A do të ketë rritje të pagave në janar për mësimdhënësit?

Qeveria shqiptare ka shpallur një politikë të re pagash, që do të hyjë në fuqi më 1 janar 2026, dhe që parashikon indeksimin e përvitshëm të pagave të punonjësve të administratës publike, si në nivel qendror ashtu edhe në atë vendor.

E trishtë: Ky është 32 vjeçari që u gjet pa shenja jete në banesën e tij

Një ngjarje e trishtë ka ndodhur ditën e sotme në Prizren ku një person u gjet pa shenja jete.

Burime të Sinjalit bëjnë të ditur se viktima është Xhavit Berisha, 32 vjeçar.

Tashmë i ndjeri u gjet i vdekur në banesën e tij dhe pranë tij është gjetur një armë.

Koalicioni i radhës: LDK bashkon forcat me këtë parti për zgjedhjet nacionale

PD dhe LDK bien dakord për garim të përbashkët në zgjedhjet parlamentare të 28 dhjetorit

Partia e Drejtësisë ka njoftuar opinionin publik se, pas takimit konstruktiv ndërmjet Kryetarit të PD-së, Ferid Agani, dhe Kryetarit të LDK-së, Lumir Abdixhiku, është arritur marrëveshja politike që kandidatët e Partisë së Drejtësisë të jenë pjesë e listës së përbashkët zgjedhore të Lidhjes Demokratike të Kosovës për zgjedhjet parlamentare të 28 dhjetorit 2025.

Tutje në njoftim bëhet e ditur se detajet operative të këtij bashkëpunimi do të finalizohen gjatë ditëve në vijim nga ekipet teknike të të dy subjekteve.

Ndërkohë, shpallja publike e marrëveshjes do të bëhet gjatë javës së ardhshme në një dalje të përbashkët për media.

Ganimete Musliu eskalon ndaj akrerëve të VV-së, i quan ‘farë të fëlliqur’

Ganimete Musliu nga Partia Demokratike e Kosovës ka reaguar ashpër ndaj ish-ministres Donika Gërvalla, si dhe ndaj Albulena Haxhiut dhe Xhelal Sveçlës, të cilët të premten udhëtuan në Shqipëri për të festuar 28 Nëntorin.

Në një reagim publik, Musliu i ka kritikuar ata duke i akuzuar se e kanë shfrytëzuar udhëtimin për t’u bërë thirrje mërgimtarëve të Kosovës që të votojnë më 28 dhjetor, duke mos e respektuar as festën kombëtare.

“E ka kapur paniku këtë farë të fëlliqur. Shkojnë për të festuar festën kombëtare, e përfundojnë duke ju përgjëruar mërgatës për shpëtim.  Këta nuk respektojnë as festat kombëtare, as dasmat, as mortet, as mërgatën, as Kosovën, as Shqipërinë.  Këta mashtrues e manipulues, këta zhylla e shkatërrues. Këta vrasës të shpresës  e të ardhmes se këtij vendi”, shkroi Musliu.

Lëvizje e papritur: Ish-këshilltari i Kurtit i bashkohet PDK-së

Ish-këshilltari i kryeministrit Albin Kurti, Durim Berisha, është anëtarësuar në PDK.

Ai ka bërë me dije se nga vitit 2014 kjo parti ka humbur një varg zgjedhjes.

Berisha ka vlerësuar se dikush duhet të marrë përgjegjësi për këto humbje.

Në profilin e tij në “Facebook”, Berisha ka shkruar se PDK-ja nuk duhet t`i përsërit gabimet.

“Miq të dashur, më lejoni t’ju njoftoj se, si anëtar i ri i PDK-së, në zgjedhjet që po vijnë – nuk e përkah asnjërin nga kandidatët e saj.

Ne duhet ta kuptojmë se kemi humbur në seri që nga viti 2014. Njerëz brenda PDK-së mbajnë përgjegjësinë për këto dështime serike, por edhe për dështimin për t’i ofruar qytetarit atë që i patëm premtuar para se t’i fitonim zgjedhjet në vitin 2007. Ata duhet të kuptojnë se janë humbësit dhe fajtorët. Thjeshtë, qytetari nuk i don. Përsëritja e të njëjtave gabime – aderime “spektakolare” të njerëzve të padobishëm, që nuk sjellin asnjë votë të re – nuk sjell ndryshim”, ka shkruar Berisha.

