komunitete dhe Kthim, Nenad Rashiq

Ministër për Zhvillim Rajonal, Rasim Demiri

Kurti jep lajmin e mirë për shtesat për fëmijë, flet edhe për pagat

Mandatari për formimin e qeverisë së re, Albin Kurti, në ekspozenë e tij para deputetëve të legjislaturës së 10-të, ka folur për të arriturat që, sipas tij, janë bërë gjatë mandatit të tij të fundit qeverisë në aspektin ekonomik.

“Në gati 5 vitet e fundit, nga të cilat pothuajse 1 vit si qeveri në detyrë, pa kompetenca të plota, kemi ndërtuar dhe zhvilluar një Kosovë më të drejtë, më të fortë dhe më gjithëpërfshirëse. Kemi një rritje mesatare reale prej 6 për qind të bruto produktit vendor. Bruto Produkti Vendor, kur e morëm qeverinë ishte 7 miliardë euro, ndërsa tash ka arritur në 11 miliardë euro. Projektojmë që sivjet të arrijë në 12 miliardë euro”, deklaroi mes tjerash Kurti.

Për inflacionin, ai tha se qeveria ka arritur ta menaxhojë me politika mbështetëse për qytetarin, dhe “jemi vendi me shkallën më të ulët të inflacionit në rajon, pas Shqipërisë”.

Kurti foli edhe për rritje të numrit të të punësuarve, sikurse edhe për ngritjen e të ardhurave.

Rritja tha ai do të vazhdojë edhe në mandatin e ri, “duke e ngritur pagën mesatare në sektorin publik në mbi 1000 euro në muaj”.

Ai foli edhe për shtesat për fëmijë, duke thënë se ato janë aktualisht 30-45 euro për çdo fëmijë, ndërsa tha se në mandatin e ri do të dyfishohen ato.

“Me këtë rritje do të lëmë prapa edhe disa shtete të BE-së sa u përket shtesave për fëmijë”, deklaroi Kurti.

Slavko Simiq me aktakuzë për sulm ndaj gazetarëve, nënkryetar i Kuvendit me votat e VV-së

Deputetët e Lëvizjes Vetëvendosje votuan “pro” që Slavko Simiq, i cili ka aktakuzë për sulm ndaj gazetarëve në Leposaviq, të zgjidhet nënkryetar i Kuvendit të Kosovës.

104 deputetë votuan “pro”. Ndërkohë disa deputet të PDK-së votuan “kundër”, në Vetëvendosje nuk pati asnjë votë kundër. Votimi u bë “në pako” për të gjithë nënkryetarët.

Sipas Prokurorisë, deputeti Simiq akuzohet për veprën penale “Pjesëmarrja në turmë që kryen vepër penale dhe huliganizmi”, në bazë të nenit 404, paragrafi 2, lidhur me paragrafin 1 të Kodit Penal të Republikës së Kosovës. Ai akuzohet se, gjatë një proteste kundër vizitës së ish-ministrit E.K., ka nxitur turmën të sulmojë gazetarët, pasi ish-ministri kishte dalë nga objekti i komunës.

Sipas aktakuzës, turma fillimisht kishte hedhur shok-bomba në drejtim të veturës zyrtare dhe, pas largimit të saj, me nxitjen e të pandehurit, kishte shpërthyer dhuna ndaj përfaqësuesve të mediave, të cilët janë goditur me grushte, shqelma dhe mjete të forta, duke shkaktuar lëndime të rënda trupore për dy gazetarë.

Zbulohen emrat e katër ministrave në Qeverinë Kurti

Pas pak pritet të fillojë seanca ku pikë kryesore do të jetë votimi i Qeverisë së Kosovës, Kurti 3.

Indeksonline ka mësuar emrat e katër ministrave që pritet të propozohen në listën e plotë të Albin Kurtit.

