Festim Kabashi kritikon ashpër Fitore Pacollin: E paske ringjall emrin e komunistit serb në veriun e çliruar

Kandidati për deputet nga Lidhja Demokratike e Kosovës, Festim Kabashi, ka reaguar ashpër ndaj, Fitore Pacollit, pas publikimit të saj lidhur me vendosjen e një tabele me emrin e ish-kryeministrit serb Zoran Gjingjiq në veri të vendit, shkruan Gazeta Infokus.

Kabashi ka thënë se po të ishte parë një ministër i qeverive të kaluara me pankarta të ish-kryeministrave serbë, reagimi i Vetëvendosjes do të kishte qenë krejtësisht ndryshe.

“Paramendoni nëse një ministër i qeverive të kalume ish pa sot me pankarta në dorë të ish-kryeministrave serbë, çka kish ba Vetëvendosja sot?”, ka deklaruar Kabashi.

Ai ka rikujtuar se gjatë viteve ’90, gjimnazi “Sami Frashëri” në Prishtinë kishte mbajtur emrin e Ivo Lola Ribarit, por se ai emër ishte zëvendësuar nga institucionet dhe qytetarët shqiptarë gjatë rezistencës ndaj regjimit serb.

“Fitore, emrin e Ivo Lola Ribar nën masat e dhunshme serbe e ka pas emrin gjimnazi ‘Sami Frashëri’ në Prishtinë në vitet e ’90-ta. Prej ku Lidhja Demokratike dhe prej krejt popullit të Kosovës u mbajt arsimi shqip në Kosovë dhe shkolla e mori emrin e patriotit të madh shqiptar Sami Frashëri. E sot ti po shihesh me krenari qysh e paske ringjall emrin e komunistit serb në veriun e çliruar”, ka deklaruar ai.

Kabashi ka ngritur kritika edhe për Ligjin për Shtetësinë, duke pretenduar se ai mund të ketë hapur rrugë për pajisjen me shtetësi të personave që kanë qenë banorë të Kosovës para janarit të vitit 1998.

“E ligji për shtetësinë Fitore qysh po shkon? A e dini more se ju keni dhanë nënshtetësi potencialisht edhe paramilitarëve serbë, tonë shkurt gjithë atyre që kanë qenë banorë të Kosovës para janarit të vitit 1998”, ka shkruar Kabashi.

Ndryshe Festim Kabashi kandidon për deputet me numrin 41 nga radhët e LDK-së në zgjedhjet e 7 qershorit.

Më poshtë gjeni reagimin e tij të plotë:

Gjingjiqi kërkoi rikthimin e ushtrisë serbe në Kosovë, sot emri i tij u vendos në një rrugë në veri krahas emrit të Isa Boletinit

Vendosja e emrit të ish-kryeministrit serb, Zoran Gjingjiq, në një rrugë në Mitrovicën e Veriut ka nxitur reagime dhe debat publik në Kosovë.

Gjatë ditës së sotme, përfaqësues të Lëvizjes Vetëvendosje vendosën tabelën me emrin e Gjingjiqit në një rrugë në veri të vendit. Sipas mediave lokale, në ceremoninë e vendosjes së tabelave ishte e pranishme edhe ministrja në detyrë e Mjedisit, Fitore Pacolli.

Megjithatë, emri i Gjingjiqit lidhet edhe me një episod të rëndësishëm politik pas luftës në Kosovë.

Në vitin 2003, katër vjet pas largimit të forcave serbe nga Kosova pas ndërhyrjes së NATO-s, kryeministri i atëhershëm i Serbisë i kishte kërkuar Aleancës Veriatlantike lejimin e rikthimit të forcave serbe në territorin e Kosovës.

Sipas raportimeve të BBC-së të asaj kohe, Gjingjiq i kishte dërguar një letër komandantit të NATO-s për Evropën Juglindore, Admiralit Gregory Johnson, ku shprehte shqetësimin për mundësinë që UNMIK-u t’u transferonte disa përgjegjësi të sigurisë autoriteteve lokale shqiptare në Kosovë.

Ai argumentonte se një zhvillim i tillë mund të ndikonte në procesin e përcaktimit të statusit përfundimtar të Kosovës.

Në letrën e tij, Gjingjiq propozonte që rreth 1 mijë ushtarë serbë të riktheheshin në Kosovë, duke pretenduar se kjo do të ndihmonte në mbushjen e një vakumi të mundshëm sigurie në rast se NATO do të zvogëlonte praninë e saj ushtarake për shkak të zhvillimeve të asaj kohe në Irak.

Megjithatë, përfaqësuesit e forcave ndërkombëtare në Kosovë e hodhën poshtë këtë ide, duke theksuar se nuk ekzistonte nevoja për praninë e ndonjë ushtrie tjetër në Kosovë përveç misionit të KFOR-it të udhëhequr nga NATO.

Kandidati i PDK-së: Ftoj prokurorin që ta arrestojë Fitore Pacollin

Kandidati për deputet nga radhët e PDK-së, Qëndrim Kryeziu, përmes një videoje ka folur për një dëshmitar që, sipas tij, ka dhënë deklarime lidhur me rastin e Arbnor Deharit.

Ai ka deklaruar se dëshmitari duhet të dëgjohet nga institucionet dhe se materiali i plotë duhet t’i dorëzohet Prokurorisë së Shtetit.

“Albini nuk na thirri, ju ftoj ta ndiqni se çfarë flet dëshmitari”, ka thënë Lushtaku.

Ai ka bërë thirrje që Prokuroria të veprojë pa vonesë, duke kërkuar marrjen dhe trajtimin e materialit të plotë.

“Ftoj prokurorin që të vijë ta marrë materialin e plotë dhe ta përfundojë rastin, e jo të ankohet”, ka deklaruar ai.

Në të njëjtën video, Kryeziu, ka drejtuar edhe një kërkesë të drejtpërdrejtë për arrestim dhe hetim ndaj Fitore Pacollit.

“Ftoj prokurorin që ta arrestojë Fitore Pacollin për rastin e Arbnor Deharit dhe të merret në pyetje në mënyrë të detajuar, ashtu si edhe dëshmitari, për personat e tjerë të LVV-së”, ka thënë ai.

Publikohen pamjet nga momenti kur Gjesti hyri me armë dhe demoloi zyrat e ONIMA

Mediat kanë publikuar pamjet nga momenti kur Gjesti hyri në zyret e ONIMA.

Ndryshe me 13 mars, Gjykata Themelore në Prishtinë – Departamenti i Përgjithshëm, Divizioni për Çështje Penale, ka vendosur masën e paraburgimit ndaj të pandehurit Besart Kelmendi i njohur si Gjesti, i dyshuar për tri vepra penale.

Prokuroria Themelore në Prishtinë kishte kërkuar paraburgimin për Besar Kelmendin i njohur si “Gjesti”., për shkak të dyshimit të bazuar se ai ka kryer veprat penale: kanosja, asgjësimi apo dëmtimi i pasurisë, dhe mbajtja në pronësi, kontroll ose posedim të paautorizuar të armëve, raporton “Betimi për Drejtësi”.

Gjyqtarja e procedurës paraprake, pas shqyrtimit të dokumenteve dhe dëgjimit të palëve, konstatoi se kërkesa e Prokurorisë ishte e bazuar dhe aprovoi paraburgimin për një muaj.

Gjykata theksoi se ekzistojnë rreziqe të ikjes, ndikimit mbi dëshmitarët dhe përsëritjes së veprës penale, duke e konsideruar paraburgimin si masën e vetme adekuate për të siguruar rrjedhën e pa penguar të procedurës penale.

E trishtë: Këta janë dy të rinjtë nga Kosova që humbën jetën në Shëngjin

Janë identifikuar dy të rinjtë që humbën jetën tragjikisht pasditen e kësaj të mërkurë në zonën e Ranës së Hedhur në Shëngjin.

Viktimat, siç raportojnë mediat shqiptare janë: Leonid Alia nga Fushë Kosova dhe Jetmir Çopa nga Prishtina.