Pas humbjes së rëndë, bashkëshortja e Shpat Kasapit del me reagim të ri

Gruaja e këngëtarit Shpat Kasapi, Selvija, ka reaguar pas njoftimit të menaxhmentit të artistit për ceremoninë mortore.

Ajo ka ndarë në Instagram një story ku përcjell të njëjtin informacion për datën dhe orarin e varrimit, duke u drejtuar miqve, familjarëve dhe publikut që kanë shprehur mbështetje këto ditë.

Njoftimi i saj vjen si konfirmim i atij të menaxhmentit, shkruan “Kosovarja.

Ngushëllime!

Donald Trump merr vendimin e papritur mbi Venezuelën

Presidenti i Shteteve të Bashkuara të Amerikës, Donald Trump deklaroi në Truth se hapësira ajrore mbi Venezuelën “është e mbyllur”.

“Për të gjitha linjat ajrore, pilotët, tregtarët e drogës dhe trafikantët e qenieve njerëzore, ju lutemi të merrni parasysh se hapësira ajrore mbi dhe përreth Venezuelës do të jetë plotësisht e mbyllur”, shkroi presidenti në Truth, shkruan ANSA.

Gazetarja me shami denoncon publikisht Qumilin: Më tha “përgjigjem vetëm për televizionet shqiptare

Farije Dauti Bakiju, gazetare në Televizionin Shtetëror të Maqedonisë së Veriut, ka shkruar një shkrim, në të cilën ka denoncuar publikisht Sevdai Radogoshin, aktor i njohur nga Kosova i njohur si Qumili, për sjellje me premisa islamofobike.

Gazetarja Dauti ka treguar një ngjarje që i ka ndodhur më 28 Nëntor me Qumilin.

Ajo ka pretenduar se ngjarja ka ndodhur në momentin kur ka tentuar të intervistonte Qumili.

“Ia bëra pyetjen dhe zgjata mikrofonin për deklaratë…

“Unë përgjigjem vetëm për televizionet shqiptare,” – tha Sevdai Radogoshi (Qumili) me një nënqeshje cinike.

“Mos doni të thoni edhe ju se qenkam arabe?” – e pyeta.

“Nuk e di, mund të jeni edhe prek ndonjë televizioni serbe,” – shtoi ai.

Dhe i gjithë respekti për artin e tij mu rropos aty n’sekondë” – ka shkruar ajo, raporton Gazeta Politika.

Ekspertja e energjisë Janina Ymeri kandidate e LDK-së për deputete

Kreu i Lidhjes Demokratike te Kosovës, Lumir Abdixhiku ka njoftuar se ekspertja e energjisë, Janina Ymeri do të jetë pjesë e listës së LDK-së për zgjedhjet e 28 dhjetorit.

Përmes një njoftimi, Abdixhiku shkroi se Janina Ymeri është shembulli më i qartë i aktivistes politike të kohës sonë.

“Si veprimtare e LDK-së, ajo ka ngritur zërin kundër mafias energjetike dhe ka ekspozuar milionat e qytetarëve të Kosovës që përfunduan në llogaritë e Vuk Hamovicit, të birit të ish-shefit të Armatës Jugosllave, Rade Hamovic. Vukvendosje – siç i dha epitet me të drejtë ajo, shërfaqë më së miri mashtrimin popullist që ndodhë sot. Njërën dorë të shtrirë tek mafia energjetike dhe milionat e popullit të Kosovës që shkojnë aty( tjetrën me gisht ndaj patriotëvë të vendit për tradhëti. Trushpëlarja kështu duket”, shkroi Abdixhiku.