Mimoza Kusari, Hajrullah Çeku, Saranda Bogujevci dhe Daulina Osmani janë në mesin e emrave që pritet të propozohen nga Kurti.

Haradinaj vendos fotografinë Thaçit në setër para nisjes së seancës

Ramush Haradinaj ka vendosur në setër fotografinë e Hashim Thaçit, pak para se të hynte në seancën që pritet ta konstituoj Kuvendin e Kosovës.

Kjo simbolikë iu dhurua nga OVL-UÇK, dhe Haradinaj nuk refuzoi ta vendos atë.

 

 

Kjo është pozita që Konjufca do ta ketë në Qeverinë Kurti 3

Ndryshimet e paralajmëruara në kabinetin e qeverisë Kurti 3 nga kryeministri në detyrë Albin Kurti, nuk e kanë prekur deputeten e zgjedhur nga Lëvizja Vetëvendosje, Mimoza Kusari-Lila.

Në emisionin “Interaktiv” në KTV, Kusari-Lila ka thënë se pas seancës konstituive të Kuvendit, në atë të formimit të Qeverisë është e propozuar si ministre e Tregtisë, Industrisë dhe Ndërmarrësisë.

“Jam e propozuar dhe do të jem e propozuar për të njëjtin dikaster (ministre e Tregtisë, Industrisë dhe Ndërmarrësisë), është pozicion që unë për herë të parë e kam pasur para 15 vjetëve dhe e kam ushtruar për dy vjet e gjysmë derisa kam dhënë dorëheqje për të kandiduar si e para e Komunës së Gjakovës”, ka thënë Kusari-Lila.

“Ka qenë i propozuar për zv.kryeministër të parë dhe ministër i Punëve të Jashtme dhe besoj se edhe nesër do të vazhdojë të jetë. Megjithatë kjo do të duhej të ishte prezantim i Kurtit, kryeministrit i cili e prezanton kabinetin e tij”, ka konfirmuar Kusari-Lila.

Kusari-Lila është shprehur se nesër do të konstituohet Kuvendi i Kosovës dhe në një seancë tjetër pas asaj konstituive do të votohet formimi i qeverisë Kurti 3. Ajo ka deklaruar se e propozuar për kryetare të Kuvendit të Kosovës vazhdon të jetë Albulena Haxhiu.

“Do të konstituohet Kuvendi, do të zgjedhet kryetarja e Kuvendit, pastaj kryesia e Kuvendit dhe do të hyjmë në një seancë tjetër ku do të votojmë Qeverinë Kurti 3. Ky është plani, që data 11 shkurt Republikës së Kosovës t’ia jap Kuvendin me legjislaturën e dhjetë dhe qeverinë Kurti 3 me mandatin katër vjeçar. Besoj që nuk ka dyshime që Albulena Haxhiu do të jetë kryetare e ardhshme e Kuvendit të Republikës së Kosovës”, ka thënë Kusari-Lila në emisionin “Interaktiv” në KTV.

Mimoza Kusari-Lila e konfirmon: Albulena Haxhiu e propozuara për Kryetare të Kuvendit

Sot, Kuvendi i Kosovës do të mblidhet në seancën konstituive, e cila do të nisë nga ora 17:00.

Para seancës, Mimoza Kusari nga Lëvizja Vetëvendosje, njoftoi se Albulena Haxhiu do propozohet për kryeparlamentare.

Kusari gjithashtu tha se vetë ajo do të jetë pjesë e kabinetit qeveritar, siç ishte propozuar edhe më parë.

A do të votohet sot Qeveria Kurti? Flasin nga VV-ja

Kanë mbetur edhe pak minuta deri në fillimin e seancës për konstitutimin e Kuvendit të Kosovës, por deputetja Mimoza Kusari derisa po hynte në objektin e Kuvendit tha se mund të mbahet edhe seanca në të cilën do të hidhej në votim formimi i Qeverisë.