Mësohet se 5 të rinj u morën nga dallgët pasi u futën për t’u larë. Pasditja e tyre në bregdetin e Shëngjinit rezultoi fatale prej dy prej tyre të cilët humbën jetën. Mësohet se dy të rinjtë e tjerë janë nxjerrë nga uji dhe janë në gjendje të rëndë në spital.

Në vendngjarje kanë ndërhyrë forcat e kërkim-shpëtimit dhe Policia e Shtetit, të cilat po punojnë për sqarimin e plotë të rrethanave të ngjarjes dhe dokumentimin e saj.

Zyrtari policor që u suspendua pasi mohoi që eskorta e Kurtit u sulmua nga Sami Lushtaku është veteran i UÇK-së

Sipas mediave zyrtari policor që u suspendua pasi mohoi që eskorta e Kurtit u sulmua nga Sami Lushtaku
është veteran i UÇK-së.

“Pushteti i Albin Kurtit ka suspenduar rreshterin e Mbrojtjes së Afërt, G.M., pasi ai kishte deklaruar se Sami Lushtaku, më 31 janar 2025, nuk kishte tentuar ta sulmonte eskortën e Policisë së Kosovës”, kështu raporton VOX Kosova nga burimet e veta.

Të njëjtat burime bëjnë me dije se suspendimi ka ndodhur pasi në RTK u publikua raporti policor lidhur me këtë rast.

E gjithë kjo erdhi pas një deklarate të kryeministrit në detyrë, Albin Kurti, në KTV, ku ai tha se kryetari i Komunës së Skenderajt, Sami Lushtaku, me veturën zyrtare kishte tentuar të shkaktonte një incident në komunikacion me eskortën zyrtare.

Kjo deklaratë u mohua nga Sami Lushtaku, çka më pas rezultoi me publikimin e raportit policor nga Televizioni Publik i Kosovës. Raporti përfshinte deklaratën e rreshterit G.M., i cili kishte thënë se “vetura e dyshuar (e Sami Lushtakut) ka bërë vetëm kyçje të vrullshme, por nuk ka rrezikuar eskortën e kryeministrit Albin Kurti”.

Megjithatë, ky deklarim duket se i kushtoi me suspendim.

Sipas burimeve të VOX Kosova, masa nuk është ndërmarrë nga Inspektorati Policor i Kosovës, por drejtpërdrejt nga Policia e Kosovës, institucion që mbikëqyret nga Ministria e Punëve të Brendshme, e udhëhequr nga Xhelal Sveçla.

Tragjedia në Shëngjin: Dy të rinjtë që u mbytën nga dallgët janë nga Kosova

Një ngjarje e rëndë dyshohet të ketë ndodhur në bregdetin e Shëngjinit, ku katër shokë nga Kosova që kishin hyrë në det janë përballur me dallgët e forta.

Siç raporton Top Chanel, dyshohet se të rinjtë janë marrë nga rrymat dhe dallgët e detit, ndërsa dy prej tyre kanë humbur jetën dhe dy raportohet se janë në gjendje të rëndë.

Ende nuk ka një konfirmim zyrtar nga autoritetet lidhur me rrethanat e ngjarjes dhe gjendjen e personave të tjerë.

Në vendngjarje pritet ndërhyrja e forcave të kërkim-shpëtimit dhe policisë për të sqaruar plotësisht situatën.

Hetimet vijojnë, ndërsa autoritetet pritet të japin më shumë detaje në orët në vijim.

Policia jep detaje për tragjedinë në Shëngjin: Dy pushues nga Kosova humbën jetën, tre po marrin trajtim mjekësor

Një ngjarje e rëndë ka ndodhur pasditen e së mërkurës në zonën e Ranës së Hedhun në Shëngjin, ku dy persona nga Kosova kanë humbur jetën pasi u përfshinë nga dallgët e fuqishme të detit.

Sipas njoftimit të Policisë së Shtetit, rreth orës 16:30 autoritetet janë njoftuar se disa persona që kishin hyrë në det për t’u larë ndodheshin në vështirësi dhe rrezikonin të mbyteshin për shkak të dallgëve të shkaktuara nga era e fortë.

