Dy të vdekur në Majac, dalin në pah detaje të reja nga ngjarja

Policia e Kosovës ka dhënë detaje në lidhje me vrasjen e mbrëmshme në fshatin Majac të Podujevës

Në njoftim, thuhet se pasi policia ka arritur në vendin e ngjarjes, është konstatuar se një person është gjetur pa shenja jete, brenda veturës.

“Policia e Kosovës ka pranuar një informatë se në fshatin Majac të komunës së Podujevës, dyshohet që një person i cili gjendet në një veturë është pa shenja jete. Njësitë relevante policore, njësia e hetimeve dhe forenzika menjëherë janë angazhuar dhe kanë dalur në vendin e ngjarjes për tu marrë me rastin. Po ashtu janë njoftuar edhe prokurori kompetent dhe ekipet mjekësore të cilët kan dalur në vendin e ngjarjes”.

“Bazuar në informacione dhe hetimet fillestare, në vendin e ngjarjes është hasur vetura (VË) ngjyrë e bardhë me targa lokale (01), e cila është verifikuar dhe ka dalur në pronësi të një personi mashkull kosovar nga Obiliqi. Nga ekipa mjekësore është konstatuar se personi mashkull kosovar i hasur në automjet është pa shenja jete”, thuhet në njoftim.

Policia ka bërë të ditur se më pas dy gra janë gjetur brenda, me plagë të rënda, por kanë qenë me shenja jete, njëra ndër to ishte e dyshuara A.Gashi

Referuar veprimeve dhe hetimeve intensive, është siguruar informacioni se, dyshohet që një person i gjinisë femërore është brenda në një shtëpi, posedon armë zjarri dhe nuk pranon të komunikojë me askënd, e cila paraqet rrezik jete për vetën e saj dhe për të tjerët.

“Referuar situatës, janë angazhuar Njësia Speciale Intervenuese dhe zyrtët për ndërmjetësim, të cilët kanë intervenuar brenda në shtëpi duke vënë situatën nën kontroll, ku dy persona të gjinisë femërore janë gjetur brenda, të cilat dyshohet se kanë plagë të rënda, por janë me shenja jete. Nga njësia emergjente iu është dhënë tretmani mjekësor, dhe pastaj të njëjtat nën mbikëqyrjen mjekësore dhe policore janë dërguar në qendrën spitalore. Ndërsa Instituti i Mjekësisë Ligjore (IML) ka bërë tërheqjen e trupit të pajetë nga vendi i ngjarjes”, ka njoftuar policia.

Ndërkaq, 73-vjeçarja e plagosur mbrëmë, rreth orës 03:35 ka vdekur në QKUK.

“Me datë 23.03.2026 rreth orës 03:35 është raportuar se viktima femër kosovar ka ndërruar jetë në QKUK, vdekjen e të cilës e ka konstatuar mjeku kujdestar”, njoftoi policia.

Ky është i vrari në Majac të Podujevës

Detaje të reja kanë dalë nga ngjarja e rëndë në Majac të Podujevës, ku një person ka humbur jetën në rrethana tragjike.

Sipas informacioneve, viktima dyshohet se është Ilaz Brahimi, rreth 43-45 vjeç, i cili është gjetur pa shenja jete në vendin e ngjarjes.

Ndërkohë, në këtë rast janë raportuar edhe disa persona të plagosur, ndërsa e dyshuara kryesore është gjetur e plagosur rëndë, pasi dyshohet se ka tentuar vetëvrasjen pas kryerjes së krimit.

Policia dhe njësitë relevante janë në vendin e ngjarjes, ndërsa hetimet për zbardhjen e plotë të rrethanave dhe motivit të kësaj ngjarjeje të rëndë janë në zhvillim.

E rëndë: Kjo është gruaja që vdiq në QKUK pas plagosjes në Majac

Një zhvillim i rëndë është konfirmuar nga ngjarja tragjike në Majac të Podujevës, ku njëra nga të plagosurat nuk ka arritur t’u mbijetojë plagëve.

Miradije Gashi (68-vjeçare), e cila kishte pësuar lëndime të rënda nga arma e zjarrit, ka ndërruar jetë në Qendrën Emergjente të QKUK-së, pavarësisht përpjekjeve të mjekëve për ta shpëtuar.

Ajo ishte plagosur në shtëpinë e saj, në një incident ku dyshohet se autorja është Ardita Gashi, e cila paraprakisht dyshohet se kishte qëlluar për vdekje edhe Ilaz Brahimin.

