Juliana Nura, ish-finalistja e Big Brother VIP Kosova mbrëmë mblodhi miqtë e ngushtë dhe fytyrat publike për premierën e reality show-t të saj më të ri, “Eagle Queen”. Ajo ktheu të gjithë sytë nga vetja kur u shfaq për herë të parë publikisht me barkun e rrumbullakosur, duke konfirmuar përfundimisht atë që përflitej prej kohësh nëpër korridoret e showbizz-it: Xhuli do të bëhet nënë. Por për t’i dhënë një tjetër dimension kësaj historie, ajo ka vendosur ta nisë këtë rrugëtim krejtësisht e vetme, duke thyer tabutë dhe duke zgjedhur procedurën in vitro.

Sigurisht, kur një personazh kaq i lakuar në media merr një vendim të tillë, kurioziteti i publikut arrin majat dhe pyetja që pushtoi rrjetin ishte e pashmangshme rreth identitetit të babait biologjik. Aludimet qenë nga më të ndryshmet, madje disa komentues me humor rikthyen në vëmendje histori të vjetra duke përmendur yje si Karim Benzema apo Cristiano Ronaldo. Megjithatë, në një prononcim për Prive By Liberta Spahiu, Xhuli i shoi të gjitha dilemat me shumë sportivitet.

Pasi qeshi me lajmet virale të rrjetit, ajo i vuri pikat mbi “i” për sa i përket origjinës së tij me një deklaratë të drejtpërdrejtë. “Personi që ka dhënë pjesën e 49 përqindshit të formimit, të fillimit të embrionit, është donator shqiptar. Shqiptar është beba! Shqiptar edhe nga nëna, edhe nga baba,” u shpreh Juliana.

Gjatë intervistës, Juliana zbuloi anën e saj më të ndjeshme, duke treguar se ky nuk ishte një hap i nxituar, por një zgjedhje e menduar mirë për të mos rrezikuar paqen e saj dhe të fëmijës në të ardhmen me marrëdhënie që mund të dështonin.

Ajo nuk ngurroi t’u kthejë përgjigje edhe atyre që e etiketojnë këtë zgjedhje si egoiste. Xhuli theksoi prerë se derisa dikush të mos jetë në këpucët e saj, nuk ka asnjë të drejtë ta gjykojë. Ajo vuri në dukje një detaj mjaft interesant, duke thënë se kritikat për vendimin e saj zakonisht vijnë nga gjinia mashkullore, ndërsa vajzat që vërtet e kuptojnë këtë nevojë të thellë për mëmësi, vetëm e mbështesin dhe e përgëzojnë për guximin.

E gjithë kjo prapaskenë dhe rrugëtimi i saj unik do të shpalosen gjerë e gjatë në episodet e “Eagle Queen”. /Prive By Liberta Spahiu

Sot është një ditë e kobshme për Butrint Imerin dhe familjen e tij.

Këngëtari ka ndarë me ndjekësit e tij një lajm shumë të trishtë, duke bërë të ditur se ka humbur një nga personat më të dashur të familjes, gjyshen e tij.

Në një dedikim emocional të publikuar në rrjetet sociale, Butrinti ka shprehur dhimbjen e tij të thellë, duke e përshkruar gjyshen si personin që e mësoi për dashurinë dhe mirësinë e pastër. Ai theksoi se shpirti i saj i bardhë gjithmonë e ka pritur me buzëqeshje, ngrohtësi dhe dashuri të pakufizuar.

Këngëtari është shprehur se gjyshja do t’i mungojë përjetësisht, por theksoi se ajo do të mbetet gjithmonë pjesë e pandashme e shpirtit të tij.

Ai përmbylli dedikimin e tij me një lutje që ajo të prehet në paqe dhe me një premtim për dashuri të përjetshme.

Ngushëllime! /Prive By Liberta Spahiu

DJ PM, feston sot ditëlindjen e tij.

Në këtë ditë të veçantë, ai ka pranuar urime të shumta dhe të përzemërta nga miqtë, kolegët e shumtë të estradës, si dhe nga familjarët e tij.

Mirëpo, në mesin e shumë postimeve të rishpërndara në profilin e tij në Instagram, një detaj specifik ka rrëmbyer menjëherë vëmendjen e ndjekësve symbrehtë. Siç shihet në foton ku DJ PM shfaqet pranë njerëzve të tij të shtrenjtë, në gishtin e unazës së dorës së majtë bie në sy një unazë në formë rrethi.

Ky është pikërisht gishti ku tradicionalisht mbahet rrethi i fejesës apo martesës, gjë që ka ndezur menjëherë aludimet.

Dyshimet e para kanë lindur nëse ai dhe Sarah Berisha kanë hedhur një hap më tej, ndonëse dyshja prej kohësh e kanë mbajtur lidhjen e tyre shumë private dhe kohëve të fundit nuk kemi parë postime të përbashkëta nga ata në rrjetet sociale.

Nuk dihet ende nëse bëhet fjalë për një fejesë të mirëfilltë, apo është thjesht një unazë estetike që ka bërë xhiron e rrjetit duke shkaktuar zhurmë. Gjithçka mbetet të kuptohet në vijim, nëse PM do të konfirmojë diçka rreth këtyre aludimeve apo thjesht bëhet fjalë për një rastësi. /Prive By Liberta Spahiu

Një ngjarje tronditëse ka dalë në dritë lidhur me vdekjen e parakohshme të aktores së njohur turke, Ece İrtem. 35-vjeçarja, e cila u nda nga jeta papritur, rezulton se kishte udhëtuar drejt Tajlandës vetëm një javë përpara se të ndërronte jetë.

Gjatë këtij udhëtimi, aktorja kishte pësuar një incident ku ishte kafshuar nga një majmun, gjë që i kishte lënë tre shenja plagësh të dukshme në krahun e saj të majtë. Ky detaj ka ngritur alarme të mëdha te familjarët dhe ekspertët mjekësorë pas vdekjes së saj.

Avokati i drejtohet prokurorisë për hetim

Nisur nga paralajmërimet e mjekëve se kafshimi i majmunit mund të shkaktojë sepsis (helmim të rëndë të gjakut), avokati i aktores, Uğur Gökkoyun, ka dorëzuar sot një kërkesë zyrtare në prokurori.

Përmes kësaj ujdi ligjore, mbrojtja ka kërkuar që të nisë një hetim i hollësishëm për të vërtetuar nëse ekziston një lidhje direkte shkak-pasojë midis infeksionit të marrë nga kafshimi i kafshës dhe humbjes së jetës së 35-vjeçares. /Prive By Liberta Spahiu