Menjëherë në vendin e ngjarjes kanë intervenuar shërbimet e Policisë Kufitare, policia e Lezhës dhe ekipet emergjente. Në aksionin e shpëtimit kanë ndihmuar edhe qytetarë me Jet Ski, të cilët së bashku me policinë kanë arritur të nxjerrin nga deti pesë shtetas nga Kosova.

Të lënduarit janë transportuar me urgjencë në Spitalin Rajonal të Lezhës, por sipas informacionit paraprak nga stafi mjekësor, dy prej tyre nuk kanë arritur t’u mbijetojnë pasojave, ndërsa tre të tjerët po marrin trajtim mjekësor.

Lidhur me rastin, grupi hetimor në koordinim me Prokurorinë ka nisur veprimet për zbardhjen e plotë të rrethanave të kësaj ngjarjeje tragjike.

Zbardhen detaje nga ngjarja e rëndë në Shëngjin

Detaje të tjera janë zbardhur nga ngjarja e rëndë e regjistruar në bregdetin e Shëngjinit, ku disa të rinj u përballën me dallgët e forta dhe rrymat e detit.

Siç është konfirmuar, numri i viktimave ka shkuar në dy. Ndërkohë, bëhet me dije se të rinjtë e përfshirë në këtë ngjarje tragjike janë shtetas shqiptarë nga Kosova.

Njoftimi i policisë:

Rreth orës 16:30, shërbimet e Policisë kanë marrë njoftim se në zonën e Ranës së Hedhun, në Shëngjin, disa shtetas që ishin futur në det për t’u larë, si pasojë e dallgëve të shkaktuara nga era e fortë, ndodheshin në vështirësi dhe rrezikonin të mbyteshin.

Menjëherë pas marrjes së njoftimit, në adresën e dhënë kanë shkuar shërbimet e Policisë Kufitare, shërbimet e Drejtorisë Vendore të Policisë Lezhë, si dhe ato të emergjencës.

Falë reagimit të menjëhershëm të qytetarëve me Jet Ski, në bashkëpunim me shërbimet e Policisë, u bë e mundur nxjerrja nga deti e 5 shtetasve nga Kosova, të cilët u transportuan me urgjencë në Spitalin Rajonal Lezhë për marrjen e ndihmës mjekësore.

Sipas informacionit paraprak nga Urgjenca e Spitalit Rajonal Lezhë, 2 prej shtetasve kanë humbur jetën, ndërsa 3 shtetasit e tjerë po marrin ndihmë mjekësore.

Grupi hetimor, nën drejtimin e Prokurorisë, vijon veprimet për zbardhjen e plotë të rrethanave të ngjarjes

Suspendohet polici që kishte deklaruar se Lushtaku nuk e kishte sulmuar eskortën e Kurtit

Policia e Kosovës e ka suspenduar nga puna rreshterin e saj, i cili nuk kishte deklaruar se ishin “sulmuar” nga Sami Lushtaku, derisa gjendej në eskortën e kryeministrit Kurti.

Gëzim Millaku, pjesëtar i mbrojtjes së afërt në kuadër të Policisë së Kosovës, është suspenduar të mërkurën, raporton VOX Kosova.

Supsendimi i tij ka ndodhur përafërsisht dy javë pas publikimit të raportit policor lidhur me “incidentin” ku thuhej se ishte përfshirë Lushtaku.

Megjithatë, raporti i Millakut, si rreshter i Policisë së Kosovës, mohonte deklarimet e kryeministrit Kurti se kinse Lushtaku e ka sulmuar eskortën e tij.

Në raportin policor të cilin e kishte publikuar Radio Televizioni Publik, Millaku mes të tjerash kishte deklaruar se “vetura e dyshuar (e Sami Lushtakut) ka bërë vetëm kyçje të vrullshme, por nuk ka rrezikuar eskortën e kryeministrit Albin Kurti”.

Në raport thuhej se nuk kishte elemente të ndonjë vepre penale apo kundërvajtje kundër sigurisë së trafikut publik, ndërkaq Lushtaku e kishte paditur për shpifje kryeministrin Kurti pas deklaratës së tij në KTV ku e akuzonte kryetarin e Skenderajt për sulm.