E dyshuara më pas kishte tentuar t’i marrë jetën vetes, duke mbetur e plagosur rëndë dhe aktualisht po trajtohet në QKUK.

Me urdhër të Prokurorit të Shtetit, rasti është ricilësuar si “Vrasje e rëndë” dhe “Mbajtje në pronësi, kontroll ose posedim të paautorizuar të armëve”.

Hetimet për zbardhjen e plotë të kësaj ngjarjeje të rëndë janë në zhvillim.

E rëndë: 31-vjeçarja nga Kosova gjendet e vdekur në një hotel në Durrës

31-vjeçarja nga Kosova gjendet pa shenja jete në një hotel në Durrës, nisin hetimet

Ditën e djeshme është gjetur pa shenja jete një 31-vjeçare nga Kosova në ambientet e një hoteli në Durrës.

Policia e Durrësit njofton sot se nga këqyrja paraprake e trupit nuk janë konstatuar dëmtime të jashtme që mund të kenë shkaktuar vdekjen. Po ashtu, blutë njoftojnë ka nisur hetimi ndaj dy administratorëve të hotelit në zonën e Shkëmbit të Kavajës, pasi nuk kanë lëshuar kupon tatimor për dhënien me qira të ambientit, ku shtetasja qëndronte prej muajit dhjetor 2025.

“Specialistët për Hetimin e Krimeve ndaj Personit në DVP Durrës referuan materialet në Prokurori, ku nisi procedimi penal ndaj shtetasve V. E., 38 vjeç, dhe A. Sh., 34 vjeç, të dy banues në Durrës, administratorë të një hoteli në zonën e Shkëmbit të Kavajës, pasi: Ditën e djeshme, në ambientet e këtij hoteli është gjetur pa shenja jete shtetasja kosovare J. H., 31 vjeçe. Nga këqyrja paraprake e trupit nuk janë konstatuar dëmtime të jashtme që mund të kenë shkaktuar vdekjen. Trupi i pajetë është dërguar për autopsi mjekoligjore, me qëllim përcaktimin e saktë të shkakut të vdekjes.

Nga veprimet e para hetimore dyshohet se 2 administratorët nuk kanë lëshuar kupon tatimor për dhënien me qira të ambientit, ku shtetasja qëndronte prej muajit dhjetor 2025.

Materialet u referuan në Prokurori për vlerësim, ndërkohë që priten rezultatet e ekzaminimeve mjekoligjore për përcaktimin e shkakut të vdekjes së 31-vjeçares”-njofton policia. /tch/

Nafta 1,71 euro, Bajrami: A po e dini që Mimoza ia ka qitë tavanin?

Deputetja e Lidhjes Demokratike të Kosovës (LDK), Hykmete Bajrami, ka publikuar një fotografi të çmimit të naftës në një pompë derivatesh, e cila ka arritur në 1,79 euro për litër. Bajrami ka ironizuar me vendosjen e çmimit tavan nga ministrja e Industrisë, Mimoza Kusari.

“Apo e shihni çmimin e naftës? A po e dini që Mimoza i’a ka qitë tavanin? Qysh po ju duket ky tavan, poshtë apo lart?”, ka pyetur me ironi Bajrami, shkruan Insajderi.

Bajrami ka thënë se qeveria është dashur ta ulë Tatimin në Vlerë të Shtuar (TVSH) në karburante nga 18 për qind në 8 sosh dhe ta përgjysmojë akcizën në të deri në normalizim të tregut.

“Tutje duke parë çmimin e energjisë, normën e inflacion 6% dhe tash çmimet e naftës deri tani Kabineti Qeveritar është dashur t’i ketë pasur disa takime me të gjitha odat ekonomike te vendit dhe me Shoqatën e Naftarëve për të ju dalë në ndihmë qytetarëve dhe bizneseve, POR këto takime nuk kanë ndodhë sepse po shkojmë në zgjedhje, keshtuqë Kurti po i fërkon duart, se me këto çmime rriten të hyrat buxhetore, e sa më e madhe kriza për familjet në kohën e zgjedhjeve, aq më të vlefshme bëhen 100-shet e buxhetit për blerje votash“, ka deklaruar deputetja e LDK’së.

“Strategjia e Kurtit është ‘varfëro e sundo’, andaj Kurti me gjithë strategjinë e tij të dështuar që 6 vite dhe shpurën e tij duhet të dalin në opozitë“, përmbyll shkrimin ajo.

Fluturon çmimi i naftës në Kosovë

Në Kosovë, çmimi i naftës ka arritur 1.72 euro për litër, duke shënuar një rritje të vazhdueshme për qytetarët.