“LDK është shtëpia e njerëzve të tillë; të drejtë, të guximshëm, profesionalë. Njerëzve që nuk e përdorin politikën për vete, por për vendin. Prandaj jam i lumtur t’ju njoftoj se Janina Ymeri do të jetë pjesë e listës sonë për zgjedhjet e 28 dhjetorit. Ajo ka treguar se si duket aktivisti i vërtetë: me fakte, me integritet dhe me vizion për një shtet ligjor”, shkruhet ndër tjerash në postimin e Abdixhikut.

A do të jetë në Listën e LDK-së për deputet? Agim Veliu del me këtë njoftim

Agim Veliu, ka reaguar publikisht pas debateve të ditëve të fundit brenda Lidhjes Demokratike të Kosovës lidhur me listën zgjedhore për zgjedhjet e 28 dhjetorit.

Në një postim drejtuar anëtarëve dhe simpatizantëve të partisë, Veliu ka falënderuar të gjithë ata që kanë ngritur zërin për kontributin e tij dhe për domosdoshmërinë e respektimit të meritokracisë brenda LDK-së, shkruan IndeksOnline.

Veliu ka rikujtuar pritjet që kishte pasur edhe në zgjedhjet e kaluara për të qenë pjesë e listës, por theksoi se pavarësisht “vendimeve të padrejta të asaj kohe”, ai ka vazhduar t’i qëndrojë besnik LDK-së dhe vlerave të saj.

Sipas tij, përfshirja në listë nuk duhet të shihet si privilegj personal, por si përgjegjësi për secilin që ka kontribuar ndër vite.

 

 

Postimi i plotë:

Të dashur qëndrestarë, anëtarë dhe simpatizantë

Ditëve të fundit kam parë një debat të gjerë në media, nga anëtarësia dhe shumë aktivistë të LDK-së lidhur me përfaqësimin në listën zgjedhore të 28 dhjetorit.

Dua t’i falënderoj të gjithë ata që me sinqeritet e bindje kanë ngritur zërin për kontributin tim dhe për kthimin e drejtësisë dhe meritokracisë brenda Lidhjes Demokratike të Kosovës.

Është e vërtetë se edhe në zgjedhjet e kaluara ka ekzistuar pritja që të jem pjesë e listës. Por, pavarësisht vendimeve të padrejta e të dëmshme të asaj kohe, unë kam vazhduar të qëndroj aty ku kam qenë gjithmonë, në shërbim të LDK-së, të qytetarëve dhe të vlerave që kemi kultivuar për më shumë se tri dekada.

Dua ta theksoj qartë se përfshirja në listë nuk është favor dhe as privilegj personal. Për mua dhe për secilin që ka dhënë kontribut të gjatë në LDK, është vetëm përgjegjësi dhe vazhdimësi e punës së bërë me përkushtim, është respekt ndaj historisë sonë dhe ndaj qytetarëve që na kanë besuar për shumë vite.

LDK është shtëpia jonë e përbashkët. Ajo është ndërtuar me mund, sakrificë dhe besnikëri nga njerëzit që ishin aty kur ishte më së vështiri dhe që vazhdojnë të jenë aty edhe sot.

Prandaj, është e domosdoshme që dera të mos u hapet atyre që nuk kanë qenë pjesë e LDK-së, nëse kjo do të ishte arsyeja të lihen jashtë ata që e kanë themeluar, e kanë mbrojtur dhe e kanë mbajtur gjallë partinë për më shumë se 30 vite.

Respekti për bazën, për themeluesit dhe për kontribuesit afatgjatë nuk është vetëm parim, është detyrim moral dhe institucional ndaj LDK-së, ndaj anëtaresisë dhe ndaj qytetarëve që na besojnë.

Pavarësisht debateve të ditëve të fundit, unë mbetem i përkushtuar ndaj vlerave të LDK-së, i gatshëm ta jap kontributin tim dhe besnik ndaj secilit anëtar që e ka dashur dhe e do partinë si shtëpinë e vet.

Faleminderit për vlerësimin, mbështetjen dhe besimin që vazhdoni të ma jepni!

Zoti e bekoftë LDK-në!

Zoti e bekoftë Rugovën!

Zoti e bekoftë Kosovën!