“Sot kemi ardhur për të konstituar organet e Kuvendit të Republikës së Kosovës, në një ditë e cila është konsideruar se tashmë është e vonuar për faktin se shkoi shumë gjatë edhe procesi i rinumërimit. Kemi ardhur në ditët dhe javët e fundit kur shumë procese në Republikën tonë mund të rrezikohen, përfshirë miratimin e buxhetit, miratimin e marrëveshjeve ndërkombëtare, të cilat disa prej tyre në fakt kanë afat deri në fund të kësaj jave. Është shumë e rëndësishme që sot të votohet për Kuvendin e Republikës së Kosovës, për kryetarin e Kuvendit, nënkryetarët e Kuvendit, dhe pastaj të votohet qeveria që mund të procedojë me punë sa më parë. Ka gjasë që sonte të jenë dy seanca. Gjegjësisht sot të jenë dy seanca: njëra që fillon në orën 17:00, që ka të bëjë me organet e Kuvendit, dhe tjetra e cila fillon pastaj varësisht nga sa do të zgjasë kjo e para, që nuk besoj shumë. Është për t’u përshëndetur qasja bashkëpunuese e të gjitha grupeve politike të përfaqësuara në Kuvend në mbledhjen e djeshme të ftuar nga kryetari i deritashëm i Kuvendit, zotëri Basha, ku ka pasur dakordim prej kërkesës për ndërrim të orarit të seancës e deri te procesi i votimit. Prandaj, jam optimiste që në seancën e parë nuk do të ketë vonesa, nuk do të ketë çështje të cilat mund të jenë befasi ose të papritura, të paplanifikuara, dhe pastaj të procedohet siç dihet me mandatarin dhe seancën tjetër”, tha ajo.

Ajo thotë se nuk a ndryshuar asgjë në raport me Listën Serbe

“Kanë ndodhur zgjedhjet e 28 dhjetorit, ka ndodhur një proces i cili na ngarkon me shumë përgjegjësi të gjithë ne këtu që jemi. Por gjithashtu, qëndrimi ynë politik mbetet i pandryshuar. Asgjë në raport me qasjen dhe mosbesimin që kemi ndaj çfarëdo komunikimi apo bashkëpunimi me këtë grupim politik, që fatkeqësisht deri më tani ka treguar vetëm kundërshti në raport me interesin e Kosovës, asgjë nuk ka ndryshuar. Interesi i Kosovës është mbi të gjitha dhe ajo çfarë duhet të ndodhë sot është të ruhet mbarëvajtja e jetës institucionale, interesat e mijëra punëtorëve dhe gjithë atyre që janë në shërbim të këtij vendi, në sektorin publik por edhe në sektorin privat, e natyrisht edhe të procedohet me ato obligime që i kemi, që mund t’i kishim kryer para datës 6 tetor. Ato për të cilat u kërkua e u lutën shumë herë edhe partitë e opozitës, edhe nga ana jonë, edhe nga ana e Presidentit, për votimin e marrëveshjeve ndërkombëtare, afati i të cilave skadon tepër shpejt. Ndërsa ne prej atëherë deri tani e kemi qartësinë mbi vullnetin e qytetarëve të Republikës si asnjëherë më parë dhe mbi atë përgjegjësi ne do të sillemi dhe do të veprojmë sot”, tha ajo.

Por se cka do të ndodhë brenda seancës, Kusari nuk shpalosi detaje.

“Kam biseduar deri në këto momente, besoj që nuk do të ndryshojë. Se çfarë do të ndodhë brenda mbetet të shihet kur t’i prezantojë kryeministri Kurti të gjithë kabinetin qeveritar. Ju faleminderit shumë”, u rezervua ajo.

Kurse për cështjene presidentit apo presidentes, ajo tha se ende nuk është biseduar.

“Jo, ende nuk kemi biseduar për emrin për arsye se janë votimi për Kuvend e pastaj votimi për Qeveri, dhe pastaj do të vijë votimi për Presidentin”, tha ajo.