Kjo rritje lidhet me tensionet globale dhe luftën në Lindjen e Mesme, përfshirë konfliktet midis SHBA-së dhe Iranit, që kanë ndikuar në çmimet e karburanteve edhe në vendin tonë.

Qytetarët ndjejnë ndikimin e drejtpërdrejtë në shpenzimet e përditshme.

I dyshuari për vrasjen e vëllait raportohet të jetë një ish-futbollist

Një burrë dyshohet se sot gjatë ditës ka vrarë me armë zjarri vëllain e tij.

Ai është arrestuar në vendin e ngjarjes, ku është sekuestruar arma dhe tre gëzhoja që dyshohet se janë përdorur për ta kryer vrasjen.

Para shkrepjes së armës, dy vëllezërit kanë pasur një konflikt verbal me njëri-tjetrin.

Viktima është dërguar në Emergjencën e Spitalit Rajonal të Pejës, por para se të nisej për QKUK, ai ka ndërruar jetë.

Raportohet se i dyshuari për kryerjen e vrasjes është një ish-futbollist.

E rëndë: Ky është viktima që u qëllua për vdekje, i dyshuar vëllai i tij

F.I ka ndërruar jetë si pasojë e plagëve të marra nga të shtënat me armë zjarri në fshatin Bokshiq të Klinës, raortojnë mediat lokale.

Ngjarja tragjike ka ndodhur në fshatin Bokshiq të Klinës.

Rastin e ka konfirmuar edhe zëdhënësi i policisë për rajonin e Pejës, Fadil Gashi.

“Rreth orës 15:10 policia është njoftuar se, pas një fjalosjeje mes dy vëllezërve, njëri nga ta e qëlloi tjetrin me armë. Viktima u dërgua në emergjencën e Klinës, e më pas u bart drejt Spitalit të Pejës. Pak para se të nisej në drejtim të QKUK-së për tretman mjekësor, viktima fatkeqësisht ndërroi jetë. Në vendin e ngjarjes kanë dalur njësitet relevante të policisë dhe Prokurorisë, të cilat po vijojnë me procedurat hetimore” deklaroi Gashi.

Vdes një person pas përleshjes me armë mes vëllezërve

Një person ka humbur jetën sot pas një incidenti me armë zjarri në fshatin Bokshiq të Klinë.

Viktima, u qëllua gjatë një fjalosjeje mes dy vëllezërve dhe nuk i mbijetoi plagëve.

Rastin për Sinjalin e ka konfirmuar zëdhënësi i policisë për rajonin e Pejës, Fadil Gashi, duke bërë të ditur se njësitet policore dhe Prokuroria po vijojnë hetimet

“Rreth orës 15:10 policia është njoftuar se, pas një fjalosjeje mes dy vëllezërve, njëri nga ta e qëlloi tjetrin me armë. Viktima u dërgua në emergjencën e Klinës, e më pas u bart drejt Spitalit të Pejës. Pak para se të nisej në drejtim të QKUK-së për tretman mjekësor, viktima fatkeqësisht ndërroi jetë. Në vendin e ngjarjes kanë dalur njësitet relevante të policisë dhe Prokurorisë, të cilat po vijojnë me procedurat hetimore Janë sekuestuestuar edhe tre gëzhoja që dyshohet se janë përdorur në vendin e ngjarjes” deklaroi Gashi.

Kurti për Ligjin për të huajt: S’duam t’i lëmë pacientët serbë pa shërbime shëndetësore, as nxënësit serbë pa arsim

Kryeministri Albin Kurti, është pyetur lidhur me marrëveshjen mes Kosovës dhe BE-së për Ligjin për të Huajt.

Kurti para gazetarëve u shpreh Ligji për të huajt është miratuar pasi Qeveria nuk dëshiron t’i lërë pacientët serbë pa shërbime e as nxënësit serbë pa arsim.

“Ne veçse po zbatojmë një ligj nga periudha e mëhershme. Do të bëjmë inkorporimin e të gjitha strukturave në arsim dhe shëndetësi. Ju e dini që strukturat ilegale të tjera të sigurisë, si ato të financave dhe administrimit, nuk ekzistojnë. Ka mbetur vetëm arsimi dhe shëndetësia, dhe për ta bërë këtë duhet ta kemi listën. Nuk dëshirojmë që pacientët serbë të mbesin pa shërbime shëndetësore, që nxënësit serbë të mbesin pa mësim. Po e bëjmë në mënyrë legale, në bashkëpunim me Bashkimin Evropian”, ka deklaruar Kurti./EO