Largohet nga RTK redaktorja që intervistoi Fitore Pacollin
Redaktorja e Radio Televizionit të Kosovës, Blerta Foniqi-Kabashi, ishte degraduar në pozitë pas intervistës që zhvilloi në muajin korrik të vitit të kaluar deputeten e Lëvizjes Vetëvendosje, Fitore Pacolli e cila ishte ashpërsuar gjatë intervistës, pasi Kabashi e kishte pyetur se burri dhe familjarët e saj kishin përfituar mijëra euro nga buxheti i shtetit.
Blerta Foniqi-Kabashi përmes një postimi në rrjetin social Facebook ka njoftuar së nuk do të jetë pjesë e RTK’së pas 22 vite pune.
“Sot ka qenë dita ime e 8157-të në RTK. Për 22 vite me radhë, brenda këtij institucioni, kam kaluar sfida, jam rritur profesionalisht dhe kam krijuar kujtime të bukura.Dua që ky mesazh përshëndetës të mos jetë i rëndë, sepse shumë shpejt do të vijë një moment tjetër për ato që ende nuk janë thënë.Kam menduar se do të mërzitem shumë kur të vijë dita të largohem nga RTK. Por është krejt e kundërta. Po ndihem e çliruar. Megjithatë, pavarësisht gjithçkaje, RTK do të mbetet gjithmonë 
jeme”, ka shkruar ajo.
“Betohem se gjatë gjithë karrierës sime kam punuar profesionalisht, pa hile dhe me dinjitet. FAJI IM I VETËM ËSHTË SE E DUA RTK-NË VETËM SI TRANSMETUES TË PUBLIKUT. Andaj edhe në vazhdim do të punoj me përkushtim që një ditë RTK të jetë vërtet e publikut”, ka shkruar ajo.
Sipas saj, “më vjen keq për kolegët që po i lë pas në atë ambient, por jam e bindur se së bashku do ta rindërtojmë RTK-në, sepse Radiotelevizioni i Kosovës është i të gjithëve”.
Postimi i plotë: